صوت تكتكه في الموتور

[الرجل الذكي]

السلام عليكم ورحمة الله وبركاته
معايا عربية جيلي باندا 2011 ماشية 12 الف كيلو بس كانت مرفوعه 4 سنين
المهم العربية بحطلها زيت امسويل 5-30 زي ما متوصي في الكتالوج
من فترة العربية كانت عند الدوارة الصبح اسمع صوت تكتكه لمدة ثانية ونص " تكتكتكتك" ولمبة الزيت تبقي منورة الثانية ونص دول بعد الدوران
كنت متوقع ان الصوت طبيعي وقت انتشار الزيت
لحد ما لقيت ان في صوت تكتكه خفيف عالسلانسية اسمعه من جوه العربية وانا راكب وصوت تكتكه لما ارفع rpm ل 2000 اثناء نزول الار بي ام
قلت يمكن الزيت فيه مشكلة غيرت جبت زيت كاسترول ماجنتيك 10-40 اثقل والصوت مستمر
الموضوع خوفني جداً مع العلم الموتور مفيهوش اي رجه نهائي فتحت غطا الزيت ودورت العربية وهي عالسلانسية والزيت خرج من الغطا
رحت غبور معرفش المشكلة من ايه وقالي ممكن تكون من الموتور وقعد يحور يقولي معندناش قطع غيارها
رحت لميكانيكية المنيا كلهم محدش فاهم الصوت من ايه اللي يقولي تاكيهات اقوله طب ازاي والموتور ثابت مكانه يقولي مهو ده اللي محيرني
علامة الزيت الحمد لله مبتقلش ولا ملم ثابته
اتمني من عمالقة المنتدي يفيدوني عشان الموضوع بقي بعبع بالنسبالي

[lancer06]

صوت التكتكه اللى بيظهر الصبح ده تاكيهات وبيختفى بمجرد ما الزيت يوصلها فى انواع من السيارات مبتحتاجش ضبط تاكيهات وبيتم ضبطه فيها تلقائى بعد تغير الزيت ولو الزيت من كويس بتلاقى صوتها عالى كأن فى تاكيه محمل
غير زيت وفلتر بس اللى موصى بيه فى الكاتالوج وفلتر نضيف وشوف الدنيا هتظبط معاك ولا لأ
وطالما مافيش زيت بينقص متقلقش
ومتخليش الموضوع يدايقك

[الرجل الذكي]

صوت التكتكه اللى بيظهر الصبح ده تاكيهات وبيختفى بمجرد ما الزيت يوصلها فى انواع من السيارات مبتحتاجش ضبط تاكيهات وبيتم ضبطه فيها تلقائى بعد تغير الزيت ولو الزيت من كويس بتلاقى صوتها عالى كأن فى تاكيه محمل
غير زيت وفلتر بس اللى موصى بيه فى الكاتالوج وفلتر نضيف وشوف الدنيا هتظبط معاك ولا لأ
وطالما مافيش زيت بينقص متقلقش
ومتخليش الموضوع يدايقك

ماهو انا غيرت زيت وفلتر والزيت اعلي بكتير من اللي متوصي بيه في الكاتلوج انا متوصي بجودة SG انا حاطط SN ! واللزوجة كنت حاطط امسويل 5w-30 وقولت يمكن عشان الزيت خفيف فحطيت كاسترول ماجنيتك 10w-40
اللي مضايقني ان الصوت بقي عالسلانسيه كمان مش بس في الدوارة ولما الار بي ام اعليه اثناء نزوله اسمع الصوت ! خايف يكون في مشكلة وتزيد معايا

[الرجل الذكي]

وسؤال تاني ، هل لو التاكيهات عاوزه تتظبط مش المفروض الموتور يبقي بيترج جامد ولا يبقي ثابت عادي!

[Mohamed Desoky]

انتى بتقول ان الطلمبه نورت على السلانسيه وبعد كده بدء الصوت يظهر فى السلانسيه والسرعه كده فى اكتر من احتمال 1 يمكن بيل بدء يرزع ويهرب ضغط الزيت او عيب طلمبة الزيت ضعيفه ؟ المهم لازم لازم ميكانيكى كويس يكشف ويعرف العيب منين لازم ميكانيكى ؟؟؟؟؟؟؟؟

[الرجل الذكي]

انتى بتقول ان الطلمبه نورت على السلانسيه وبعد كده بدء الصوت يظهر فى السلانسيه والسرعه كده فى اكتر من احتمال 1 يمكن بيل بدء يرزع ويهرب ضغط الزيت او عيب طلمبة الزيت ضعيفه ؟ المهم لازم لازم ميكانيكى كويس يكشف ويعرف العيب منين لازم ميكانيكى ؟؟؟؟؟؟؟؟

اللمبة بتنور في الدواره يعني بعد ما العربية تدور تفضل منورة ثانيتين وتطفي
رحت لميكانيكي انهاردة قالي احتمال تكون الكوستبانات بس سؤالي بقي ازاي اتأكد , هل لو فتح غطا التاكيهات هيبان ولا لازم يحل وش السلندر ؟ وكمان هل لو في مشكلة في الكوستبانات الموتور ميبانش فيه اي هزة ويبقي مستقر كأن مفيش حاجة؟ ثالثاً لنفرض انها الكوستبانات هي سعرها بيبقي في حدود كام وهل في ضرر منها في حالة عدم التغيير وهل يفضل اغيرها ولا اسيبها مفيش تأثير خصوصاً ان العربية 12 الف كم بس والصوت مش بيبقي واضح قوي يعني خفيف وخايف لما يغيرها يخربلي الموتور!
شكراً مقدماً

[dbabis8]

العيب دا عندى من زمان غيرت الاول ساعة الزيت بعدها طرمبة الزيت و بص ع الكرنك و السبيكة لقاهم فله و بعدها غيرت كمان طرمبة زيت و غيرنا جوان التاكيهات و لقى 4 كستبانات مش مخربشة لكن فيها حفرة ناعمة و قالى عادى امشى بيهم مدام الصوت مش مدايقك و هى فعلا طبيعية جدا فى السحب و السخونة و مبتاكلش زيت و طنشت الموضوع خالص (انا مغيرتش الكستبانات لا بجديد و لا استيراد عشان مش عاوز حد يحلهم و يلعب ف العربية الكويسة اصلا)

[هشام نصر]

بسم الله .. أقول و بالله التوفيق ..
عند رفع السياره او عدم استخدامها فتره طويله ال (lash adjuster )= (hydrolic lifters )= (كوستبانات الموتور ) بتفضي الزيت اللى بداخلها مما يؤدي لظهور صوت تكتكه عاليه .. طبقا لما قرأت عن حل تلك المشكله في كتالوج لانسر 2006 ممكن تجربه حضرتك خاصة انه مش هيخسرك شيء بإذن الله وهو كالتالي :
1- شغل السياره idle ( سلانسيه) لمدة 3 دقائق .
2-دوس بنزين لرفع ال rpm بالتدريج حتى 3000 في خلال 15 ثانيه .
3-شيل قدمك من على البنزين و اترك الدوران سلانسيه 15 ثانيه .
4- كرر الخطوتين 2 و 3 على التوالي 10 مرات إلى 30 مره .
بإذن الله سيكون كفيلا بإصلاح الخلل الناتج عن رفع السياره و اصلاح صوت التكتكه .
و الحمد لله الذي بنعمته تتم الصالحات .