العربيه بتفطع من ايه

[mahamedaraby]

العربيه ال128 كانت عايز بنزين وكانت اللمبه لسه هتنور يعنى فضلها كام كليو وتنور المهم العربيه كانت تمام ولسه خارجه من عمره كامله

المهم روحت امون من بنزينه اول مره امون منها خرجت من البنزين تقطيع جامد جدا وبيزيد كل شويه لحد لما وصلت البيت وخلاص تقريبا جابت اخرها

انا بقول تقريبا حاجه من الحاجات دى

الكاربيتر عايز يتنضف اتسد من الشوائب اللى فيه
او البينزين مغشوش

او حاجه فى الكهرباء

بس اللى ملخبطنى ان الموضوع ده حصل بالظبط اول لما طلعت من البنزيه على فكره مونت 90 وعالطول بمون 90

[zeyad1810]

شكلها كدة البنزين مغشوش

[samirayad]

غير فلتر البنزين الأول وجرب......قبل أى حاجه

[mahamedaraby]

لما نزلت الصبح علشان اجرب العربيه لقيتها دلوقتى مش عايز تدور او بمعنى اصح

العربيه بتدور واقعد ادوس بنزين وبعدين تروح مبطله اكن مثلا البوجهات مش بتولع فى البنزين حاجه زى كده

[Samir Elshahawy]

لما نزلت الصبح علشان اجرب العربيه لقيتها دلوقتى مش عايز تدور او بمعنى اصح

العربيه بتدور واقعد ادوس بنزين وبعدين تروح مبطله اكن مثلا البوجهات مش بتولع فى البنزين حاجه زى كده

جرب تفك أحد البوجيهات أو تفكها كلها واحد واحد و تدور و تشوف أذا كان فيه شرارة من البوجيه و لا لأ بس خلي بالك من البنزين علشان ماتعملش حريقة في العربية

و لو البوجيهات سليمة يبقي غير فلتر البنزين أو أكشف علي الكربراتير يمك يكون فيه بيك مسدود

[samirayad]

دى شكلها الفلتر مليان ميه من البنزين المغشوش.......ولازم يتغير

[Badrowi]

دى شكلها الفلتر مليان ميه من البنزين المغشوش.......ولازم يتغير

تسلم دماغك يا كبيرا
النهارده انا وصاحبى اللى كان فى بنزينة توتال كنا بنتكلم فى الموضوع ده بمناسبة اللى حصلى لى وقالى ان اللى عنده د ف الغالب ميه على البنزين او شوايب نتيج انى مونت مثلا وهما بيفرغوا التانكر
واكد لى ان مفيش بنزينة فى مصر مفيهاش ميه على البنزين بسبب نسبة البخر اللى بتحصل فى التانكات

ده انت طلعت حكاية

[samirayad]

والله أنت اللى طلعت حكايه.......

[adhamhossam]

السلام عليكم ورحمة الله و بركاته
أخي الفاضل
موضوع التقطيع أو التنتيش أثناء السير
دة حصل معايا مرة بالليل و انا راجع من العمل الساعة 2 بعد منتصف الليل لدرجة إني مشيت بالعربية من الشغل لغاية البيت ما يقرب من 60 أو 70 كيلومتر في التوقيت دة
و تاني يوم روحت لمحل قطع غيار إشتريت ( كوندنسر للإسبراتير) ب 12 جنيه و قمت بتركيبه بنفسي و أصبحت العربية زي الفل

مع العلم أن نوع سيارتي نصر فيورا 127
و نوع البنزين المستخدم 80

[azkol2005]

بيك السلانسيه ممكن يكون عايز يتنضف

[dr_timo]

انا عربيتي حصل معايا كدة وطلع السبب بعيد خالص عن اللي كنت متوقعه انه بنزين واتسد كربيراتير وبتاع وطلع السبب الابلاتين والكوندنسر شوف اسلاكهم كدة وجرب شرارتهم