سخونة غير مفهومة فى النوبيرا

[حسن عمدة]

السلام عليكم
سيارة نوبيرا 2 2006

من فترة مؤشر الحرارة بيعدى النص والعربية بتسخن بس الميه مش بتنقص ، روحت للعديد من الصنايعية وتم عمل الاتى:

1- الميكانيكى:طبعا أول حاجة عملها انه شال الترموستات بتاع الكوعة بس الحرارة مستمرة, قالى ممكن يكون جوان وش سلندر فى اوله بس مفيش طحينة. هل شيل الترموستات يسخن الموتور؟ أنا عارف انه مضر وبيبرد الموتور زيادة بس هل ممكن يسخن الموتور برضه؟

2-الكهربائى:غيرت صباع الحرارة عشان قلت ممكن يكون العيب منه وبرده لسه الحرارة

3-الردياتيرات: غيرت الردياتير خالص والقربة وعملت غسيل لدورة التبريد كلها ولسه المؤشر بيعدى النص بشرطه وينزل تانى

برجاء الافاده فى الموضوع ده عشان أنا تايه ومش عارف أعمل ايه تانى ولكم جزيل الشكر

[tasaka]

بس هل ممكن يسخن الموتور برضه؟

المفروض لا يسخن الموتور .. المفروض يبرد شويه



- السخونه على المشى الطوالى تبقى عيب رادياتير .. السخونه على المشى البطئ يبقى تتأكد من المراوح شغاله كويس .. و اتجاه الهوا سليم


اتأكد من الاتى:

- هل استعملت ميه ملونه ام ماء حنفيه ؟

- هل اخذت هوا الدوره كويس ؟ .. ابقى افتح زرار السخن على اعلى سخونه علشان الهوا اللى جوا الدفايه يخرج كمان

- هل رباط الكوليهات للخراطيم كويس .. و مفيش نقص ميه ؟

- هل كهربه العربيه مظبوطه ؟

[حسن عمدة]

شكرا جزيلا على الرد. السخونة بتكون فى الاشارات والزحمة بس مش على طول. انا حطط مايه خضرا وظابط الهوا والخراطيم.

ممكن الموضوع يكون ليه علاقة بالكهربا عشان المؤشر لما بارفع الازاز بيرفع معايا.

بس سؤال: كده فى اى احتمالية جوان وش سلندر؟ ولا الموضوع كهربا والمؤشر مش مظبوط مش سخونيه حقيقية؟

تحياتى

[م/أحمد عبد الفتاح]

حضرتك اول حاجه ترجع الثرموستات ده تانى بعد ماتنضفه باى سبراى نظافة - وتاخد الهوا من دورة التبريد زى ماقالك الاستاذ tasaka وتتاكد ان المراوح شغاله كويس ولو ليها سرعات اتاكد انها بتشتغل على السرعة العالية كمان

[حسن عمدة]

شكرا جزيلا م/أحمد, تحياتى لحضرتكم جميعا. ان شاء الله حعمل كده انهارده

[dvdaio15]

ممكن يكون عيب كهربه تتاكد ده بتجربه حساس حراره علي بطاريه مباشره لو رفع يباه عيب كهربه

[حسن عمدة]

السلام عليكم,
شكرا ليكم جميعا على النصائح الغالية
تأكدت ان العيب عيب كهرباء عشان لما العربية بتسخن واقفل القزاز أو اشغل الانتظار المؤشر يفضل يلعب ويطلع وينزل وروحت لكهربائى جاب لوحة كاملة جديدة وجربها وكان نفس العيب بيحصل فتأكدنا ان العيب فى الكهرباء مش من اللوحة أو المؤشربس الكهربائى معرفش يعمل حاجة وعمل توصيلة كده من صباع الحرارة للوحة بس العيب لسه موجود.

وسؤالى لحضارتكم هل حد يعرف كهربائى كويس "صنايعى" يعنى فى مدينة نصر؟ أو فى نواحى مدينة نصر؟
ولكم جزيل الشكر ويومكم جميل ان شاء الله

[dvdaio15]

لوحه اللى خضرتك جربهالك ده لوحده عدادات لو هى يبباه عيب كنترول لازم حد متخضض يصلحه لا تعير كنترول كامل وتريح نفسك تحرب وتشوف

[حسن عمدة]

شكرا لحضرتك dvdaio15
الكهربائى جاب لوحة سليمة وجربها بدل اللوحة بتاعتى وبرضه المؤشر كان بيلعب فكده أكيد العيب كهربا مش لوحة وكنترول صح ولا انا فاهم غلط؟

سؤال تانى لحضراتكم: ازاى أعرف ان فى مشكلة فى جوان وش السلندر؟ بمعنى ان العربية بتسخن والحرارة بتعدى النص ، متفقين ان فى عيب فى مؤشر الحرارة بس ازاى أطمن ان الموتور مش بيسخن فعليا ومفيش مشكلة فى جوان وش السلندر؟ لحد دلوقتى مفيش طحينة والميه فى القربه مش بتنقص بس بحس ان العربية بتسخن وفيه ريحة زيت محروق .

أنا عارف انى زهقتكم بس أنا لسه تايه فى الموضوع ده ما بين الميكانيكى اللى بيقولى جوان وش سلندر فى اوله ومابين الكهربائى اللى مش عارف يصلح المؤشر

وشكرا جزيلا

[alzelafy]

لو جوان هتكون المياة بتغلى فى القربه