دخان ابيض من الشكمان لمدة دقيقة

[m.3amer550]

السلام عليكم ورحمة الله وبركاته
ياريت اي حد من الخبراء يرد عليا اكون شاكر ليه جدا
هبدا في الموضوع العربية اوبل ٩٧ ماشية ٦٧ الف كيلو
كان سير الكاتينة اتقطع من اخويا ونسي يغيره طبعا فضل يدور فيها لحد معوج كذا صبابا طبعا روحت للمكانيكي وفك الماكنه وجبت طقم صباب كامل مع كاوتش صبابا راح المخرطه والقديم اتفك وركب الجديد وغيرت كل الجونات بتاعت الماتور وحطيت زيت الف كيلو علشان اغسل بيه لمدة ٣ ايام العربية خدتها كانت تمام فضلت ٣ ايام علي ما تلين وكدة وكانت تمام مفيش دخان خالص بعد كدة غيرت زيت ماتور وزيت فتيس موبيل ٣٠٠٠ وموبيل ٣٢٠ من ساعتها لما بدور الصبح او العربية باردة خالص بيطلع دخان ابيض لمدة دقيقة او دقيقتين لحد ما العربية تسخن بعدين ميبقاش فيه دخان خالص ولو بطلت ودورت تاني مفيش دخان
ياريت خبراء نايل موتورز يقولولي ايه المشكلة !
شكرا

[م أحمد]

دا بخار مياه ناتج احتراق الوقود بشكل كامل و مفيش منه اى مشكلة
حط ايدك على خرج الشكمان هتلاقى مياه متكثفة عليه

[فتح الباب]

تمام

[tasaka]

هبدا في الموضوع العربية اوبل ٩٧ ماشية ٦٧ الف كيلو
كان سير الكاتينة اتقطع من اخويا ونسي يغيره

.. هو العربيه كانت مع اخوك من الزيرو و لا اشتراها مستعمله ؟؟

بمعنى آخر هل اللى اتقطع كان السير الاصلى اللى بييجى مع العربيه الزيرو ام لا

تحياتى

[m.3amer550]

اة السير الاصلي اللي جاي مع العربية ..
شكرا للرد بس الدخان كثيف اوي اول لما بدور لمدة دقيقة ويبطل وده مش عادي مكنتش بتعمل كدة عمرها

[tasaka]

اة السير الاصلي اللي جاي مع العربية ..
شكرا للرد بس الدخان كثيف اوي اول لما بدور لمدة دقيقة ويبطل وده مش عادي مكنتش بتعمل كدة عمرها

..
بص الموتور اتعمل له روديه .. يعنى الموتور اتحسن و فاق
لو كان الدخان ده تفويت او ى حاجه الزيت حينقص و كمان الدخنه ستكون مستمره

1 - حط ايدك على خرج الشكمان لو لقيت اللى على ايدك مياه يبقى ده دا بخار مياه نتيجه ان الموتور مظبوط جدا .. و انا متأكد ان ده حيكون بخار ميه .. و لو زودت بنزين و هى واقفه فى الوقت ده حتلاقيها بتنزل ميه كتير تحت الشكمان فى الارض ..

- و لما تسخن السياره و يتوقف خروج البخار الذى تراه .. و لكن فى الحقيقه هو لسه برضه بيخرج .. و لو حطيت ايدك على الشكمان نصف دقيقه مثلا .. ستجد برضه رزاز ميه خفيف على ايدك

2 - اما لو لقيت اللى على ايدك زيت ( وقت خروج الدخان الصبح فى اول دقيقه ) .. يبقى روح للميكانيكى و استفهم عن الصبابات و الاويل سيلات

- بس انا مستغرب ان سير الكتينه يقطع فى اوبل عند 67 الف .. هيه السياره موديل سنه كام و اسم موديلها ايه ( فيكترا .. استرا .. ؟؟ )

تحياتى

[m.3amer550]

