العربيه بتتخنق معايا اول لما اشيل رجلي من علي دواسه البنزين

[kemks]

العربيه بتتخنق معايا اول لما اشيل رجلي من علي دواسه البنزين

يعني لما اكبس بنزين العربيه بتشد معايا و اول لما اشيل رجلي من علي الدواسه بسرعه الاقيها اتخنقت مني و بعدين تبقي عادي خالص و اما اشيلها براحه من علي الدواسه بتبقي مفيش خنقه

في برضه زي نتشه كده علي اول لما اوصل ل 35 لغايه 40 كيلو و بعدين تبقي العربيه تمام

علي فكره انا منظق البوابه و كمان حتي مفيش هباب بيطلع من الشكمان و العربيه لما تسخن تمام و تبقي واقفه بتجيب مياه بيضا بيضا من ورا في الشكمان

بس ساعات الار بي ام بيعيلي و العربيه مش بتدي السرعه المظبوطه بشيل رجلي من علي البنزين و ازود تاني العربيه بتمشي ساعتها تمام

الاستهلاك بتاع البنزين عالي لما كنت بستخدم 92 كان 11 لتر كل 100 كيلو ودا كتير

حاليا بستخدم 80 علي 90 الاستهلاك بقي 13.5 لتر كل 100 كيلو و دا طبعا كتير جدا

بس مش بضغط علي العربيه يعني بحاول يبقي مفيش تسقيف خالص بمسايسه دواسه البنزين


مش عارف المشكله ايه بالظبط

بس اللي بيغيرلي الزيت زود شويه زيت يعني فوق الفول بتاع المقياس بحاجه بسيطه

انا لسه مغير البوجيهات مفيش من 3000 كيلو

[samirayad]

طيب فيه سؤال لحضرتك قبل ماأعلق.......العيب ده ظهر عندك بعد مانضفت البوابه ولا كان موجود من قبلها.............

لأن لو العيب ده ظهر من بعد تنظيفك للبوابه.....ممكن تكون فيه حاجه حصلت للوصله أو اللينك اللى موجود بين البوابه وحساس الTPS

........أثناء قيامك بتنظيف البوابه

[kemks]

لا قبل التنظيف عشان كده نظفت البوابه العربيه بعدها فرقت في التجميع بسرعه بس المشكله اني بحس اول لما اشيل رجلي من علي الدواسه العربيه بحس انها اتخنقت فجأه

[wildwest100]

انا كمان عندى نفس العيب دا ومش عارف اعمل ايه
غيرت بوجيهات وسلوك وفلتر بنزين ومفيش فايده

[aYaBooY]

اكشف على فلتر الهواء لو كويس نظف الحساس الي على الفلتر لو كويس
اكشف على فلتر البنزين المفروض يتغير كل فترة محددة في كتالوج العربية لو معدلتش
اكشف على الادلر اكشف عليه باسكانر لو تمام يبقي
اظبط تكيهات لو مظبوطة يبقي افتحها شوية
و ده هايزود الاستهلاك شوية بس هايريحلك العربية
و ممكن تخلط 80 و 92 مش 90
لو كل ده معدلتش يبقي لازم ترجع ل 92 صافي و ربنا يعوضك

[lada2010]

انت جابت حل مشكلتك لوحدك وهو الخلط 80 على 90 دا خطر على الموتور وهو سبب الخناقة بتاعت العربية يا تضع 80 او 90 بلاش الخلط وطبعا دا خلى فية رواسب كتيرة نظيف التنيك ولو العربية كرباريتر اخلعة ونظيفة بالكامل وبعد كدا حط 80 او 90 وهتلاقى العربية تمام معاك

[ahmed1981]

هل السيارة كربيراتير أم إنجكشن ؟
غالباً محتاج نظافة لمدخل الهواء وللرشاشات

وبالنسبة لخلط البنزين فهو بريء
لكن حاول أن لا يحدث تصفيق حتى لا تخرب أويل سيلات الصمامات سريعاً

[KoDaK_Gti]

انا عندى تحليل تانى خالص
ممكن يكون تيل الفرامل قافش على العجل شوية
بحيث اول لما تشيل رجلك من على البنزين تحس ان العربية كلبشت كده

[kemks]

انت جابت حل مشكلتك لوحدك وهو الخلط 80 على 90 دا خطر على الموتور وهو سبب الخناقة بتاعت العربية يا تضع 80 او 90 بلاش الخلط وطبعا دا خلى فية رواسب كتيرة نظيف التنيك ولو العربية كرباريتر اخلعة ونظيفة بالكامل وبعد كدا حط 80 او 90 وهتلاقى العربية تمام معاك

