ماء التبريد بيفضى خالص كل شهرين مع ان مش لاءى تسريب من القربه او الرادياتير ؟؟!!

[sherifz]

ممكن يكون ايه السبب السياره نوبيرا اوتوماتيك هل خرم في الرادياتير ولا ايه ؟؟

[ahmedsrs]

انت بتستعمل ماء عادى ولا الماء الأخضر اسباب نقص الماء الشائعة
1- غطاء القربة تاف
2- تسريب من احد الخراطيم ومش شرط يكون مخروم ممكن يكون التسريب من عند الحلق بتاع الخرطوم لتغير فى خواص الكاوتش
3- قفيز مهوى وقفزان الفابريكة بتبقى حلقة من غير مسمار ربط ولو لقيت فى تسريب فى النوعية دى يبقى غير الخرطوم ومتغيرش القفيز ولو من النوع الى بمسمار اربط عليه
4- طبه مخرومة وبتسرب
5- تلف حشوة طرمبة المية وبتسرب
6- تلف احد اجزاء الرداتير وده ممكن تعرفه بسهولة لو بتستعمل مية ملونة اغسل الراداتير من برة بخرطوم ماء لون فى لون نزل مع المية يبقى الرداتير فى خرم
7- تلف جوان وش السلندر وبكون فى برجلة فى العربية

[body]

ماهو الفرق بين
الماء العادى
والماء الازرق
والماء الاخضر
والماء الاحمر

[SeiffoZ]

طب مش هو طبيعى المياه بتخلص و عشان كده بنحط مياه كل كام يوم؟؟؟

[zeyad1810]

انت بتستعمل ماء عادى ولا الماء الأخضر اسباب نقص الماء الشائعة
1- غطاء القربة تاف
2- تسريب من احد الخراطيم ومش شرط يكون مخروم ممكن يكون التسريب من عند الحلق بتاع الخرطوم لتغير فى خواص الكاوتش
3- قفيز مهوى وقفزان الفابريكة بتبقى حلقة من غير مسمار ربط ولو لقيت فى تسريب فى النوعية دى يبقى غير الخرطوم ومتغيرش القفيز ولو من النوع الى بمسمار اربط عليه
4- طبه مخرومة وبتسرب
5- تلف حشوة طرمبة المية وبتسرب
6- تلف احد اجزاء الرداتير وده ممكن تعرفه بسهولة لو بتستعمل مية ملونة اغسل الراداتير من برة بخرطوم ماء لون فى لون نزل مع المية يبقى الرداتير فى خرم
7- تلف جوان وش السلندر وبكون فى برجلة فى العربية

الله ينور عليك

[أشرف فتحى]

ماهو الفرق بين
الماء العادى
والماء الازرق
والماء الاخضر
والماء الاحمر

الماء العادى (ميه الحنفيه)تحتوى املاح تسبب الصدأ وانسداد وتأكل المواسير الداخليه للريدياتير
الميه المقطره خاليه من الاملاح وناتجه عن تقطير الماء العادى او ماء البحر
الميه الملونه هى عباره عن ماء خالى من الاملاح به ماده الاثيلين جليكول بتركيزات مختلفه من منتج لاخر يمنع الصدأ ويعطى كفائه اعلى لدوره التبريد

[body]

اشكرك جداً يااستاذ اشرف
بس حضرتك ماجاوبتنيش برضة
انا عرفت دلوقتى ان المياة الملونة احسن طبعاً
بس عايز اعرف اية الفرق بين الالوان نفسها

الازرق
الاخضر
الاحمر

[samirayad]

طب مش هو طبيعى المياه بتخلص و عشان كده بنحط مياه كل كام يوم؟؟؟

طبعا مش طبيعى ...أستمرارية تزويد الماء لأن دورة تبريد المحرك دوره مغلقه.........ولكن لو نسبة التزويد بسيطه للغايه (تقريبا كوب صغير كل شهرين أو أكثر ).....فلا ضرر ويمكن أعتبار هذا الوضع طبيعيا.....بسبب خروج أبخره محمله برزاز مياه من طبة تنفيس تنك التعويض (القربه)....نتيجة أرتفاع ضغط وحرارة مياه التبريد أثناء الخدمه فى دايرة التبريد

[mohamed_mohsen]

اشكرك جداً يااستاذ اشرف
بس حضرتك ماجاوبتنيش برضة
انا عرفت دلوقتى ان المياة الملونة احسن طبعاً
بس عايز اعرف اية الفرق بين الالوان نفسها

الازرق
الاخضر
الاحمر

مفيش فرق ما بين التلاته
كلهم بيخدموا نفس الغرض