بتسخن العربية ؟؟؟؟؟؟؟؟

[abdelaziz-waleed]

المؤشر عندي فيه 3 الوان الازرق والاصفر والاحمر
مكتوب في الكاتلوج ان لو المؤشر على الازرق بيكون الموتور غير مؤهل ان اتحرك بيه
فا دايما بسخن العربية لغاية ما المؤشر يطلع للون الاصفر
وحتى لو ركنت العربية لمدة 5 او 6 ساعات برده بسخنها قبل ما اطلع

[Ahmad]

مكتوب في كتالوج الابيزا أنك مش محتاج تقف تسخن و ممكن تمشي علي طول لأن دة بيساعد موتور العربية للوصول لدرجة الحرارة المثالية في وقت أسرع, عكس التسخين في وضع الوقوف. و بكدة تكون وفرت وقت و بنزين.
بس مع الوضع في الاعتبار أنهم بينصحوا باستخدام الزيوت التخليقية.

دة كلام الكتالوج . انا بقي بدور العربية و اسيبها حوالي دقيقة واحدة علي ما ألمع التابلوة و المرايات مثلا و أربط الحزام و بعدين أتوكل علي الله. كمان مش بقرص علي العربية لحد ما توصل لدرجة الحرارة المطلوبة. :k4:

[EslaM_NagY]

فى الصيف مبشخنش.
فى الشتاء بدور واظبط الحزام والمرايات والكاسيت واطلللع
بس مش بقرص الا لما تسخن خالص.

[Qmax]

العربيه لما بتسبها تسخن بتديلك طول اليوم اداء عالي جدا ولما مبتسخنهاش بتحس انها مخنوقه وانت ماشي بيها

فعلا ده اللي بيحصل

وانا افضل اني اسخن العربيه قبل مااتحرك بيها

[eldeplomasy]

انا في الشتى بسخن لحد ما الموتور يهدى ويرجع لطبيعته وبعدين امشي بس مش بقرص لحد ما توصل لل90 اما في الصيف بشغل والبس الحزام وامشي بس احيانا كتير بشغل المكيف بعد ما اشغل العربية بنص دقيقه او دقيقه في الصيف

هل ده غلط؟؟؟

[lancerevolution]

على حسب لو متأخر و دا على طول بمشى على الأول بتاع 220 متر لحد أخر الشارع و بعدين أديها تانى و أمشى عليه بتكون العربية جابت بتاع 80 بروح ماشى بقى عادى 3-4 إنما لو مش متأخر بسخن العربية لحد لما تطلع عن الجزء الأزرق

[Fadi Ezzat]

انا مش بيهمنى تسخين ولا لأ انا كل الى بيهمنى السحب بتاعالعربية انا معايا
اوكتافيا لو مخنتهاش بحس ان السحب بطى فبطر اسخنها

[eldeplomasy]

بستنى دقائق وبعدين بمشي ومش بقرص لحد ما تسخن

[tmedhat]

انا عمرى فىت حياتى ما سخنتها خاالص

بدور و بطلع على طول من و هى زيرو من 17 سنة و لسة معايا لغاية دلوقتى

هوندا 92 اس اى

[eldeplomasy]

بس الله ما شاء الله

انا عمرى فىت حياتى ما سخنتها خاالص

بدور و بطلع على طول من و هى زيرو من 17 سنة و لسة معايا لغاية دلوقتى

هوندا 92 اس اى

وبتقرص عليها وهي باردة ولا بتمشي طبيعي؟؟؟

وعملت كام كيلو لحد النهرده؟؟؟

[badawy66]

اكيد بسخن لازم علشان المتور ميتعبش

[karmoty]

لأ طبعا لازم تسخن العربية قبل ما تطلع وانا بعمل كده لأنه بيحافظ عالموتور وبيقلل في استهلاك البنزين وما يخليش العربية تقطع معاك وتبقة مش ناعمة في دوران المحرك
على فكرة العربية لما تبقى باردة بيبقى الزيت في قعر الموتور لما انت بتسخن الزيت بياخد دورته في الموتور ويخلي العربية ناعمة معاك
وشكرا بجد استطلاع لموضوع مهم

[kemks]

والله يا جماعه الاول كنت بستني لغايه لما مؤشر الحراره يعلي بس الموضوع دا كان بياخد بتاع 4 دقايق طبعا خنقه ما بعدها خنقه و بنزين في الارض

دلوقتي كبيري دقيقه انتظار و اطير بس بمشي براحه مش بعدي الاربي ام عن 2 لغايه لما العربيه تسخن

ويارب يكون كده صح

[abou_ruqi]

أنا مش مقتنع بموضوع التسخين ده وعلاقته بعمر الماتور
بحس إن التسخين ده تضييع بنزين على الفاضي (وعلى فكرة سمعتها من صديق يعمل في مجال السيارات في هولاندا يعني برودة بحق ربنا)

علشان كده بدور وأمشي على طول

أه على فكرة بحط موبيل ون

[eldeplomasy]

أه على فكرة بحط موبيل ون

حاسس بفرق عن الزيت المعدني؟؟؟

وبتطول عن 6 شهور ولا ايه؟؟؟

وهل في اختلاف في اداء وحرارة الموتور بعد ما حطيت الزيت التخليقي ده عن المعدني؟؟؟

والف شكر ليك