العربيه مخنوئه ويا ريت المساعدة

[sherif309]

معايا دايو ماتيز 2000. عامله 142 الف. كان عندى مشكله فى ضفيرة الحوض وعلبه الفيوزات وغيرتها والحمد لله. ووقلت اعمل بالمرة طقم سيرفيس ليها. الميكانيكى قالى العربيه موطورها خفيف وعايز يعمر قولتله مش وقته ومش مدايقنى لان مراتى لسه بتتعلم عليها. انا عايز اغير سيور وفلاتر واحكم الزيوت الى بتسرب منها. غيرنا سير كاتينه من غير البليه عشان قالى كويسه. وباقى السيور وبوجيهات وفلاتر ونضف البوابه والحساسات. وفك الموبينه وحكم الزيت الى بيجى من وراها. بعد ما دورنا العربيه عزمها 0 وسحبها 0 ودوستها ضعيفه جدا واتخنئت جدا جدا رغم انى كنت رايح بيها رهوااان وعمرها ما عملت كدة قبل كدة. رجعتله قالى دة تاخير كهربا وهوى على مسمار المبينه شويه وقالى جرب وجربت وبردو 0
ممكن حد يفدنى ويقولى ايه الى ممكن يكون عمله السباك دة

[Mecha]

ممكن لعب في الموبينة

[kbarema]

روح لميكانيكى تانى لان الاحتمالات كتير

[sherif309]

طب ايه هيا الاحتمالات الكتير. وهل ممكن يكون ركب السير غلط. طب واى ميكانيكى تانى هيعرف ولا لازم يفك ولا هيفتى ولا ايه بالظبط. طب وايه موضوع الموبينه دة.

[Ahmed El Shamy]

متابع

[sherif309]

انا رحت لميكانيكى تانى وظبطلى سير الكاتينه لانه كان مقدم سنه فعلا وكان كمان مشدود عليه جامد جدا. والعربيه ظبطت الحمد لله بس بردو مش زى الاول قبل ما اغير السيور كانت خفيفه وبتجرى جامد وهقولكوا الحجات الى اتعملت فيها وياريت حد يدينى احتمالات للخنئه دى
تغيير زيت موتور شيل الاحمر التقيل ومعاة علبة زيت شمبر ابرو
تغيير حساس الايدل
تغيير فلتر الهوا والبنزين والبوجيهات ngk

حدي يقولى الخنئه دى ممكن تكون من نوع البزين؟ مع انى كنت بحط 80 ايام ما كانت بتجرى وخفيفه بس تفرء من بنزينه للتانيه؟
طب ممكن تنظيف الايدل والبوابه تانى بمنظف انجيكشن مع اضافه سائل تنظيف دورة البنزين؟
عندى سلوك البوجيهات بتهرب كهربا وبتضرب فى جسم المكنه.. ممكن بردو يكون عيب ماثر على سحب العربيه؟


ارجو الافادة؟؟

[hassanmm]

طبعا تهريب الكهرباء من سلوك البوجيهات يبرجل الدنيا ويخنق الموتور .