الزيت بينزل من جنب الكرتيرة بعد خبطة ترنش بالشارع

[fanki]

بعد التحية عربيتى متسوبيشى 2008 1600cc اتوماتك المشكلة هى انى كلت مطب عالى شوية خبط العربية من تحت تانى يوم قبل لما أدور لقيت زيت تحت العربية بعد لما كانت بايتة تحت البيت المهم دورت وروحت الشغل وبطلتها وبعد 3ساعات روحت أبص تحتها لقيت برضو زيت روحت لمحل غيار الزيت نزل تحتها وقالى الزيت بينزل من جنب كرتيرة الزيت بينقط لما تبطل العربية يعنى فى يومين نزلت ربع لتر تقريبا" اية اللى جنب الكرتيرة ممكن ينزل زيت

[Mecha]

طب في محل الزيت مبصتش ليه تشوف بالظبط!!!

[Mohamed Desoky]

غالبا الخبطه جت فى طابت الزيت لان الكارتير هوالوحيد اللى قريب للارض خلى الميكانيكى يمسح الكارتير ويشوف التسريب جاى منين الميكانيكى بلاش اللى بيغير لان اخره يغير الزيت معندوش فكر وربنا يجبها سهله إن شاء الله

[fanki]

بتاع الزيت قالى الطبة سليمة وقالى الكرتيرة لما أتخبطت ارصت على أويل سيل السؤال هوا فية أويل سيل جنب الطبة

[Mohamed Desoky]

السلام عليكم ورحمة الله وبركاته كلام الميكانيكى هوالفيصل لانك فى كل الاحوال هتفك الكارتير موضوع اويلسيل جامب الطبه ده كلام اول مره اسمعه روح لميكانيكى افضل ماتسمعشى كلام بتاع الزيت اللى فاكرنفسه عبقرى وربنا يوفقك

[pop_king3]

تعالى المركز وهرفعلك العربيه على الكوريك الهيدروماتيك وتشوف مل حاجه وهى بتتصلح

[ihabyossef]

في الغالب ده اويل سيل الكرنك

حصلت معايا الاسبوع اللي فات زي ما حضرتك بتوصف بالظبط

بس للأسف لازم تنزل الجيربوكس و تغير الاويل سيل

[pepo2011]

لازم ميكانيكي يفك
اذا مكانش من جنب الكرتيرة نتيجة الخبطة الكرتيرة فتحت من جنب عادي
يبقي من اويل سيل الكرنك بس انت مش شايفة
لازم ميكانيي