ازاى اتاكد المشكله صبابات مش عيب بساتم او شمبر

[haitham_comput]

السلام عليكم ، العربيه بروتون ويرا 2001 1.6 فيها اتنين سلندر مش شغالين جمب بعض 3،4 الماتور بيدور لكنه طبعا بدون اى عزم وبيترج جامد جدا وفى صوت نفخ هوا بيطلع من الفلتر وكان الكبس للسلندرين خارج من الفلتر وطبعا السلندرين مش شغالين خالص يعنى لو فصلت رشاش او بوجيه مفيش اى تأثير ازاى اتاكد انها مشكله صبابات او تكون مشكله بساتم وشكرا

[محاسب صعيدى]

متابع

[mrastra]

كدة كدة الوش هايتفك سواء صبابات او بساتم
راى تفك الوش وهايبان لو فى بستم مكسور او مسلخ
لكن انا متوقع ان فى صبابات متنية

[ali_elwakeel]

لازم تحل الوش لان ممكن يكون فى صباب قفش

اما عن كلام الاخ mrastra فمش سليم للاس مع كامل احترامى

لان الصباب لو متنى معناة ان سير التقسيمة اتقطع يعنى المكنة مش هتدور اصلا

و فى احتمال سكون العربية سخنت منك و انت مش دريان و بالالى الوش قفع يهنى كبس البستمين دول ضايع لان الغرفة مش مقفولة باحكام او وراد يكون فى شرخ فى البلوك لا قدر الله

اتمنى اكون افادتك

[فتح الباب]

راجع على التقسيمه اولا قبل اى شىء لان معنى ان التالت والرابع يخرجوا من الهوايه يبقى الحريق لا يتم فى مواعيده والمعنى هنا ضبط التقسيمه اما عن الدواره محتمله على نفس الوضع وارد جدا

[medohai510]

أبدأ بالحاجات البسيطو أولاً
البوجيهات سليمة أم مرطبة
الموبينة سليمة أم باظت
وبعد ذلك تشيك علي التقسيمة والصبابات والبساتم

[ali_elwakeel]

الموبينة لو بايظة المكنة مش هتقوم اساسا لان مش هيبقى فى كهربا رايحة للبوجيهات من الاساس

لو خالفة تقسيمة هتبرجل هتلاقى فى بساتم بشتغل و تقطع و الاشواط غير منتظمة

حل الوش و اكشف على البساتم و شوف الوش سليم و لا لا

[the_master848]

اول حاجة تعملها تبدأ بالبوجيهات وتخلى حد فاهم يشوفلك الكهربا بتاعتهم مظبوطة ولا لآ وبعدين قيس كبس الموتور علشان تطمن على البساتم وهيبان اذا كان عيب بوجيهات او بساتم او صمامات

[besso]

انت بتقول ان الكبس بتاع السلندرين ده خارج من الفلتر عرفت منين قيست كبس؟؟؟؟

لانه كده يبقى الصبابات بتهرب او الوش مشرخ من ناحيه السلندرين دول
فى الاخر لازم هاتحل الوش علشان تعرف ده عيب ايه
انت لو مكنتش قيست كبس قيس تانى واحقنفى الاسطوانتين دول كميه من الزيت بحقنه وقيس تانى لو القرايات زى ماهى فى الاسطوانتين دول يبقى صبابات او وش مشرخ
لو الكبس على يبقى بساتم
اعمل كده قبل ماتفك علشان تبقى عارف فيها ايه من الاول

[aymanzx]

أعتقد ان المشكلة كانت جوان وش السلندر بيهرب بين سلندر 3 و 4 :)

[Abo_Mazen]

وفي النهاية ..لازم برضه هتفك الوش عشان الدنيا تبان ..فك الوش مش مشكله في حد ذاته ..أهم حاجه ..ماذا بعد فك الوش ؟؟؟؟؟؟!!!!!!