كيا سول لا تعمل بعد ارتفاع الحرارة

[HayTh]

معايا كيا سول ٢٠١٣

كنت ماشي على طريق السخنة ومثبت سرعة على ١٢٠
بعد فترة الحرارة فجأة ارتفعت عن الطبيعي الضعف بس موصلتش الهاي قبل الربع تقريبا
قمت مباشرة طفيت التكيف وقللت الضغط على المحرك ،والحرارة هديت في دقيقتين
وبعديها ب١٥ دقيقة فجأة فصلت العربية
حاولت اشغل فيها مش راضية تشتغل

جبت ميكانيكي وكهربائي
واحد بيقول حساس الكرنك
واحد جوان وش سليندر او وش كامل

المهم الكهرباء شيكت بوجيهات وطرمبة بنزين مفيش مشكلة
والميكانيكا الزيت حلو قوامه لزج واسود طبيعي
بس الريديتر اما بحاول أدور العربية بيطلع المياه من القربة
وأما افتح الرديتير بيطلع هواء مضغوط

ياترى ممكن تكون ايه المشكلة ؟

[HayTh]

بالمناسبة البوجيهات عاوزة تتغير
والعربية محتاجة صيانة ال١٠٠ الف

[Mecha]

لازم تحل الوش

[Abo_Mazen]

جوان وش سلندر يا كبير ..باينه قوي ..عندك نفخ في الريداتير وإحتمال تلاقي المياه دخلت على غرف الحريق ..ما تحاولش تدور فيها كتير بقى

[HayTh]

جوان وش سلندر يا كبير ..باينه قوي ..عندك نفخ في الريداتير وإحتمال تلاقي المياه دخلت على غرف الحريق ..ما تحاولش تدور فيها كتير بقى

المشكلة يابرنس ان مكانش فيه سابق انذار او اي اعراض تدل ان فيه مشكلة ميكانيكية
علامة الماكينة والرديتر والزيت كله تمام
والحرارة طبيعية
وقبل ماطلع شيكت عليها في المحطة ولا نقطة مياه ناقصة
بس الزيت بتاع ال ١٠ الف كان ناقص ربع عبوة وقالي طبيعي

انا سألت كتير الكل بيقول لو وش سليندر بتدور عادي وممكن امشي بيها وعمرها ماتقف فجأة خاصة ان الاعراض لسة مش واضحة

عموما انا مستني رد التوكيل انهردة

[Mecha]

بوص ياريس ,ممكن ميه وزيت تمام ,لكن المروحه بتهيس او الترمو كتم فبتولع .كمان الهد عامل ميت الف كم علي كلامك يبا حلو,.
اللي بيقولك فيها وش وبتدور عادي يبا جاهل .لو الجوان قطع بين بستمين مش دايره وفيه بيدور بالطبل البلدي ويقطع ,فحل الوش والبكا علي راس الميت.

[Abo_Mazen]

المشكلة يابرنس ان مكانش فيه سابق انذار او اي اعراض تدل ان فيه مشكلة ميكانيكية
علامة الماكينة والرديتر والزيت كله تمام
والحرارة طبيعية
وقبل ماطلع شيكت عليها في المحطة ولا نقطة مياه ناقصة
بس الزيت بتاع ال ١٠ الف كان ناقص ربع عبوة وقالي طبيعي

انا سألت كتير الكل بيقول لو وش سليندر بتدور عادي وممكن امشي بيها وعمرها ماتقف فجأة خاصة ان الاعراض لسة مش واضحة

عموما انا مستني رد التوكيل انهردة

الجوان ممكن يفتح بستمين على بعض ...أو يفتح مياه على بستم ..وفي الحالتين دول اللي أنا قولتهم مش هتلاقي أيوها طحينه نوهائي ..لا في ريداتير ولا في الزيت بتاع المكنه ..وفي الحالتين دول برضه ممكن تدور وممكن ما تدورش وممكن تدور وتقطع ..وفي جميع الأحوال حضرتك بتعمل في المكنه كده