عايز اركب اسبراتير الكترونى لبولونيز

[eng_a_raouf]

يا جماعة محتاج مساعدة فى كيفية تركيب اسبراتير الكترونى لبولونيز موديل 96 عاملة 80 الف كيلو.
الاسبراتير اللى فيها عادة بس البوبينة المفروض انها الكترونى.
هل ممكن اركب اسبراتير الكترونى واجيبه منين وبكام ومحتاج اغير ايه فى العربية ومين ممكن يعملهولى ؟
ارجو المساعدة

[marcoo1983]

طيب لو سمحت هيا الموبينه الالكتروني دي تفرق عن العاده في الشكل ولا هيا هيا
ويا سلام لو فيه صوره ليها
علي حد علمي انت هتحتاج اسبراتير الكتروني وده بيكون طبعا من غير ابلاتين ولا كوندنسر
وهتحتاج المشط الالكتروني معاه
بس نصيحه ابعد عن المشط الصيني لانه مش بيستحمل خالص ومكملش معايه اسبوع
و الي يعملك الحكايه دي اظن انه ميكانيكي

[Maged_Samy]

ياريت لو حد يحطلنا صور الاسبراتير الالكترونى او شرح لطريقة عمله وامكانية تركيبه فى السيارات المختلفة ، عشان ذهقنا من الابلاتين والكوندنسر ومشاكلهم

[eng_a_raouf]

البوبينة الالكترونى تفرق كتير فى الشكل عن العادى
بس انا مش عارف هل الاسبراتير الالكترونى ممكن يتركب على اى بوبينة الكترونى ؟
ولو مش ممكن اجيبها منين بوبينة الكترونى واسبراتير الكترونى ينفع للبولونيز.
انا قدرت اوصل لاسبراتير الكترونى بولندى ينفع للعربية بس الراجل اللى كنت هاشترى من عنده شاف البوبينة وقاللى دى مش هاتنفع واللى هاتنفع شكلها مبطط و مصنوعة من الالومنيوم ومش موجودة فى السوق.
حد يقوللى اعمل ايه او اجيبها منين ؟

[marcoo1983]

هو الاسبراتير الالكتروني ملبفرقش في الشكل عن الاسبراتير العادي كتير بس طبعا مبيكونش راكب عليه من بره كوندنسر
ولو فتحته مش هتلاقي الابلاتين وطبعا بيكون عليه من بره الادفانس الي بيتوصل بالكاربراتير
بس الي انا معرفش شكله فعلا الموبينه الالكتروني

[mohamed2002]

هوة في بولونيز96؟؟

[tmedhat]

الناس فى الفيات بتحول من اللسبراتير الالكترونى للاسبراتير العادة
وانت عاوز تعمل العكس
يا عمى خليك فى العادة الالكترونى مشاكلة كتير و مصاريفة اكتر

[eng_a_raouf]

ايوا يا باشا بس الاسبراتير الالكترونى لو جه ماركة نظيفة بتنساه وبتنسى الابلاتين والكندنسر والركب والكلام دا كله.
بدليل الجديد كله الكترونى
بس شكلى هاقتنع بكلامك واخلينى فى العادى مش عشان حاجة اكتر من انى زهقت من التدوير على تفاصيل الالكترونى.

[mmmmgogommmm]

سلام عليكم انا ركبتة الاسبوع اللى فات هو والوحدة اللى معاة مش فاكر اخدتة ب150 او250 استعمال ونفع واشتغل مع البوبينة اللى كانت راكبة مع الاسبراتير العادى وكنت شاريها من سنتين 75 جنية المهم ان اللى يركبهولك يعملك فيش لخرج الامسبراتير للوحدة دة فى حالة انك اشتريتة بسلك من غير فيش وعموما الفيش بتتعمل بحوالى 20 جنية ---- على فكرة اشترى الاسبراتير ووحدتة على التجربة واتاكد ان غطاة مش مشروخ وميهمكش الصدا اللى هتلاقية علية

[eng_a_raouf]

طب يا باشا انت اشتريته منين ومين الكهربائى اللى ركبه وهل عربية حضرتك بولونيز وللا ايه النظام. عشان اللى اعرفه ان البولونيز مالهاش الكترونى اصلا يعنى انا هاجيب بتاع ماركة تانية.

[mohamed2002]

هوة في بولونيز96؟؟

???????????

[city_ct]

أكيد فى موديل 96 و هذا غير منتشر، وآخر موديل لبولونيز موديل 2002 و بعد توقف خط انتاجها تماما.أما بالنسبة للتحويل للإلكترونى فيلزم الآتى:
1- المشط الكهربى (ديجبلكس) و ثمنه 300 جنيه
2- اسبراتير إلكترونى و ثمنه حوالى 240 جنيه
وهذه السعار للقطع الجديدة و يمكن شراء هذه المكونات من شركة النصرللسيارات فى وادى حوف أمام محطة مترو أنفاق وادى حوف.

بالنسبة للمشط فمتوسط عمره الإفتراضى 3 سنوات أو قد يزيد قليلا و عندما يعطل فالسيارة تتوقف تماما و لا تدور لأنه يقطع الدائرة الكربية المغذية للإسبراتير.

أرجو أن تكون أستفدت.

م/ شريف

[mmmmgogommmm]

مساءك فل بص البلونيز موديل 1990 وطالع كلها الكترونى وهتلاقى استعمال خارج الكترونى انا اشتريت استعمال خارج والسعر كان من 150 الى 200 شامل الاسبراتير + الوحدة بتاعتة وتشتريهم على التجربة اوعى تشترى الاسبراتير من غير الوحدة والللى يركبهم ميكانيكى مش كهربائى معلش انا مش فاكر السعر باالظبط لانى اشتريت كاربرتير واسبراتير ومروحة وكوعة مية وطقم فرامل خلفى 131 والبيعة دى عملت 900 جنية فمش متاكد هما 200 ولا150 بس بص انا من اسكندرية لو انت اسكندرانى اقولك تروح لمين لكن لو انت من مصر مش هقدر افيدك واى استفسشار يخص البلونيز وقطع غيارها رقبتى يا ريس انا بحب العربية دى موبايلى0100047488 اسمى محمود الايميل mahmoud_elgohary2005@yahoo.com

[mmmmgogommmm]

لو البوبينة القديمة مشتغلتش اشترى الجديدة من مكان مااشتريت الاسبراتير على فكر هتشترى بوجيهات انجليزى او اى نوع تتناسب مع الاشعال الالكترونى بحوالى 35 جنية بس هتخدم معاك حوالى 25000 كم وبعدين خرج الكهربا بيكون عالى جدا فى الالكترونى ودة بيساعد على سرعة السحب وسلاسة الاداء واكتمال الحرق للبنزين

[city_ct]

فى الغالب لن تحتاج إلى تغيير البوبينة القديمة و بالنسبة لشمعات الإحتراق فسوف يكون لك الخيار فى تركيب الشمعات المعتادة و حتى 3 شمعة و لن يؤثر هذا بالسالب على أداء السيارة.