زيت على الموتور

[mido01050]

أنا لسه شاري عربية لادا 2105 بفتح الكبوت انهارده لقيت زيت حوالين الغطاء اللي في أعلى الموتور و حواليين الصواميل اللي في جنب الموتور اللي بتربط الجزء العلوي للموتور مع الجزء السفلى منه لكن مفيش حواليين البوجيهات زيت , قمت قايس الزيت لقيته كويس منقص يعني تحت ال max بحاجة بسيطة مع العلم ان الزيت لسه متغير من أسبوعين أو أكتر ب موبيل , واحد قلي ان ده زيت زيادة أنا معندييش خبرة في العربيات خالص هل ده صحيح و لا الموتور حصل فيه ايه بالظبط؟؟؟؟؟؟

[samirayad]

ده فى الغالب جوان غطاء التاكيهات عاوز يتغير..........ولازم تشوفله حل

[max_ziro]

ممكن يكون تعريق زيت عادى
و يا باشا اللادا دى عربية فوق الممتازة كان معايا نيفا و لله مكنت بغير زيت ولا ببص على حرارة ولا حاجة خالص و كانت بتمشى ف كل حتة و الناس بتخاف منها و ........ من الاخر كنت بحبها جدا بس للاسف مش برستيج خالص .. ربنا يباركلك فيها و هو فعلا كدة جوان الغطاء بس متقلقش خالص ممكن يكون عايز يتحرق على مساميرة و خلاص حتى لو عايز يتغير ف دى ف 10 دقائق هيتعمل ..
ربنا يباركلك فيها ..

[zeyad1810]

زى الاخوة ماقلوا جوان غطا التكيهات
ممكن يتربط علية ويمنع او يتغير

[chihab18]

انا عندي زيت حوالين البوجيه الاول من البوجيهات يبقي العيب ايه ؟

[samirayad]

انا عندي زيت حوالين البوجيه الاول من البوجيهات يبقي العيب ايه ؟

ممكن تسريب الزيت من منطقة التاكيهات ...يسيل لتحت ويجمع زيت فى المنطفه اللى بتقول عليها

[mido01050]

شكرا للجميع على الرد
أنا سألت سواق عربية والدي انهارده فتح الكبوت و بص على الزيت قلي الغطاء ده سايب و بيهرب زيت و بعديين في شفتيين كده في الغطاء من تحت قرص عليهم ببنسه و ركب الغطاء تاني بقى ناشف مش زي الأول بيتفتح بسهوله و قلي كده تمام متقلقش مفييش حاجة خالص.

[max_ziro]

الحمد لله انها اتعملت ..