السيارة لازم احطلها بنزين في الكربراتير علشان تدور ؟

[hih2]

السيارة تويوتا 92 كانت ماشية على الطريق وفجاءة قطعت وبعدين مارضيتش تدور (المارش شغال والبوجيهات وكله تمام)
الميكانيكي شافها قال البنزين عليه ميه وفضى التنك ونضف الكربراتير على ما قسم وبعدين اشتغلت ولما تبات تاني يوم ما تدورش

حكيت الموضوع لميكانيكي تاني قالي الشغل اللي فات مش مضبوط لازم التنك يتفك والكربراتير يتنضف

المهم الميكانيكي نضف الكربراتير وفك التنكك وغسله ورجعت له بالعربية لحد دلوقتي 3 مرات واستلم العربية شغالة ولكن بعد ما تبات ما بتدرش بسهولة ودلوقت لازم احطلها بنزين في الكربراتير علشان تدور علما بان العربية شغالة زي الفل بعد ما تدور.

الميكانيكي اخر مرة قالي ان طلمبة البنزين محتاجة تتغير (رغم ان الخرطوم اللي داخل على الكربراتير بيطلع بنزين زي الحنفية ولكن هذا البنزين لا يدخل للكربراتير!!!)



السؤال أغير الطلمبة ولا اغير الميكانيكي ولا يطلع في الاخر اني لازم اغير الكربراتير؟


أفيدوني وجزاكم الله خيرا.

[casper_Dj30]

ممكن تشوف ابرة الكاربراتير
الموضوع دة كان حاصل معايا قبل كدة

[aYaBooY]

روح لحد متخصص تويوتا

[MMOUNIR]

ياريت تروح لحد متتخص في الكاربرتير و انا روحت لورشة كويسة اسمها الصفا مديرها م/ محمود و دة كويس اوي ودي في النزهة الجديدة قريب من نقطة قسم النزهة

[lada2010]

بص ياريس عايزك تشوف الحاجات دى وتقول لى النتيجة اية
اولا قبل ما تدور العربية الصبح بص على الفلتر بتاع البنزين مليان بنزين ولا فاضى
تانى شى انت كدا كدا هتشيل العمة على شان تضع بنزين فى الكرباريتر قبل ما تضع النبزين دوس على اكيسلتير بتاع البنزين وشوف من داخل الكرباريتر فى بنزين بينزل من جو الكرباريتر ولا مفيش شوف الحاجات دى وقول لى النتيجة اية

[ahmedsrs]

بص ياريس عايزك تشوف الحاجات دى وتقول لى النتيجة اية
اولا قبل ما تدور العربية الصبح بص على الفلتر بتاع البنزين مليان بنزين ولا فاضى
تانى شى انت كدا كدا هتشيل العمة على شان تضع بنزين فى الكرباريتر قبل ما تضع النبزين دوس على اكيسلتير بتاع البنزين وشوف من داخل الكرباريتر فى بنزين بينزل من جو الكرباريتر ولا مفيش شوف الحاجات دى وقول لى النتيجة اية

+1000000000000000000
لو ملقتش الحاجات دى يبقى
طلمبة البنزين محتاجة تتغير

[abo_hosni]

تانى شى انت كدا كدا هتشيل العمة على شان تضع بنزين فى الكرباريتر قبل ما تضع النبزين دوس على اكيسلتير بتاع البنزين وشوف من داخل الكرباريتر فى بنزين بينزل من جو الكرباريتر ولا مفيش شوف الحاجات دى وقول لى النتيجة اية

مش المفروض طالما العربية مبطلة=مافيش هواء ماشي في الكاربيراتير=مافيش بنزين هينزل مهما تدوس!!!

[powerofhelll]

ممكن تروح لحد متخصص كربراتير و اوعي تكون بتمون من نفس المحطه

[fahd_628]

مش المفروض طالما العربية مبطلة=مافيش هواء ماشي في الكاربيراتير=مافيش بنزين هينزل مهما تدوس!!!

