سؤال عن 1jz gte & 2jz

[Moustafa007]

السلام عليكم يا شباب.

أنا عندي سؤال هو إيه الفرق بين ال 1jz &2jz.
وهل هو موجود في مصر؟ لو الموتورين موجودين. يبقى عاملين كام ؟
وياترى في ناس فاهمة في تصليحهم ولا لأ ؟

[eng.m7md.ali]

1jz ده فيه منو فئات زي العادي ده او ال 1jz ge او 1jz gte
العادي بيبقي 2500 سي سي والباقيين تيربو ده اللي اعرفوا

ال 2jz فيه بردو العادي ونفس الفئات دي بس 3000 سي سي بتختلف قوته عن ال 1jz وعن باقي المواتير التانية

ده كل اللي اعرفه لاني اتسحلت فيه شوية واحسن حاجة وهتلاقيه في الشرقية هو ال2jz ge وده حوالي 220 حصان

[Moustafa007]

شكرا جدا على الرد. طب هو مفيش في بورسعيد ؟ واسعار كام. بس أنا سامع إن في منهم بينزل بفتيس اوتوماتيك وأنا بدور على حاجة مانيوال

[ahmedbasto]

1jzفى منه موديلين موديل NA وكوده 1jz-ge وفيه التيربو وكوده 1jz-gte الموتور فى الحالتين 2500 سى سى بيطلع من 250 ل 280 حصان على حسب النسخة أحسن نسخة تجيبها النسخة بتاعت السوق اليابانى ونزل منه مواتير بكامات عادية ونزل منه ب vvt-i
2jz نفس وضع ال1jz بالضبط مع الفرق ان ال2jz 3000 سى سى + عزمه حوالى 320 نيوتن مع العلم ان عزم ال1jz 280 نيوتن
تواجد المواتير دى مصر المواتير موجودة وناس كتير منزلاها فى عربيات معظمها عربيات دريفت الأسعار من 12 للموتور من غير الفتيس ومن 15-17 لو اوتوماتيك ولو مانيوال من 20لحد 27 على حسب الموديل وان كان الموتور فى vvti ولا لا لو عايز تعرف أى حاجة تانية تحت أمرك

[Moustafa007]

ألف شكر يا استاذ احمد.

هل قطع الغيار موجودة في مصر ؟ أنا عارف في ناس مسقطاه في عربيتهم للدرفت. بس أنا عاوز اسقطوا في تويوتا كرسيدا. ومش هتكون للتراك. هتكون للعب بس على خفيف جدا.
انهي الاحسن من وجهة نظر حضرتك ؟
1JZ GTE or 2JZ GTE؟

وإيه الاماكن الممكن اشتري سيستم كامل منه. بحيث موتور وفتيس مانيوال مش اوتوماتيك.

[ahmedbasto]

قطع الغيار فى منها موجود وفى منها بيجى اوردر من بره لو فى كريسيدا نزل ال1jz علشان فرق الوزن ان كان قليل جدا بس برضو هيفرق وكدة كدة الموتورين نفس الأرقام وطالما هينزل فى تويوتا يبقى هترخص بى فعلشان الضريبة كمان اماكن التواجد زوزا بتاع الميتسو كان عنده اتنين وبرضو انزل خدلك لفة فى الحرفيين

[eng.m7md.ali]

ألف شكر يا استاذ احمد.

هل قطع الغيار موجودة في مصر ؟ أنا عارف في ناس مسقطاه في عربيتهم للدرفت. بس أنا عاوز اسقطوا في تويوتا كرسيدا. ومش هتكون للتراك. هتكون للعب بس على خفيف جدا.
انهي الاحسن من وجهة نظر حضرتك ؟
1JZ GTE or 2JZ GTE؟

وإيه الاماكن الممكن اشتري سيستم كامل منه. بحيث موتور وفتيس مانيوال مش اوتوماتيك.

كرسيدا موديل كام؟

[Moustafa007]

الكرسيدا موديل 83.

[eng.m7md.ali]

الكرسيدا موديل 83.

حط موتور بي ام احسن .. ال 2jz هتلاقيه معدي العشرين في حين انك بالعشرين دول ممكن تجيب 35 بتاعت البي ام دابليو .. وكمان قطع غيارها موجودة

معايا كرسيدا 78 وحاطت فيها 28 دوبل فانوس

[Moustafa007]

حط موتور بي ام احسن .. ال 2jz هتلاقيه معدي العشرين في حين انك بالعشرين دول ممكن تجيب 35 بتاعت البي ام دابليو .. وكمان قطع غيارها موجودة

معايا كرسيدا 78 وحاطت فيها 28 دوبل فانوس

أنا بفكر في ال 1jz gte. بس ممكن استفيد من حضرتك. إزاي سقط 28 دوبل فانوس في الكرسيدا ؟ وحضرتك رخصت إزاي ؟ وقواعد الموتور وحضرتك عملت أي حاجة في حوض العربية ؟

[eng.m7md.ali]

أنا بفكر في ال 1jz gte. بس ممكن استفيد من حضرتك. إزاي سقط 28 دوبل فانوس في الكرسيدا ؟ وحضرتك رخصت إزاي ؟ وقواعد الموتور وحضرتك عملت أي حاجة في حوض العربية ؟

ولا اي تعديل

بتركب عادي جداً بس هتحتاج تعدل في التيش قدام بس .. وترحل فتحة الفتيس شوية لورا "الفتحة في الصاج نفسه"

ورخصت عادي بردو بس خد بالك محتاج دعامات كتير في الشاسيه والحوض عشان الموتور تقيل وغبي عالشاسيه


المشكلة العربية لحد دلوقتي لسة مخلصتش سمكرة وصالون وفيها مشكلة في الكهربة لان اضطريت اجيب ضفيرة بي ام كاملة عشان العدادات .. "تابلوه دبانة"

[Ali Elmohandes]

أنا بفكر في ال 1jz gte. بس ممكن استفيد من حضرتك. إزاي سقط 28 دوبل فانوس في الكرسيدا ؟ وحضرتك رخصت إزاي ؟ وقواعد الموتور وحضرتك عملت أي حاجة في حوض العربية ؟

[Ali Elmohandes]

ينفع اركب 2jz gt علي تويتا كورولا ٢٠٠٩ انا عايز اركب اي متور تربو