هل السيارة كربيراتير أم إنجكشن ؟
غالباً محتاج نظافة لمدخل الهواء وللرشاشات

وبالنسبة لخلط البنزين فهو بريء
لكن حاول أن لا يحدث تصفيق حتى لا تخرب أويل سيلات الصمامات سريعاً

رواسب بس الرواسب مش بتبقي من البنزين دا اللي اعرفه 80 او 90 الفرق في الاوكتين مش في نضافه البنزين و الرواسب اللي عليه


العربيه انجيكشن و مدخل الهواء نظيف

[samirayad]

برضه كنصيحه.....

راجع على خط الأتصال بين البوابه وحساس الTPS

......وكمان راجع على جودة ونظافة الأتصال الأرضى لوحدة التحكم والبطاريه.....لأن اللى عندك ده دليل على بطأ الأستجابه بين حساس ال TPS ......ووحدة التحكم..............

-......وبرضه ممكن مبدئيا الأول تفك فيشة الحساس اللى قولنا عليه وتحاول تنضفها من الداخل بمزيل الصداأ وتجففها كويس بين النصفين وتعيد تركيبها بأحكام..............وجرب الأول الموضوع ده....................دى وجهة نظرى والرأى لك

[kemks]

برضه كنصيحه.....

راجع على خط الأتصال بين البوابه وحساس الTPS

......وكمان راجع على جودة ونظافة الأتصال الأرضى لوحدة التحكم والبطاريه.....لأن اللى عندك ده دليل على بطأ الأستجابه بين حساس ال TPS ......ووحدة التحكم..............

-......وبرضه ممكن مبدئيا الأول تفك فيشة الحساس اللى قولنا عليه وتحاول تنضفها من الداخل بمزيل الصداأ وتجففها كويس بين النصفين وتعيد تركيبها بأحكام..............وجرب الأول الموضوع ده....................دى وجهة نظرى والرأى لك

شكرا و انا ناوي انظف الفيشه بس هنظفها ب CRC بتاع المعدات الكهربائيه والكترونيات و اجرب و اشوف ان شاء الله

[samirayad]

شكرا و انا ناوي انظف الفيشه بس هنظفها ب CRC بتاع المعدات الكهربائيه والكترونيات و اجرب و اشوف ان شاء الله

ربنا ييسر لك الحال.......وياريت تبقى تقولنا على آخر الأخبار بعد التجربه...............

[ahmedkafas]

لما ارفع رجلي من الاكسرتير العربية بتبطل؟؟

لما اكون ماشي وداخل علي اشارة وارفع رجلي من علي دواسة البنزين والعربية ممورة تبطل وحدها
حد عنده فكرة العطل اية؟؟

[kefafy]

السلام عليكم ورحمه الله وبركاته
الموضوع اساسا بسبب خلط الاوكتان (80/90)
حضرتك يا تحط 80 او تحط 90 ومفيش حاجة اسمها رواسب فى 80 او فى 90 الفرق فى الاوكتان فقط ولخبطة الاوكتان بتبرجل الموتور (علشان حضرتك العربية بتبقا الشرارة مظبوطة عند احتراق معين لما بتغير نوع الاوكتان يبقا المفروض تاخر او تقدم الشرارة (تعلى او توطى الكهربا ) وعن تجربة فى عربيات كتيير متخلطش البنزين لان العربية بتتبرجل
متعملش اى حاجة تانية
ولو مظبطتش مع حضرتك يبقا جرب تدورالعربية وتديها وضع الموور وتزقها لو حسيت ان العربية تقيله فى زقها وهيا ديرة مش زى الاول خفيفة يبقا عند حضرتك مشكلة فى الفرامل انها محملة يبقا هتراجع الميكانيكى فى ضبط المسمار الموجود فى خزنة السيرفو جايز يكون مفتوح فمحمل على العربية
ولما تيجى تعمل اى عيب ظهر فى عربيتك اعمل الاسهل الاول فالاصعب لاحقا
وربنا يوفقك

[ahmed1981]

لما اكون ماشي وداخل علي اشارة وارفع رجلي من علي دواسة البنزين والعربية ممورة تبطل وحدها
حد عنده فكرة العطل اية؟؟

راجع على نظافة بيك السلانسيه والكربيراتير عموماً