خطورة زيادة زيت المحرك ...

[misry]

السلام عليكم ...


كنت غيرت الزيت من كام يوم كده وبشوفه من شويه لقيته زايد حوالي ربع لتر ,,,

هل لو سبتهم بحصل حاجة وللا لازم أسحبهم ...؟


شكرا

[Mecha]

ربع لتر مش مشكلة

[misry]

هي الزيادة زي الصورة دي تقريبا ...

[ياسر يوسف]

لو الموتور كويس ومش بياكل زيت يبقي لازم تسحب الزياده دي لان ممكن تضرب جوانات نتيجه الضعط الداخلي للمحرك..

[misry]

هي العربية تعتبر جديدة , ماشية 22 الف كيلو

[ARKOON]

مفيش خطورة لانك هتحس بيه لو خنق العربية بس انتا عرفت ازاي انه زايد ربع لتر ؟ مش اكتر ولا أقل ؟؟

[misry]

مفيش خطورة لانك هتحس بيه لو خنق العربية بس انتا عرفت ازاي انه زايد ربع لتر ؟ مش اكتر ولا أقل ؟؟

لا هو تقدير مش اكتر , يمكن صح او غلط

بس هو عند العلامة الحمرا دي ...

[aymanshebl]

لا نزل الزيت الزيادة طبعا غلط

[ARKOON]

العربية لو بتاخد 4 لتر بيكون فيه نسبة زيادة يعني فوق المكس بشوية دا عادي وطبيعي وكدا كدا العربية بستهلكه وبينقص تدريجا ويوم ما بتنزل الزيت بيكون 2.5 او 3 على حسب . بس لو انتا شايف وحاسس ان الزيادة فعلا كبيرة يبقى الافضل تنزل الزيت الزيادة . سؤال تاني معلش الزيت بيتغير كل فترة او كل مدة تمام انتا بتنزل الزيت كله وبتحط بداله وطالما العربية سليمة مفيش داع انك تزود او تنقص لان دورة الزيت داخل المحرك وتزيت الاجزاء الميكانيكة بتاكل الزيت دا . انا متابع معاك وعاوز اعرف هتعمل ايه ؟!

[sakr_skoda]

متقلقش ربع لتر مش حكاية مع المشى طبيعى الزيت بيقل بنسبه بسبب البخر فمافيش اى مشكلة***بس بعد كدا لما تغير الزيت لابد ان تتاكد ان السيارة تقف على ارض منبسطة لا ميل فيها الى اى اتجاه**

[yasser100]

ما فيش مشكله . عند العلامه الحمرا كده مظبوط . ما تقلقش .

[misry]

خلاص , انا هسوق العربية شوية

ولو لاقيت الاداء بتاعها مش كويس ومخنوقة هنزل الشوية الزيادة ...

[S O P H O S]

لو زيادة عن المكس حاجة بسيطة عادي
ولو لقيت اي تغير فالسحب او فالصوت يبقي نزل الزيادة

[ياسر يوسف]

وليه تجازف ويضرب اويل سيل الكرنك او التاكيهات والعربيه لسه جديده ....الاحسن ارجع للكاتلوج بتاعها وشوف شروط ملء الزيت

[misry]

رحت لمحل الزيوت وشفطت الزيت الزيادة الحمد لله ...

هو ما كانش كتير ومش مؤثر على أداء العربية قوي , بس الامان حلو برضه