سؤال عن موتور شيفروليه أوبترا

[falak]

يا جماعة الخير أنا حصل لعربيتي مشكلة مفاجأة في موتور الأوبترا 2009
فجأة كده لقيت في رجرجة وأنا واقف على D ولما رحت التوكيل قالولي دي عاوزة عَمرة
عشان جوان وش السلندر ،، وفيلم كبير ،، ربنا ما يكتبه على حد
وأنا لغاية دلوقتي ماعرفش السبب إيه ؟
المهم ،، اضطررت لشراء موتور استيراد وركبته مكان الموتور بتاعي
بس فيه زنة كده لما بادوس بنزين
الميكانيكي قاللي عشان الموتور ده مش نفس الموديل ،، ومش قاعد مرتاح ،، فيخرط له حاجة كده ف يالقاعدة
يا ترى الكلام ده صحيح ولا إيه ؟
أنا كنت فاكر إن موتور الأوبترا كله واحد ،، أي موديل
إزاي الموتور مش مرتاح ؟؟
وكمان لقيت إن الموتور الجديد من غير وش اللي هو الـ Cover اللي فوق !!!
يا ريت حد يفيديني
وكمان لو أمكن تقولولي إيه إجراءات إثبات الموتور الجديد على الرخصة .

[homos_loz]

بالنسبة للموتور انت حتاخد الافراج الجمركى من البايع والفاتورة وبعد حوالى اسبوعين تروح المرور شباك الافراجات الجمركية وتديلهم الافراج اللى معاك لو الافراج بتاعك جالة حيكتبلك الرقم الصادر وبعد كدة تروح الفحص وتعرفهم ان انت مغير مكنة حياخد الرقم ويطابقة على الافراج اللى معاك وتروح للظابط يمضى على اورقة الفحص اللى جايبها من المرور وعلى وصل الطفاية بس وتكمل الاجراءت بتعك وبالنسبة للماتور الاستيراد فحدغير يفيدك

[falak]

بالنسبة للموتور انت حتاخد الافراج الجمركى من البايع والفاتورة وبعد حوالى اسبوعين تروح المرور شباك الافراجات الجمركية وتديلهم الافراج اللى معاك لو الافراج بتاعك جالة حيكتبلك الرقم الصادر وبعد كدة تروح الفحص وتعرفهم ان انت مغير مكنة حياخد الرقم ويطابقة على الافراج اللى معاك وتروح للظابط يمضى على اورقة الفحص اللى جايبها من المرور وعلى وصل الطفاية بس وتكمل الاجراءت بتعك وبالنسبة للماتور الاستيراد فحدغير يفيدك

أشكر اهتمامك
جزاك الله كل خير