جوان وش السلندر بيسرب زيت

[AEDALLAM]

السلام عليكم

برجاء الافاده
انا عربيتى سيتروين c4 لسه مغير جوان وش سلندر
بس لقيت الجوان بيسرب زيت علما بانه لسه جديد واصلى معدن

برجاء الافاده للاهميه القصوى

[AEDALLAM]

معلش هو السؤال ايه حله هو كده مفروض انه يترط عليه تانى كويس ولا اعمل ايه

[AEDALLAM]

هل من مجيييب

[Abo_Mazen]

الوش اتمسح ولا لأ..تسريب الزيت من إيه على إيه ..يعني التسريب زيت على مياه ..مياه على زيت ..زيت على بره..عموما يتأرط عليه تاني وبهدوء..لو مقطعش يبقى يتبص على الوش يكون عايز مسحه

[Mecha]

شوف ميمكن جوان غطا التكيهات
حلو ,تروح للميكانيكي اللي ركبو يصلح شغلو

[AEDALLAM]

هو الجوان انا غيرته وفعلا فى زيت جاى من غطا التكيهات تفتكر يكون هو اللى مغرق تحت كده
هو منزل زيت على الموتور من بره كده

[Mecha]

لو جوان قديم او متربطش صح هيسيل زيت
ريح دماغك ووديها للميكانيكي اللي عملها يصلح غلطو ومتطرحش حلول

[AEDALLAM]

بص المشكله انه فى اسكندريه وانا فى طنطا بس و الجوان جديد واصلى المفروض فانا خايف اسافر ويكون حاجه مش مستاهله بس

[Abo_Mazen]

بص المشكله انه فى اسكندريه وانا فى طنطا بس و الجوان جديد واصلى المفروض فانا خايف اسافر ويكون حاجه مش مستاهله بس

لأ هي حاجه مش مستاهله فعلا ..بس لو إتأكدت إن اللي عامل كدا غطا التاكيهات ..جوان غطا التاكيهات تغييره أسهل من تغيير فلتر البنزين ..مش لازم إسكندرية ..أي ميكانيكي عندك في طنطا يخلص القصه دي

[AEDALLAM]

انا فعلا لقيت الزيت من جوان غط التكيهاات بسبب ان الباشا الميكانيكى كان سايب مسمار تحت الجوان اللى بتربط الجزء اللى تحت وش التااكيهات سايب والراس واقفه واصله لحد الجوان فمبوظه الدنيا انا عملته النهارده الحمد لله

[AEDALLAM]

شكرا يا جماعه لكل الناس الجميله اللى اهتمت
سلامه عليكم

[تامر راغب]

خللى أى ميكابيكى هنا فى إسكندرية يربطلك على جوان غطا التاكيهات والأصح إنك تغيره أحسن لك وبعدين يقفلك بسيليكون حرارى أسود ويربطلك على جوان وش السلندر كويس قوى لأنه من المفروض إنه يربط عليه تانى بعد أسبوع من مشيك بالعربية بعد ماغيرت الجوان ... أنا عندى نفس المشكلة وتقريبا إتحلت ( الموضوع لسة بقاله أسبوع يعنى )
بس أنا ماغيرتش جوان وش السلندر لكن كان فيه زيت من عنده

ربط وجرب وان شاء الله خير