السيارة موديلها فيكترا موديل ٩٧ ،، الف شكر للرد المفصل هشوف اذا كان بيجي من الشكمان زيت ولا مياه وارد علي حضرتك بس لو زيت ده من ايه انا طقم الصباب لسه مغيره والكاوتش كله كمان مكنتش بدخن خالص قبل ما اغير الزيت اخر مرة
بس معتقدتش انه بختر مياه لان الدنيا مش برد الايام ديه كمان بيبقي ليه ريحه هل في طريقة معينة اعرف بيها ؟

[tasaka]

السيارة موديلها فيكترا موديل ٩٧ ،، الف شكر للرد المفصل هشوف اذا كان بيجي من الشكمان زيت ولا مياه وارد علي حضرتك بس لو زيت ده من ايه انا طقم الصباب لسه مغيره والكاوتش كله كمان مكنتش بدخن خالص قبل ما اغير الزيت اخر مرة
بس معتقدتش انه بختر مياه لان الدنيا مش برد الايام ديه كمان بيبقي ليه ريحه هل في طريقة معينة اعرف بيها ؟

اى عربيه بارده الصبح ممكن تعمل كده و لكن موش شرط
اما موضوع الريحه الغريبه .. هل هى رائحه زيت مثلا ؟؟ .. عموما اى عربيه بارده الكمبيوتر بيديها مزيج غنى بالبنزين فى بدايه الدواره حتى تسخن .. ثم يقوم الكمبيوتر بتعدديل نسبه البنزبن بعد سخونه العربيه .. ركز فى الرائحه هل هى رائحه شبه البنزين النى ؟؟

الصبابات لها طقم اولسيلات على ما افهم ( بس معلوماتى بسيطه فى الموضوع ده ) .. علشان كده قلن لك لو رائحه زيت روح للميكانيكى خليه يفهمك .. و اركن العربيه عنده ساعه او ساعتين و دور العربيه علشان يشوف الوضع اللى انت بتوصفه

تحياتى

[m.3amer550]

انا حطيت ايدي مشبتجيب اي نقط زيت من الشكمان خالص ومقتس الزيت مظبوط بالنسبة للوضع العادي الكلام ده والجو برد ومش بيكون كثيف زي اللي عندي وقست الزيت لقت مقاسه تمام مفيهوش مشكلة ، كمان انا لسه مغير كاوتش الصباب كله وكان تمام مع الزيت الالف كيلو لماللي كنت بنضف بيه المكنه لما غيرته بقي بدات تعمل كدة

[tasaka]

..
لما حطيت ايدك لقيت بخار ميه على ايدك او رزاز ماء خفيف ؟ ..

ممكن فى اى جو تعمل كده و مكن لا .. عربيتى كانت بتعرق ميه ( بخار ) الاسبوع اللى فات او من 10 ايام

هل استعملت نفس الزيت الذى كان يستعمله اخوك ( نفس اللزوجه ) .. هل هو الزيت الموضى به حسب الكتالوج ؟ لان فيه عربيات بيقول لك فى الكتالوج استعمل زيت synthetic فقط علشان ليه لزوجه معينه .. و زيت موبيل 3000 ده زيت موش synthetic .. عموما حتى لو الزيت مخالف للكتالوج لا يتسبب فى حدوث دخنه و لكنه يتلف الموتور على المدى البعيد

روح للميكانيكى علشان يوضح ماتراه و يقول لك ده ايه بالضبط

تحياتى

[tasaka]

..
على فكره , بعد الالف كيلو تليين ( بعد النص عمره ) .. المفروض بتروح للميكانيكى علشان يعيد على تربيط وش السلندر بعد ما طبع على وضعه

هل رحت له و اعاد التأكيد على رباط وش السلندر

تحياتى

[m.3amer550]

روحت لهغير الزيوت وقالي مفيش اي ترشيح لززيت وكده وش السلندر تمام

[tasaka]

الحمد لله .. هو كان ربط على وش السلندر بعد الالف كيلو تليين ام لا

[m.3amer550]

لا خالص هو كان مربط في النصف عمره وقالي مدام مفيش زيت يبقي تمام مش محتاجة حاجة