دة فى العربيات الأنجكشن و هوة عربيتة كاربيراتير

[helmy537]

نضف الكربرتير وهتبقى تمام وغير البنزينه منهم لله

[samirayad]

من وجهة نظرى برضه ده عيب فى دايرة العوامه................

- والطلمبه كويسه لأن العربيه بتشتغل معاك كويس فى الوضع العادى ولو الطلمبه وحشه كان حيبان على آداء المحرك................

وواضح أن فيه عندك خلل فى غرفة العوامه مبيخليش بنزين يستنى فى غرفة العوامه لدورة تشغيل جديده بعد تبطيل المحرك لفتره والرغبه فى التدوير مره ثانيه..................

[hih2]

اولا أشكر الجميع للرد السريع وما تفضلوا به من اراء قيمة وجزاكم الله خيرا

بالنسبة للمحطة غيرتها والحمد لله

والمفروض ان الميكانيكي نضف الكاربريتر وهو فعلا نضفه

العربية حتى لو لسه شغالة وطفيتها وبعدين حبيت ادورها تاني لازم احط لها بنزين


بالنسبة للفلتر اعتقد بيكون فيه بنزين وحتأكد تاني بكرة الصبح
الاكسرتير مهما ضغطت عليه ما بيدخلش اي بنزين للكاربراتير وانا فعلا شاكك فيه لان قبل كده كنت باضغط عليه 4-8 مرات الصبحية قبل ما ادور ولكن بعد كده فقدت هذه الخاصية الجميلة ( الضغط 8 مرات) !!!

وعموما حجرب تاني بكره وشكرا للجميع

موضوع خلل غرفة العوامة ده حله ايه ؟ وات"أكد منه ازاي

الميكانيكي قبل كده جه خبط شوية على الكربراتير ودارت ولما سألته قاللي الابرة كانت معلقة
وبعدين فك الكربراتير ونضفه وزي ما قال سعد زغلول "مافيش فايدة"


دوشتكم


شكرا جزيلا لكم جميعا ونلقي غدا ان شاء الله

والسؤال مرة اخري هل في شىء معين ممكن انا اعمله لان الميكانيكي الاول والتاني مش نافعين ويمكن يطلع التالت شرحه فعلشان كده بحاول اعرف الصح واعمله ان امكن او اوجه نظر الميكانيكي له

[samirayad]

شوف ميكانيكى كويس ......وقوله على وجهات النظر اللى طرحت فى الموضوع...................

[hih2]

أبشركم دلوقتي بتدور

راجعت الصبح زى المهندس Lada2010 ما قالي لقيت الفلتر مليان ولما بدوس اكسرتير كتير مافيش بنزين بينزل جوه الكاربراتير.

حطيت شوية بنزين

المهم بعد ما رحت مشواري عديت عند بتاع الكاوتش قلت اجرب فكيت الخرطوم اللي داخل من الطلمبة على الكربراتير ونفخت داخل الكاربراتير (هواء مضغوط من بتاع الكاوتش) ونفخت بعد كده داخل الخرطوم اللي داخل على طلمبة البنزين (وقلت ماهي بايظة بايظة)

وسبحان الله

دارت

وبطلت ودورت اكتر من مرة وهى بتدور دلوقت والحمد لله طبعا مش من اول مرة ولكن بتدور

انا بخمن ان المشكلة يمكن من الجزء اللي بيدخل البنزين على الكاربراتير وفي انتظار تفسير الخبراء


فشكرا للجميع وبارك الله فيكم ولا اراكم الله عطلا في سيارة لديكم

[aYaBooY]

كدة انت محتاج حد يفك الكربراتير و دورة الهواء و ينضفهم كويس ابقي جبله اسبراي تنضيف كربراتير
و المفروض انه يفك الكربراتير حتت مش بس يفكه من العربية و ينضفة لا المفروض يفكة و يطلع البيكات و الابر و ينضفها