المياه بتنقص c4

[AEDALLAM]

سلامه عليكم

انا عربيتى سيتروين c4 عندى مشكله مدوخانى بقالى شهرين

مية الريداتير بتنقص يجى لتر كل يوم ومفيش اى تسريب من اى وصله ومفيش مياه خارجه من الشكمان الا بخار خفيف جدا ولاحظت ان الميه قبل ما المروحه تشتغل بثوانى زى متكون المياه بتتشفط ومع ارتفاع ال rbm
وانا لسه مغير جوان وش سلندر قلت يمكن دا السبب بس مفيش فايده
لغيت التكيف السخن برده مفيش فايده
افيدونى الله يخليكو

[MuhamedNabil]

العربية كان فيها مياة حنفية و لا مياة تبريد ؟
لو كان فيها مياة حنفية يبقى راجع على طبب الماتور
فى حوالى 4 فى ضهر الماتور و اتنين قدام ورا فرن الشكمان و دى غالبا اول واحدة بتخسوع
فى ناس عندهم مكبس بيركب على القربة و بيعمل ضغظ فيبان المياة بتروح فين

[AEDALLAM]

هى حنفيه ان شاء الله

[AEDALLAM]

سؤالى لحضرتك معلش الطبب موجوده بالشكل ده فى عربيتى بالذات ولا ده عموما؟
شكرا لحضرتك جزيلا

[MuhamedNabil]

كل المواتير فيها الطبب دى و لاكن عشان ماتورك زى 307 عندى عشان كده قدرت الكون ادق شوية فى الوصف

[AEDALLAM]

محمد باشا الطبب دى باينه وسهله يعنى انا اقدر اشيك عليها ولا صعب ولو فيه صوره تبقى مشكوررر جدااااااااااا

[MuhamedNabil]

حاولت اشوفلك صورة تقرب الدنيا شوية بس ملقتش, روح للدهشورى فى صقر قريششغال بيجو و ستروين , عنده مكبس للدايرة المياة و حيخلصلك الموضوع ده

[AEDALLAM]

والله يا باشا انا مش عارف اشكرك ازاى انا حطيت مع الميه (فى القربه) الماده اللى عامله زى برادة الحديد ومنعت التسريب بصراحه دى حاجه تمخول العقل بس الحمد لله انا مبسوط بس اانا خايف اعتمد على الماده دى عايز اعرف ممكن التسريب بالشكل ده يكون من الريداتير ولا مش شرط؟

[MuhamedNabil]

المشكلة ان مياة الحنفية حتكمل على باقى الاماكن الضعيفة فى الماتور و الراديير. و مانع التسريب ده مش حل دائم ده حل مؤقت