إعـــــــلان

Collapse

.

,
See more
See less

نوبيرا ٢ موديل ١٩٩٩ أوروبي

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    نوبيرا ٢ موديل ١٩٩٩ أوروبي

    أنا لسه شاري نوبيرا ٢ موديل ١٩٩٩ أوروبي عاملة ١٨٦٠٠٠ كم ... للأسف العربية بعد ما باحرق على الغيارات كلها و دواسة البنزين بتبقى على الأرض و من غير تكييف و كمان قافل الإزاز .. و مش بتعدي ١٢٠ كم في الساعة !! و لاحظت كمان إن ال rpm آخره ٤ و بعد كده بيقف و بابقى كأنيي دايس بنزين على الفاضي فبأضطر أديها الغيار اللي بعده بسرعة
    إيه السبب في خنقة العربية كده ... كأنها مربوطة على كده
    أفيدوني الله يكرمكم
    الكلمات الدلالية (Tags): أوروبي, موديل, نوبيرا, ١٩٩٩
  • #2
    ممكن ديسك واسطوانة وممكن طرمبة بنزين او فلتر
    [SIGPIC][/SIGPIC]

    Comment

    • #3
      شكرا على الرد يا باشا .... بس أنا غيرت طرمبة بنزين و لسة المشكلة موجوده !!
      و الديسك و الإسطوانة كويسين و زي الفل

      Comment

      • #4
        هو مافيش حد عارف السبب ولا ايه !!!
        الموضوع عوييييص للدرجه دي

        Comment

        • #5
          كده مشكلتك في رشاشات او البوابة
          [SIGPIC][/SIGPIC]

          Comment

          • #6
            بوابه ياكبير

            Comment

            • #7
              بنزين 80 بيعمل كده معايا

              Comment

              • #8
                شكرا يا جماعة .. ان شاء الله هاكشف على الرشاشات و البوابة و ابلغكم بالنتيجة

                Comment

                • #9
                  ممكن تقولى جبتها بكام
                  [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

                  Comment

                  • #10
                    السلام عليكم
                    أنا طلعت النهاردة على الميكانيكي ( الدكتور بتاعي ) أول ما جرب العربية قالي العربية دي فيها مشكلة في الشكمان ... ظبط الشكمان و تعالى .... طلعت على بتاع الشكمانات و نزلت معاه تحت العربية لاقينا علبة الشكمان اللي في النص أستغفر الله العظيم .. زبالة و مصدية و ماليانة لحامات ... غيرتها و طلعت ع الميكانيكي غيرت فلتر بنزين و فلتر هواء و بوجيهات و سير مجموعة و خراطيم بوجيهات و جوان غطا تاكيهات و إختبرت طلمة بنزين تانية من عنده ... و بعد ده كله لاقيت العربية زي ماهية ... طلع جرب معايا العربية تاني و قالي العربية برضه فيها مشكلة في الشكمان !!! رجعت تاني لبتاع الشكمانات و خليت الميكانيكي كلمه .. نزل تحت العربية و قطع الشكمان من قبل علبة البيئة بمعنى إنه خلا العادم طالع من الموتور من تحت مباشرة من غير شكمان أصلا و قالي دور و إطلع جرب ( صوت العربية طبعا كأني مركب دييفل ) طلعت جربت لاقيت العربية إتحولت !!! الآر بي إم بقى بيوصل لخد الشرط الحمرا بعد ما كان رابط على أربعة و سحب العربية بقى فظيع الحمد لله ... رجعتله و شال علبة البيئة أصلا و ركبلي علبة تانية فيها شعر حراري و طلعت جربت الحمد لله العربية بقت زي الفل و بتطيييييير من على الأرض

                    ملحوظة : علبة البيئة دي مافيش منها جديد ... للأسف إستيراد بس و ف حاجة زي دي هاتبقى يا بختك يا أبو بخيت وسعرها في حدود ٧٠٠ جنيه ... و لو كويسة هايبقى بىضه عمرها قصير ... فمالهاش لازمة بقى أصلا .

                    Comment

                    • #11
                      الحمد لله ان المشكله اتحلت
                      وربنا يبارك للميكانيكي دا
                      انا بحترم الناس الي بتفهم في شغلها دي جدا

                      Comment

                      السابق template التالي
                      Working...
                      X