طلمبة باور فيرنا ؟

[wael6]

السلام عليكم
فيرنا
في صوت ونه فى طلمبة الباور
مع العلم ان الدركسيون حالته كويسه والزيت كويس وجديد
هل الطلمبة كلها بتتغير
ولا فيها بلي بيتغير بس ؟
ولو هتتغير سعرها كام جديد واستيراد ؟
وشكرا جزيلا

[lancer06]

هتغير الطرمبه نفسها
وهتنزل الزيت وتجيب زيت نوعيه محترمه علشان من اسباب تلفها الزيت
انا كنت جبتها للانسر بوما استيراد
كان سعرها ٥٠٠ جنيه عندك هتكون اقل كتير بإذن الله

[pepo2011]

هاتغيرها استيراد في حدود 350 و 400

[kh_fawzy]

شوف اللينك دة

https://www.youtube.com/watch?v=oEyBLNkYwAg

[Mecha]

الونه بتيجي من السير او جلبة الطرمبه تعبت من شد سير عالي. ادلق عليه ميه وشوف
لو طرمبه مفيش اصلاح ، خليها تجيب اخرها وغير

[wael6]

بالفعل انا شوفت اللينك
المشكله ان الكهربائي والميكانيكي بيقولولى غير علطول مش بتتصلح
بس انا حاسس ان ممكن يكون بلية مش اكتر
لانالدركسيون خفيف وحالته جيده جدا ومفيش اى صوت ولا خبط فى الدورانات او غيره ؟

شكرا لاهتمامكم
وجزاكم الله خيرا

[عبدالله برعى]

عموما اصوات السيارة صعب تشخيصا عشوائيا
ولكن
لو صوت داخل الطرمبة (ونه) ممكن لو ezi للتسليس ممكن يجيب نتيجة بنسبة متوسطة
او ممكن تكون البللي
لو عايز تتأكد ان من البللي لو ظاهرة ممكن بسرنجة وزيت خفيف احادي وانثر عليها بعضا منه لو الصوت قل اذن من البللي
وبالتوفيق

[wael6]

السلام عليكم
الطلمبة قفشت والسير اتقطع
ومدتنيش فرصه لاى اختيارات غير التغيير
جبتها استيراد ب 250 ج
وربنا يهدي الحال وتظبط
الجديده ب 700 ج وناس بتبعها ب 850 ج

ايه الارشادات للمحافظة ع الطلمبة من فضلكم
وشكرا جزيلا

[عبدالله برعى]

ضع زيت جيد فقط وكل فترة 50 الف كم اعمل غسيل