Tweet
تقرير مصور عن تغيير ترموستات الكوعه
بسم الله الرحمن الرحيم
نوع السيارة : تويوتا كورولا 1994 اوتوماتيك كربراتير 1300 سي سي
أسباب تغيير ترموستات الكوعة أو الاعراض ؟
1- العربيه الصبح بتاخد ربع ساعه عشان تبدأ تسخن وأدائها بيبقي سئ جدا
2- علي السرعات العالية درجة الحرارة بتبقي عند المنطقه البارده
أو المنطقة الزرقا زي ما بيقولوا (Cold)
4- قريت الموضوع اللي بيتكلم عن اهمية ترموستات الكوعة واقتنعت بيه فعلا
3- كان فيه خرطوم تحت الكربراتير بيسرب مياه وكذا كوليه بايظ فقولت يبقي كله مرة واحده
* بسبب الأعراض اللي فوق دي كان استهلاك البنزين عالي جدا
نبتدي علي بركة الله
روحت لواحد عندنا بتاع قطع غيار واشتريت ترموستات كوعه اصلي ب 95ج خدتها ب 90 بالعافيه + خرطوم الكاوتش أو الكوعه وكان خامة كويسه جدا صراحة ب 60ج
+ أنبوية سيليكون حراري ب 10ج
وروحت للميكانيكي (أول مره اروحلة أخويا وصفهولي) مهذب جدا صراحة ومحترم
وقالي الترموستات ممكن تسخنلك العربيه لكن عاندت معاه وقلتله لا ده هيا اللي هاتظبط العربيه
فكينا الكوعه اللي بتسرب (وربنا يسامح صاحب العربيه اللي اشتريتها منه) لقينا من جوه
وساخة وبلاك وصدأ وحاجات تانيه كتير تحس انها بلاعة مجاري مش موتور عربيه محترمة
وكل ده بسبب مياة الحنفيه االي كان بيحطها
وصراحة الخرطوم ده قرفه جدا لانه كان مستخبي تحت الكربراتير لكن فضلت معاه واحده
واحده لحد ما شاله وحط الجديد كويس وغيرت الكوليهات كلها لانها كانت مصدية
بعد كده فكينا الكوعه اللي فيها الترموستات وطلعناها مصدية ومطبقة وبايظه خالص
نضفنا الكوعه كويس جدا وجبنا جوان جديد لان القديم كان مقطوع وحطينا سيليكون
والجوان الجديد وحطينا الترموستات بعد ما اتاكدت من درجة الحرارة موجوده بالظبط علي
الجديده زي القديمة 82 درجة
وجبت جركن مياة خضرا ودورت العربيه وبدأت ازود المياه لحد ما بقيت تمام
ومليت القربة لحد العلامة اللي فيها (Full) وشيكت علي كل حاجه وسيبت العربيه
شوية لحد ما تسخن عشان اشوف المروحة هاتشتغل ولا لا والحمد لله اشتغلت عن
درجتها بالظبط (عند العلامة اللي قبل النص بحاجه بسيطه) واتاكدت ان مافيش تسريب
وحاسبت الميكيانيكي 15ج واديتله 5ج دخان لانه تعب معايا بجد وصبر عليا جدا
وكفايه أدبة واحترامة
وتوكلت علي الله وطلعت علي السريع عشان اجرب
الملاحظات :
* أول مادورت العربيه طبعا كانت بارده لانها اتركنت ساعتين تقريبا
وبدات تسخن بسرعه جدا احسن من الاول بكتير بمعني انها وصلت عند العلامة اللي قبل النص
بسرعه أكبر من الاول لان طبعا الترموستات كانت لسه قافله
* طلعت علي السريع ومشيت بسرعه عاليه عشان اشوفها هتبرد ولا لأ
والحمد لله فضلت الحرارة ثابته زي ما هيا وده شئ رائع لانها كده ثابته علي درجة
حرارة التشغيل المثالية مهما كانت درجرة الحرارة الخارجية
الاول كنت لما اجري بالعربيه كانت تبرد ويبقي أدائها سئ جدا
سؤال : مشيت في الزحمة تقريبا 5 دقايق وروحت لاني كنت تعبان
لكن الحرارة وصلت للنص بالظبط ورجعت تاني لوضعها الطبيعي بمجرد ما خرجت من الزحمة
بمعني بمجرد ما اضغط علي الفرامل واقلل من سرعه العربيه توصل للنص وترجع تاني بمجرد
ما اضغط بنزين
هل ده طبيعي ؟!!
