اللي عمله الميكانيكي ده صح ولا غلط

[shoshasam]

روحت لميكانيكي عشان يوطي الكهربا شويه عشان العربيه بتسقف مع بنزين 80
لكن بتخلفه وجهله بوظ العربيه اكتر وسيبته ومشيت وانا بدعي عليه بعد ما لهف ال 10ج

روحت لميكانيكي تاني (ماكنتش بحب اروحله عشان كبير في السن)
عمل الاتي :
جاب الفتيس علي ال d وشد فرامل اليد وقعد يظبط العربيه عن طريق
مسمار الهوا ومسمار البنزين والاسبراتير عشان يوصل لافضل نقطه

المميزات :
1- الرعشه اللي بشتكي منها بقالي فتره طويله راحت بنسبة 80% مش عارف ازاي
2- ماعدشي في تسقيف نهائي مع بنزين 80
3- العربيه صوتها بقي واطي جدا

العيوب :
1- العربيه مخنوقة قوي خاصة في اول الطلعه لازم اكبس بنزين جامد عشان تشد
2- الرعشه صباحا عاليه لكن 5 دقايق وتبقي كويسه
3- العربيه ماعدتشي بتدور من لمسه لازم ادوس دوسة بنزين واحده وبعد كده تدور من لمسه
4- (ودي أهم نقطه) العربيه بتسخن قوي وتبعدي منطقة النص بمسافه كبيره
مع ان من يوم ما اشتريتها بقاهلها 5 شهور استحاله توصل للعلامة اللي قبل النص حتي

ياتري اللي عمله الميكانيكي ده صح ولا غلط
وايه دخل اللي هوه عمله ده بدرجة حرارة العربية

ملحوظه : هوه بيقول اني مركب سلوك بوجيهات صيني وبوجيهات وحشه
وده مخللي العربيه ادائها سئ وكلامة صحيح فعلا وعلي فكره هوه خد 5ج بس :D
بعد ماعذبته معايا

العربيه تويتا كورولا 1994 اوتوماتيك 1300 سي سي كربراتير

تنصحوني بأيه
وشكرا

[the_master848]

تقريبا طقم الكهربا عندك هو السبب (البوجيهات واسلاكها) ومحتاج يتغير زى ماقالك

[shoshasam]

متشكر جدا علي ردك
بس ايه دخل اللي هوه عمله ده بدرجة حرارة العربية
وكمان من فتره تقريبا شهر دايما بشم ريحة مياة الرادياتير داخل الكابينة

[yyy]

الكهربا مأخرة زيادة (تاخير الكهربا يخنق العربية و يسخنها) وشوف فلتر الهوا و البوجيهات قبل ما تظبط الموتور

[Mecha]

الميكانيكي العجوز دا كويس
قدم الشراره و ضبط مع الحمل
تقديم الشراره سبب الحراره زادت سنه

[shoshasam]

متشكر علي ردودكم ياشباب
بس ماعلشي ارائكم متعارضه
يعني كده الكهربا متقدمة ولا متاخرة ؟

[Abo_Mazen]

أنا أعرف ضبط الكهرباء ده بيكون وهي العربيه دايره وسخنه على السلانسيه ..يقعد الميكانيكي يشد سلك الإكسراتير جامد قوي ويركز ودنه كده في حاجه ..هو بس اللي عارفها وسألت عليها كذا ميكانيكي مرضيش يقولي ..المهم بيركز ودنه كده مع الصوت وهي حارق عليها وبعدين يقعد يضبط ..أما بقى حكاية الكاربراتير فده بيتضبط وهي العربيه على السلانسيه بالراحه كده لغاية ما يريح صوت المكنه خالص ..ده اللي أنا شفته في ضبط الإسبراتير والكاربراتير

[shoshasam]

هوه عمل كده فعلا مع الكربراتير زي ما انت وصفت بالظبط
لكن الحرق الجامد ده بتاع الاسبراتير لا ماحصلشي

[besso]

سيان فيه تقديم او تأخير ده يسبب سخونه

[shoshasam]

ماهو الاول كان فيه تقديم جامد في الكهربا وماكنتشي بتسخن
وكمان ان بشم ريحة مياة الرادياتير واضحة قوي في الكابينه
ده معناه ان فيه تسريب بس مش عارف فين

مشكله تانيه بعد اذنكم
هوه ليه العربيه بتترج جامد لما اجي ابطلها

وشكرا

[the_master848]

تقريبا الرجة الجامدة دى بسبب بنزين 80 على حد علمى

[Abo_Mazen]

هوه عمل كده فعلا مع الكربراتير زي ما انت وصفت بالظبط
لكن الحرق الجامد ده بتاع الاسبراتير لا ماحصلشي

عشان كده بقى أنا شاكك في ظبتة اﻹسبراتير..شوف ميكانيكي يكون مشهور بظبط اﻹسبراتير حلو وروحله..على فكره في ميكانيكيه مشهورين بإنهم بيضبطوا إسبراتير كويس ..أو بيظبطوا كاربراتير كويس ..شوف حد منهم صيته كويس وروحله

[shoshasam]

تقريبا الرجة الجامدة دى بسبب بنزين 80 على حد علمى

تصدق لو وقلتلك ان الرجه بدات تقل نسبيا من يوم ما بدأت افول بنزين 80

عشان كده بقى أنا شاكك في ظبتة اﻹسبراتير..شوف ميكانيكي يكون مشهور بظبط اﻹسبراتير حلو وروحله..على فكره في ميكانيكيه مشهورين بإنهم بيضبطوا إسبراتير كويس ..أو بيظبطوا كاربراتير كويس ..شوف حد منهم صيته كويس وروحله

احنا ماعندناش حاجه في المحلة اسمها ميكانيكي كويس او بيفهم
كله شغال هنا بالصيت ولا الغنا
ومعرفشي حد في طنطا او المنصورة برضه لانهم اقرب حاجه ليا

[borio1704]

مع احترامي للجميع... بس العربية معمولة علشان تشتغل ببنزين 90

لما حضرتك تقعد تظبط وتعدل علشان تخليها تشتغل 80 غصب عنها .. ما تفتكرش إنك كده بتوفر

وعمر ما العربية هتديك أداء مظبوط طول ما هي بالوضع ده.


لا يصح إلا الصحيح



...

[shoshasam]

متشكر للنصيحه
لكن مافيش بنزين 90 في الغربيه كلها
وكنت بسافر طنطا مخصوص عشان اجيب بنزين 92 نضيف
لكن اللي خلاني ارجع لبنزين 80 اني خلصت كليه وامتحانات وبالتالي كل مشوايري
بقيت جوه البلد ووسط الزحمة والبهدلة فكان بنزين 92
بيطير في اقل من 150 كيلو للتفويلة الكاملة يعني 35 لتر
لكن بنزين 80 بيعمل في التفويلة تقريبا 350 كيلو جوه البلد

وفعلا انا هارجع لبنزين 92 بسبب المشاكل الكتيره اللي شوفتها بسبب 80
والحكاية مش توفير بالعكس انا بصرف علي العربيه اللي هيا عايزها
ومش ببخل عليها بشئ لانها بسطاني جدا

ومتشكر مرة تانيه للنصيحة