لمبه الزيت بتنور علي السلانسيه

[Hosam_fouad]

السلام عليكم

انا عندي اوبترا 2007 .... لمبه الزيت السنه اللي فاتت بدأت تنور علي السلانسيه بعدها بطلت تنور علي السلانسيه وبقيت كويسه لوحدها .

اليومين دول بقي بتنور لحد 1500 او 2000 rpm

اول حاجه شكيت فيها الفلتر مسدود غيرت زيت موبيل 5w30 وفلتر ... وبرضوا لسه بتنور

** كدا ممكن تبقي المشكله في الطرمبه مثلا بقيت ضعيفه . ... ولا السبايك اتاكلت وبقيت بتسقط الضغط !!! ؟ ؟ ؟

((مش عايز اروح عندي ميكانيكي افتح الماتور وغير كذا كذا والمشكله تفضل موجوده ))

طيب لو زودت لزوجه الزيت مثلا ل 15w30 او 20w50 ممكن لما ازود اللزوجه تحل المشكله دي ؟


ألف شكر ليكم :d

[فتح الباب]

افتكر تزويد اللزوجه ممكن يمشيك خمس او سته شهور ولا حاجه حسب الحاله لكن انا انصح بعمل اللزم مبكرا حتى لا تضطر لدائره اوسع من المصاريف

[Hosam_fouad]

اصل انا بصراحه مش مقتنع اني افك ماتور واعمره ..... واعيش في الوهم بقي مع الميكانيكي .... وكل شويه مصاريف ... حاسس ان الأفضل يبقي ماتور استعمال . .

[esamahmed]

متابع

[akmm]

والله متابع مع حضرتك ......................... ولان الموضوع ده عند ناس كتيير ومش عارفين يعملوا ايه وبرغم كون سياراتهم موديلات جديده نوعا ومنتظمين في غيارات الزيت وخلافه ..... وشوف بردو ساعه ضغط الزيت وهل فيه تسريب حولها ولا لأ وشوف الترمله الكهرباء متوصله مع السلك والساعه جيدا ولا مهزوزه .

[Mecha]

عامله كام كيلو علي المتور دا ؟؟

[Hosam_fouad]

العربيه عامله 207

حساس الزيت سليم مفهوش حاجه ......
في حاجه كمان غريبه عربيه الزيت وهي برده لمبه الزيت مش بتور خالص وبتقي كويسه ......
بعد ما تبدأ تسخن شويه بتدأ تنور علي السلانسيه .....
بعد ما العربيه تسخن اللمبه تنور لحد 2000 rpm وفوق كدا بتطفي
بعد كدا لما امشي بيها مشوار شويه (بمعني ان الزيت يسخن اكتر ) تنور علي طووووووووووووووووووووول ومتطفيش .

[Mecha]

ممكن جدا جلب وسبايك , وفيه ناس بتستسهل وتغير طرمبه بس

[Hosam_fouad]

مش عايز افتح وادخل في حوار الجلب والسبايك دي بصراحه ... :[
الماتور لو اتعمر مش بيرجع زي الأول ..

[lada2010]

كل اللى انت بتحكى فية اعراض طرمبة ضعيفة وممكن لا قدر الله تبوظ موتورك لو ما عملتها

[Hosam_fouad]

انهارده روحت للميكانيكي . . .

قالي قبل ما اغير الطرمبه بس جرب وحط زيت شنبر STP يمكن يزود اللوجه والطرمبه تحافط علي الضغط بتاعها جبت العلبه دي وجربتها



بس معملتش اي نتيجه ...


بعدها قالي خلاص نغير ساعه الزيت علشان القديمه متبهدله زيت ... قبل ما نفك حاجه



غيرتها نفس الكلام برضوا ...

جاه دور بقي طرمبه الزيت دي انا عايز اركبها بس هو بيقترج انه يكشف علي السبايك الأول !!
هشوف بعد الفطار هعمل ايه هركب الطرمبه دي .... ولا أكشف عن السبايك الأول وابقي اقولكم عملت ايه !

[Hosam_fouad]

للأسف ركبت الطرمبه ..... والمشكله لسه موجوده


كدا عايزة طقم سبيكه ..... يعني عمره كامله :[

[akmm]

للأسف ركبت الطرمبه ..... والمشكله لسه موجوده


كدا عايزة طقم سبيكه ..... يعني عمره كامله :[

لاحول ولا قوه الا بالله ................ عموما ربنا معاك وانا متابع .

[Hosam_fouad]

هي دلوقتي اللمبه بقيت بتنور علي طول تقريبا ..... مجرد ما العربيه بتسخن اللمبه بتفضل منوره .


غيرت حساس وطرمبه زيت .....


ايه اللي ممكن يقلل ضغط الزيت ؟ ؟ ؟ غير سبيكه الكرنك ؟ هل ممكن جلب الكامه تقلل ضغط الزيت ؟

[sherivanov]

غالباً من كلامك كدا إننك بقيت محتاج السبيكة الأكبر