زنة في فيرنا 2015

[mrefaat82]

السلام عليكم، أنا معايا فيرنا زيرو و دلوقتي عاملة حوالي 2500 ك، لما باطلع بيها الصبح صوت الموتور باحسه عالي عن المعتاد و لما بارفع رجلي من علي البنزين و انا ماشي عالتاني أو التالت مثلا باسمع صوت زنة عالية جاية من تحت .. هل يا تري ده لأن الموتور ما بيكونش سخن و لا كده ممكن يبقي في مشكلة؟ الزيت المستخدم في المحرك شل هيلكس ألترا 5w-30
شكرا مقدما و جزاكم الله خيرا

[david5]

انا عندي نفس الزنة والعربية زيرو 2015 بس بسمعها في الاول لما بتكون بردا

[samihanwar]

عشان العربيه بارده
عادى

[egyption2012]

ممكن يكون فيه شئ عايز يتربط اسفل العربية
وحركة الموتور القوية اثناء التسخين صباحا بتؤدي لاهتزاز الشئ ده
حاول تنزل تبص على العربية من تحت الصبح واعرف ايه اللي بيتهز

[mrefaat82]

بعد بحث و فحص و تمحيص لقيت موضوع مشابه علي أحد المنتديات و توصلوا إلي أن اللي بيسبب الزنة دي في الفيرنا بالذات هو مواسير التكييف اللي ورا التابلوه لأنها بتكون مش متثبتة كويس و ده في كل الفيرنا و قالوا ان الحل انك تحط ورا المواسير قطعة سفنج أو حاجة تثبت المواسير .. أنا لسه ما جربتش الحل ده بس مقتنع أن هو ده السبب