كسر ترس الكامة

[Welsherif]

العربية اوكتافيا a7 1600 عاملة 26000 فى الضمان اثناء السير سمعت صوت خبط فى الموتور و ظهر انذار ان الزيت واطى وقفت و شحنت العربية على التوكيل و هناك فوجئت ان المشكلة معروفة و متكررة بسبب عيب فى الصناعة و ان المصنع اصدر نشرة بأرقام 700 عربية فى مصر لتغير الترس المعيوب لكن طبعا ده ما حصلش و المهم عرفت من ملاك للعربية افاضل حصل معاهم نفس المشكلة ان تم تغير الموتور و المهم الان ان التوكيل بيحاول اقناعى ان مش معنى ان ترس الكامة اتكسر ان ده يأثر على الموتور و انهم حيغروا مجموعة التروس و سير الكاتينة خارج اموتور و بعد كده يشوفوا اموتور اتأثر و لا لاء و لما سألت بعض الفنيين اصدقاء ان بمجرد ترس الكامة اتكسر ده بيأثر على الموتور و لازم يتغير
فأنا عايز رأى من متخصصيين فعلا كلام التوكيل صح و لا الموتور اصيب بعطل بمجرد ترس الكامة لما اتكسر

[besso]

معنى ان الترس يتكسر يبقى اكيد الصبابات خبطت فى البساتم وعشان كده حضرتك بتقول هما غيروا مواتير لناس تانيه
فممكن يكون ماتورك سليم ومش مستاهل يتغير

لكن لو حضرتك مش مرتاح اتمسك بحقك وخليهم يغيروا الماتور دى غلطتهم انه مبلغوكش بحاجه من ساعه مجالهم نشره