تزويد المياه

[EZABY]

ايه افضل وضع لتزويد الريدياتير بالمياه؟
شكرا

[MoOoD]

قم بتزويدها وهى مطفأه إذا لم تكن السياره قد إشتغلت
وقم بتشغيلها وتزويد المياه وهى تعمل إذا كنت قد قمت بإدارتها خلال اليوم.

إذا كان للسياره قربه يتم تزويد المياه منها فأعتقد انه يمكنك تزويدها متى تشاء والله أعلم.

[EZABY]

شكرا ياباشا على ردك

[samirayad]

التزويد للمياه عادى بالطرق المعروفه............

-لو المحرك بارد زود عادى وهو متوقف...........

-لو المحرك ساخن بتزود والمحرك شغال....

-ومفيش حاجه أسمها قربه مش قربه......الأمور واحده سواء دايرة التبريد تحتوى على تنك تعويض (القربه)...ام لا......هى القربه مش متوصله مباشرة على الردياتير....وهى اللى بتقوم بتعويض الفقد من الماء منها اليه.........

[original]

المهم ماتحطش مياه الحنفية خالص!!
أقل حاجة حط مياه مقطرة من البنزينا عشان مافيهاش أملاح تبوظلك دورة التبريد وتملحها!!

[MoOoD]

-ومفيش حاجه أسمها قربه مش قربه......الأمور واحده سواء دايرة التبريد تحتوى على تنك تعويض (القربه)...ام لا......هى القربه مش متوصله مباشرة على الردياتير....وهى اللى بتقوم بتعويض الفقد من الماء منها اليه.........

المقصود هنا ان المياه المسكوبه فى القربه لن تصل مباشره للريداتير!!
وهذا ما أعرفه ..طالما ان القربه بها ماء ,وقمت بإضافه الماء إليها فلا خطر فى ذلك .
لو يوجد خطأ فى ذلك أرجو التوضيح..لآنى أقوم بذلك

أقل حاجة حط مياه مقطرة من البنزينا عشان مافيهاش أملاح تبوظلك دورة التبريد وتملحها!!

وما هو أفضل مياه مقطره ام المياه العاديه مع الماده الخضراء المانعه للصدأ

[tmedhat]

دايما زودها الصبح قبل ما تدور

يا ريت مية خضرا

[khater87]

بالنسبه للساره الموجود فيهال نظام ثيرموستات حراره
افضل طريقه للاطمئنان علي المياه وتزويدها هي في الصباح قبل اداره السياره ..
قبل ماتدور بص علي قربه الماء .. لو ناقصه زود المياه بس بعد ماتدور الموتور ...وذلك لتقليب المياه داخل دوره التبريد
في حالات تكون لسه المياه داخل الريداتير لسه محتفظه بحرارتها النسبيه ..
علي المدي البعيد ومع اختلاف درجات الحراره بتاع المياه المزوده والمياه الاصليه داخل الدوره .. ممكن تؤدي الي تلف جوان وش السلندر ...

[khater87]

بالنسبه لو المحرك شغال عادي والمياه الي داخله ساخنه زود عادي من غير اي مشاااكل ..

[khater87]

علي فكره ياجماااعه بالنسبه للسؤائل المقطره والمياه الخضراء والزرقاء وخلاااااافه .. السؤائل دي ليها وقت صلاحيه ..
يفضل بتغييير هذه المياه كل 6 شهووور لان المواد الكميائيه التي تمنع الصدأ والتي تحافظ علي الحراره وغيره تفقد خواصها بعد 6 شهوووور لذلك ينصح بتغيييرها
بالنسبه لطريقه التغييير
حضرتك مممكن تفضي الريداتير من المياه التي بداخله عن طريق حنفيه التفريع التي بأسفل الريداتير وذلك اثناء الصباااح بعد ترك العربيه علي الاقل يوووم من غير اداره يعني العربيه تبقي بارده تماااما
وتبدأفي افراغ المياه الجديده ..
وفي محطات غسيل بتعمل الطريقه دي وبتزود علي كده غسل دوره التبريد كااامله اكتر من مره
وتقريبا العمليه دي رخيصه
اعتقد كانت ب20 جنيه
والله اعلم