عاوز اعرف اضرار زيت الشنمبر ؟ من فضلكم

[amr123]

السلام عليكم
لو سمحتم عندى سوال بخصوص زيت الشنمبر

اانا فاهم متى يستخدم زيت الشنبر و لكن انا عايز اعرف ايه الاضرار الناتجة عن استخدامه و بتظهر بعد ايه تقريبا
انا عربيتي محتاجة طقم شنبر و تغير جوانات عشان بتاكل الزيت و بلاقي البوجيهات عليها زيت و لكن الموضوع لسه فى اوله اقصد الدخنة بسيطة و بتظهر لو كبست جامد ..صوت المكنة كويس لما بتكون البوجيهات جديدة و مستوى الزيت مظبوط..عشان كده اكتر من ميكانيكي قالي ان شاء الله هتحتاج شنمبر بس و تظبط وش السلندر و الصبابات و خلافه

الكلام ده بقاله اسبوعين مش اكتر ..و قللت استخدامي للعربية بنسبة 60% مثلا عن الاول و انا ان شاء الله هعملها خلال اسبوعين بالكتير
انا بقى اتفزلكت امبارح ..رخت غيرتلها بوجيهات و حطيت زيت شنمبر عشان رخصتي مسحوبة و عندى فحص ففكرت ف كده عشان اعدى الفحص ..

احد معارفي غلطني وقالي بلاش زيت الشمبر عشان بيبوظ البسامتم .

عشان كده محتاج مشورتكم ..هل فعلا مضر ان يفضل فى العربية اسبوعين تلاتة مع استخدام بسيط للعرربية
3 ولا 4 كم فى اليوم عدا يوم واحد هو الي بتعمل فيه 60 70 كم ...ولا انزل الزيت ده
و لو هنزله ..استخدم موتور فلاش و احط زيت نضيف حتى لو من نوع رخيص

اسف لو طولت عليكم ..لكن رايكم مهم طبعا

[hesham fawzy h]

متابع

[Abo_Mazen]

إيه إيه إيه ..مالك كبرت الموضوع كده ليه ..أولا أي عربيه موتورها خفيف بتبقى المكنه عايزه تتفتح وإنت ورزقك ..تلاقي مش عارف إيه عاوز يتغير ..تلاقي مش عارف إيه عاوز يتخرط ..يعني كده كده فاتح ..كده كده عامل شغل ..وممكن لو لقيت شرا مكنه إستيراد أوفر ترمي المكنه دي على بعضها كده ..وتجيب مكنه تانيه

وبعدين زيت الشنبر ده أنا إستخدمته لما كان معايا 128 لمدة سنه ..وبعتها والزيت فيها ..واللي خدها مني معملش أكتر من إنه غير طقم شنبر بس ..يعني لا زيت الشنبر عمله أكلان بساتم ولا عمله مش عارف إيه ..متكبرش الموضوع كده ...تعالى شوف اللي بيحطوا زيت فلفلين مع زيت الشنبر في نفس ذات المكنه عشان زيت الشنبر لوحده مبقاش نافع من كتر ما المكنه خفيفه

بقلك إيه ..خش إفحص وضبط نفسك ..وبعد كده إعمل عمرتك ..بس ما تطولش في القصه دي

[amr123]

إيه إيه إيه ..مالك كبرت الموضوع كده ليه ..أولا أي عربيه موتورها خفيف بتبقى المكنه عايزه تتفتح وإنت ورزقك ..تلاقي مش عارف إيه عاوز يتغير ..تلاقي مش عارف إيه عاوز يتخرط ..يعني كده كده فاتح ..كده كده عامل شغل ..وممكن لو لقيت شرا مكنه إستيراد أوفر ترمي المكنه دي على بعضها كده ..وتجيب مكنه تانيه

وبعدين زيت الشنبر ده أنا إستخدمته لما كان معايا 128 لمدة سنه ..وبعتها والزيت فيها ..واللي خدها مني معملش أكتر من إنه غير طقم شنبر بس ..يعني لا زيت الشنبر عمله أكلان بساتم ولا عمله مش عارف إيه ..متكبرش الموضوع كده ...تعالى شوف اللي بيحطوا زيت فلفلين مع زيت الشنبر في نفس ذات المكنه عشان زيت الشنبر لوحده مبقاش نافع من كتر ما المكنه خفيفه

بقلك إيه ..خش إفحص وضبط نفسك ..وبعد كده إعمل عمرتك ..بس ما تطولش في القصه دي

شكرا يا باشا على ردك الكريم ..انا مش مكبر الموضوع ولا حاجة انا بس عاوز افهم الصح ..تسلم ايديك

[amr123]

اي اضافة يا جماعة :)