سقوط متكرر لسير المجموعة فى محرك نويرا 2

[Ahmed M A]

اﻷعضاء الكرام .. هذة أول مشاركة لى فى هذا المنتدى المحترم
لى سؤال مباشر .. ماهو سبب السقوط المتكرر لسير المجموعة فى النوبيرا 2 ؟
علما بأننى راجعت طارات التكييف و الباور و الدينامو و الشداد فوجدتها تعمل بسﻻسة و بدون أن يكون أياى منها قافش أو بها رفه كما أن السير جديد و قد ﻻ حظت أن سقوط السير إن حدث فإنه يكون فى بداية الدوارة أو بعدها بلحظات ... و شكرا و عذرا على اﻹطالة .

[MOHAMEDEBAID75]

اخى العزيز الشداد عايز ييتغير بالبليه بتاعتة واستيراد اعتقد انه بيعمل 200جنية والعيب ده كان عندى فى عربيتى بعد ما الدينمو قفش والسير اتقطع ثم حدث العيب ده والسبب ان الشداد اتفتل وبقى فيه ميل للخارج بيكون السبب فى وقوع السير ولو لاحظت السير وهو شغال هتلاقيه خارج لبرة شوية مش بيلف على البليه مظبوط

[Ahmed M A]

اخى العزيز الشداد عايز ييتغير بالبليه بتاعتة واستيراد اعتقد انه بيعمل 200جنية والعيب ده كان عندى فى عربيتى بعد ما الدينمو قفش والسير اتقطع ثم حدث العيب ده والسبب ان الشداد اتفتل وبقى فيه ميل للخارج بيكون السبب فى وقوع السير ولو لاحظت السير وهو شغال هتلاقيه خارج لبرة شوية مش بيلف على البليه مظبوط

الشكر الجزيل لك أخى الكريم على اﻹهتمام و الرد و يإذن الله سأقوم بتغيير الشداد و البلية

[AHMED1718]

اتأكد ان مجري السير فيه نفس مجارى الشداد علشان لو اقل او اكتر هينطر كل متغير

[Ahmed M A]

الشكر الجزيل لكل أعضاء المنتدى الكرام و خاصة من إهتم و قام الرد و قد قمت بشراء شداد كامل بالقاعدة أصلى gm من الذى يستعملة توكيل منصور و يعطى علية الضمان بعد التركيب بمبلغ 285 جنية و بالمرة إشتريت سير مجموعة أصلى gm أيضا ب 135 جنية و تم التركيب و زال العيب و الحمد لله
ملحوظة . كنت مصر أن أشترى قطعة غيار أصلية و ليست إستعمال ﻷن ﻻ تتخيلوا كم هذا العيب مزعج أن يسقط السير فى أى وقت و فى أى مكان فأنت بذلك مهدد بإستمرار و غير مطمئن بالمرة أثناء تحركك بالسيارة .