دورة تزييت المحرك بها انسدادات (sludge)

[هشام نصر]

السلام عليكم و رحمة الله و بركاته
سيارة لانسر 2006 ماشيه 130000 كم
الموتور من الداخل تحت غطاء التاكيهات شحم و طين
تم استخدام flush ميتسوبيشي بس لا تزال مجاري التزييت مسدوده (camshaft @ rocker arms @ crankshaft)
مما يؤثر على كفاءة و أداء الموتور
السؤال : هل من فكره و حل لتسليك مسار التزييت و تكون آمنه ؟ ؟؟؟
مشكورين مقدما ..

[tasaka]

انتظر رد من استشارى الزيوت فى المنتدى



لحين رده .. انا كنت قريت عن نوع فلش ( موش فاكر اسمه .. اعتقد وولف او وولفر ) .. هو عنده نوعين من الفلش

- الفلش المعتاد ( السريع ) .. ده عاده بيوضع لمده دقائق معدوده ( 5 دقائق مثلا )

- و نوع فلش ثانى .. بيوضع مع زيت الموتور و بتمشى بيه فتره ( المده حسب تعليمات الفلش ) .. ده بينظف و يحتفظ بالمواد التى ثم تنظيفها جوه الزيت نفسه ( يعنى بتكون معلقه داخل الزيت ) .. و عند تغيير الزيت بتنزل مع الزيت



و كمان ممكن تسأل امسويل يمكن يكون عندهم حاجه مناسبه للوضع اللى انت بتشتكى منه


بالتوفيق فى حل المشكله

[borio1704]

للأسف الوضع كده صعب...

أعتقد إنك محتاج الموتور يتحل ويتفك كله كإنه هيعمل عمرة.. وكل المجاري دي يتنفخ فيها هوا مضغوط بحيث تطلع كل السدد ده... واحتمال مش كلهم يتسلكوا..

ممكن البشمهندس أحمد عبدالفتاح يفيدنا أكتر بالطرق العملية للوضع ده.


...

[م/أحمد عبد الفتاح]

هو الحل الميكانيكى اللى قال عليه الباشمهندس بوريو هو افضل حل -لو كمية ال sludge قليلة ممكن وسهل انك تفك غطا التاكيهات وتفك التاكيهات وتطلع الاذرع الهزازة اللى بتحرك التاكيهات والاذرع دى بتبقى عبارة عن عمود صلب به ثقب من اوله لاخره بالطول علشان الزيت يعدى فيه الثقب ده اللى فى كل ذراع وهو من اكتر الاماكن اللى بتتسد وبعد مايتفك يتم تسليك الثقوب دى ورش بعض المنظفات المتطايرة زى منظف الكاربتير فى الثقوب اللى فى الراس اللى بيبقى جواها الليفترز lifters علشان بتبقى برضه لازق عليها طبقة من الsludge قوية جدا ومالهاش حل غير الرش بمذيب - لو كمية ال sludge كبيرة ولمبة الزيت بتنور معاك حتى لو بصفة متقطعة يبقى الثقوب اللى فى عمود الكامات واللى فى عمود الكرنك ممكن تكون اتسدت ولازم فى الحالة دى فك الموتور علشان تنضف الثقوب دى .

[هشام نصر]

أشكركم جميعا على الردود
قد قمت بفك الأعمده الهزازه و تنظيف الثقوب الموجوده بالسولار و نفخها بالهواء المضغوط و اعادتها و محاولة تسليك القواعد المرتكزه عليها بقدر المستطاع ..... و التزييت و اعادة التركيب ... والحمد لله تحسن كبير جدااا في أداء و صوت الموتور .
حتى في السحب أحسه أفضل .
هل هذا مطمئن أم قد يكون هناك بواقي ثقوب مسدوده في عمق الموتور وللا مقلقش وكد خلاص
بارك الله فيكم

[م/أحمد عبد الفتاح]

الحمدلله - لو مكنتش غيرت الزيت والفلتر بعد الموضوع ده يبقى تغيره فورا - وعينك على لمبة الزيت باستمرار وتابع قياس المية ومؤشر الحرارة - ومعلش حاتغير الزيت تانى على ٣٠٠ كم هو والفلتر وحاتغيرهم مرة تانية على ١٠٠٠ كم - بس خلال هذه الفترات تابع كويس لمبة الزيت ومؤشر الحرارة وقيس المية والزيت كل يوم .

[هشام نصر]

مغيرتش الزيت . مقياس المياه مظبوط و مؤشر الحراره اصبح ياخد فتره اطول حتى يصل للمنتصف عما كان من قبل .
الزيت اللي موجود موبيل xhp super 1000 ماشي بيه 1000 كم . بفلتر جديد .
هل أغيره فورا ؟ وإيه الخطوره ؟ مشكور يا باشمهندس م/أحمد عبد الفتاح

[م/أحمد عبد الفتاح]

مغيرتش الزيت . مقياس المياه مظبوط و مؤشر الحراره اصبح ياخد فتره اطول حتى يصل للمنتصف عما كان من قبل .
الزيت اللي موجود موبيل xhp super 1000 ماشي بيه 1000 كم . بفلتر جديد .
هل أغيره فورا ؟ وإيه الخطوره ؟ مشكور يا باشمهندس م/أحمد عبد الفتاح

اول حاجه لو حضرتك كنت نضفت الليفترز او القواعد بتاعة الاذرع الهزازة بالجاز فالجاز ده مشكلته كبيرة بالنسبة للزيت واقل شوية جاز بيحلوا الزيت ويخلوه خفيف وتانى حاجه علشان تتخلص من الشوائب علشان ماتسدش اى حاجه تانية ـ التغييرات بتاعة الزيت والفلتر دول مهمين جدا علشان تقدر تتخلص من اكبر نسبة من الـ sludge

[هشام نصر]

جزاك الله خيرا يا باشمهندس . سأغير الزيت و الفلتر ان شاء الله أخذا بنصيحتك .
شكرا للاهتمام