كوعة مية الفيرنا اتاكلت مع انى بحط ميه خضرا؟

[wael6]

السلام عليكم
العربيه فيرنا مو 2013 57 الف كم غاز
كوعة المياه عندى اتاكلت من الميه ولقيت الريداتير فاضي خالص والقربة مليانه لاخرها؟ هل ده عادى ان القربة منقصتش ؟
وغيرتها ب 200ج الجزء الخلفي فقط اللى هو فيه 3 خراطيم صغيره
بالرغم انى بحط مياه خضراء علطول ( نوع اسمه ايادا اسبانى )
امال لو كنت بحط مية الحنفيه كان ايه اللى هيحصل ؟

دلوقتى اغير مياه العربيه بالكامل الى مياه خضراء ولا اكمل من الحنفيه ؟

هو حاليا كوكتيل لان المية الخضرا اللى معايا خلصت فكملت مية عادية ؟
متابع وشكرا

[gazzar91]

السلام عليكم
العربيه فيرنا مو 2013 57 الف كم غاز
كوعة المياه عندى اتاكلت من الميه ولقيت الريداتير فاضي خالص والقربة مليانه لاخرها؟ هل ده عادى ان القربة منقصتش ؟
وغيرتها ب 200ج الجزء الخلفي فقط اللى هو فيه 3 خراطيم صغيره
بالرغم انى بحط مياه خضراء علطول ( نوع اسمه ايادا اسبانى )
امال لو كنت بحط مية الحنفيه كان ايه اللى هيحصل ؟

دلوقتى اغير مياه العربيه بالكامل الى مياه خضراء ولا اكمل من الحنفيه ؟

هو حاليا كوكتيل لان المية الخضرا اللى معايا خلصت فكملت مية عادية ؟
متابع وشكرا

في الغالب دي مشكلة في المية اللي بتستخدمها (و لو ان شيطاني بيقوللي انها حاجة ليها علاقة بالغاز)
القربة من هينقص منها حاجة طول ما دورة التبريد كانت مفتوحة (الكوعة المتاكلة)

و الله أعلم

[hesham fawzy h]

متابع

[wael6]

متابع
صباح الخير

[Mecha]

واضح ان مفيش فرق في انواع الميه في الحاله دي رغم ان الكيلومتر صغير
اه طبيعي الدوره تفضي و القربه مليانه
الاساس هوا للاداتير

[wael6]

للافادة والله اعلم
جالى الرد ده ويمكن انا برجحه لان المية الخضرا معايا داخله على سنتين

تأكل الكوعة مع المياه الخضراء بسبب عدم تغير المياه عند انقضاء عمرها فأصبحت اسوأ من ماء الحنفية
الماء الاخضر 25000كم او 24شهر ايهما اقرب

[tameem2010]

ديه مشكلة المياه اللى انت بتحطها واضح انها نوع اي كلام وهتلاقي لونها غير وقلب بني او اصفر بعد فترة
نصيحة مني
روح لميكانييكي خليه ينزل المياه اللى في الماتور كلها
و غير ترموستات الكوعه (لانه زمانه اتهرى من المياه )
وغير كوعة المياه
ومتحطش مياه خضراء غير موبيل
جركن مياه 4 لتر ب80 جنيه
هو ده بس اللى هيحافظ على العربيه
اما باقي الانواع اللى يقول لك سعودي واللى يقول لك اسباني ومش عارف ايه كلها مضروبة وفيه انواع منها بتاكل الراديتير وكوعة المياه

[wael6]

طب اغير الترومستات ليه ؟ المراوح بتشتغل فى ميعادها
انا غيرت الكوعه بس والميكانيكي قالى الباقي سليم
ولو هغير الترومستات يبقي لازم هيحل تانى من الاول

[tameem2010]

انا بقول لك ترموستات الكوعة مش ترموستات بتاعة المراوح

[wael6]

انا بقول لك ترموستات الكوعة مش ترموستات بتاعة المراوح

منا عارف اصدك ع الترموستات اللى جوه الكوعه نفسها مش المراوح

[wael6]

ممكن سؤال
ليه لما الريداتير عندى فضا والميه نزلت وجيت ازودها كذا مره
تبقي مياه خضرا داخل الموتور من المياه القديمه
ازاى اضمن ان مفيش مياه خضرا قديمه فى الموتور ؟
عشان احط مياه خضرا جديده صالحه
وشكرا