متشكر لكل واحد بيفيدنا هنا برايه وتجاربة لانها بجد بتحسم الامر عندنا في ثواني
نصائح :
* أتاكد من العيب اللي عندك قبل ما تروح عند الميكانيكي عشان تبقي عارف هاتعمل ايه
* ماتخليش الميكانيكي يسوقك ولا يوجهك , لا انت اللي توجهه وتعرفه كل حاجه بهدوء
وبساطه
* ماتخليش الميكانيكي يشتغل لوحده في العربية , أوقف علي دماغه وتابع معاه خطوه بخطوه
ولو فيه حاجه مش عاجباك قوله عليها ده حقك مش فضل منه لانك بتدفعله فلوس
نوع السيارة : تويوتا كورولا 1994 اوتوماتيك كربراتير 1300 سي سي
أسباب تغيير ترموستات الكوعة أو الاعراض ؟
1- العربيه الصبح بتاخد ربع ساعه عشان تبدأ تسخن وأدائها بيبقي سئ جدا
2- علي السرعات العالية درجة الحرارة بتبقي عند المنطقه البارده
أو المنطقة الزرقا زي ما بيقولوا (Cold)
4- قريت الموضوع اللي بيتكلم عن اهمية ترموستات الكوعة واقتنعت بيه فعلا
3- كان فيه خرطوم تحت الكربراتير بيسرب مياه وكذا كوليه بايظ فقولت يبقي كله مرة واحده
* بسبب الأعراض اللي فوق دي كان استهلاك البنزين عالي جدا
نبتدي علي بركة الله
روحت لواحد عندنا بتاع قطع غيار واشتريت ترموستات كوعه اصلي ب 95ج خدتها ب 90 بالعافيه + خرطوم الكاوتش أو الكوعه وكان خامة كويسه جدا صراحة ب 60ج
+ أنبوية سيليكون حراري ب 10ج
وروحت للميكانيكي (أول مره اروحلة أخويا وصفهولي) مهذب جدا صراحة ومحترم
وقالي الترموستات ممكن تسخنلك العربيه لكن عاندت معاه وقلتله لا ده هيا اللي هاتظبط العربيه
فكينا الكوعه اللي بتسرب (وربنا يسامح صاحب العربيه اللي اشتريتها منه) لقينا من جوه
وساخة وبلاك وصدأ وحاجات تانيه كتير تحس انها بلاعة مجاري مش موتور عربيه محترمة
وكل ده بسبب مياة الحنفيه االي كان بيحطها
وصراحة الخرطوم ده قرفه جدا لانه كان مستخبي تحت الكربراتير لكن فضلت معاه واحده
واحده لحد ما شاله وحط الجديد كويس وغيرت الكوليهات كلها لانها كانت مصدية
بعد كده فكينا الكوعه اللي فيها الترموستات وطلعناها مصدية ومطبقة وبايظه خالص
نضفنا الكوعه كويس جدا وجبنا جوان جديد لان القديم كان مقطوع وحطينا سيليكون
والجوان الجديد وحطينا الترموستات بعد ما اتاكدت من درجة الحرارة موجوده بالظبط علي
الجديده زي القديمة 82 درجة
وجبت جركن مياة خضرا ودورت العربيه وبدأت ازود المياه لحد ما بقيت تمام
ومليت القربة لحد العلامة اللي فيها (Full) وشيكت علي كل حاجه وسيبت العربيه
شوية لحد ما تسخن عشان اشوف المروحة هاتشتغل ولا لا والحمد لله اشتغلت عن
درجتها بالظبط (عند العلامة اللي قبل النص بحاجه بسيطه) واتاكدت ان مافيش تسريب
وحاسبت الميكيانيكي 15ج واديتله 5ج دخان لانه تعب معايا بجد وصبر عليا جدا
وكفايه أدبة واحترامة
وتوكلت علي الله وطلعت علي السريع عشان اجرب
الملاحظات :
* أول مادورت العربيه طبعا كانت بارده لانها اتركنت ساعتين تقريبا
وبدات تسخن بسرعه جدا احسن من الاول بكتير بمعني انها وصلت عند العلامة اللي قبل النص
بسرعه أكبر من الاول لان طبعا الترموستات كانت لسه قافله
* طلعت علي السريع ومشيت بسرعه عاليه عشان اشوفها هتبرد ولا لأ
والحمد لله فضلت الحرارة ثابته زي ما هيا وده شئ رائع لانها كده ثابته علي درجة
حرارة التشغيل المثالية مهما كانت درجرة الحرارة الخارجية
الاول كنت لما اجري بالعربيه كانت تبرد ويبقي أدائها سئ جدا
سؤال : مشيت في الزحمة تقريبا 5 دقايق وروحت لاني كنت تعبان
لكن الحرارة وصلت للنص بالظبط ورجعت تاني لوضعها الطبيعي بمجرد ما خرجت من الزحمة
بمعني بمجرد ما اضغط علي الفرامل واقلل من سرعه العربيه توصل للنص وترجع تاني بمجرد
ما اضغط بنزين
هل ده طبيعي ؟!!
متشكر لكل واحد بيفيدنا هنا برايه وتجاربة لانها بجد بتحسم الامر عندنا في ثواني
نصائح :
* أتاكد من العيب اللي عندك قبل ما تروح عند الميكانيكي عشان تبقي عارف هاتعمل ايه
* ماتخليش الميكانيكي يسوقك ولا يوجهك , لا انت اللي توجهه وتعرفه كل حاجه بهدوء
وبساطه
* ماتخليش الميكانيكي يشتغل لوحده في العربية , أوقف علي دماغه وتابع معاه خطوه بخطوه
ولو فيه حاجه مش عاجباك قوله عليها ده حقك مش فضل منه لانك بتدفعله فلوس
Comment