ارجو المساعده

[revolutions]

سيارة لنسر 2004 1600
العزم ضعيف ولما بدوس بنزين بحس بصوت المكنه عالى واكنى فى هوا مع المكنه ومكتومه
لما اضغط جامد بنزين على الاخر الاقى المكنه بتديني العزم المطلوب
هل ده شكمان ولا ايه بالظبط .؟؟

[casper11eg]

الاحتمالات كالاتى الرشاشات ممكن تكون عايزه تتنضف او فلتر البنزين بقالو فترة وعايز يتغير والاحتمال الاخير طرمبه البنزين ياضعيفة ياعايزه تتنضف

[eng_amg]

ولا اي حاجة ان شاء الله
العربيات لانسر بومة بالذات حساسة جدا للاتربة والاوساخ سواء في الجو أو في البنزين.
إبدأ بالحلول السهلة من 1 إلى 5

1 نظف فلتر الهواء جيدا أو غيره في حال اتساخه بصورة كبيرة.
2 وبوابة الهواء والايديال تنظيفهم بسبراي تنظيف جيد وضروري تفك الايديال ولا تكتفي بتنظيفه في مكانه
3 لو السيارة اوتوماتيك شوف زيت الفيتيس مظبوط ولا ناقص ودا مهم جداااا لعدم دمار الفيتيس وشوف نظافة الزيت ودرجة اتساخه.. ربما يكون قديم أو محروق فلابد من تغييره حالا.
4 راجع البوجيهات ونظف الرشاشات جيدا.
5 أخيرا لو ميعاد تغيير فلتر البنزين يبقى راجع عليه.

[revolutions]

شكرا جزيلا لكم وجزاكم الله خير عندي استفسار بسيط فلتر البنزين ده الي بيبقي جوه الطرمبه ولا في مكان تاني ولكم جزيل الشكر

[eng_amg]

فعلا فلتر البنزين والطلمبة جزء واحد. الطلمبة داخل فلتر البنزين.