التكيهات هتجننى

[jaw_83]

الاول كل سنه وانتو طيبين
انا عربيتى اكسنت 99 من فتره وانا بسخن الصبح سمعت صوت تكتكه من عند وش الموتور المهم رحت للمكانيكى قالى دى التكيهات بس مش هنضبطها غير الزيت والصوت ده هيروح و فعلا غيرت الزيت شيل الترا و الصوت فعلا راح بس دلوقتى الصوت رجع تانى مع انى عامل بالزيت الجديد 4 الاف كيلو بس مش عارف بقى ايه الحت فى الموضوع ده ياريت حد يفيدنى (التكيهات بلوف بضغط الزيت وانا سفت الزيت لاقيتو كويس)


حاجه تانى كنت عايز اعرف اقرب بنزينه للمهندسين بتقيس كبس الموتور:b4_564:

[jaw_83]

معلش نسيت اقول حاجه انى لما فتحت غطا التكيهات لقيت الزيت ريحته بنزين جامد اوى ده طبيعى ولا ايه؟؟؟؟؟؟

[tmedhat]

غير طقم البلوف
هو لية عمر و بيبوظ
ممكن استيراد وممكن جديد
لكن موضوع البنزيتن اللى على الزيت دة غريب قوى
حاول تتابعة كل يوم و تتاكد ان فعلاالريحة طالعة من فتحة الزيت

[aYaBooY]

روح لميكانيكي يظبطلك التكيهات او ممكن تدخل على الجزء بتاع هيونداي و شوف حد بتاع تكيهات
علشان التكيهات هي المسئول عن حركة الصبابات و بالتالي عدم ضبطها يؤدي إلى عدم انتظام خروج العادم فبالتالي الموتور يبقى مش مظبوط
لازم تتظبط عدم ظبطها يخليك تحس انك سايق عربية جاز مش بنزين سحب بايخ و صوت مقرف

[tmedhat]

روح لميكانيكي يظبطلك التكيهات او ممكن تدخل على الجزء بتاع هيونداي و شوف حد بتاع تكيهات
علشان التكيهات هي المسئول عن حركة الصبابات و بالتالي عدم ضبطها يؤدي إلى عدم انتظام خروج العادم فبالتالي الموتور يبقى مش مظبوط
لازم تتظبط عدم ظبطها يخليك تحس انك سايق عربية جاز مش بنزين سحب بايخ و صوت مقرف

العربية دى تاكيهاتها بلوف زيت
يعنى يتم استبدالها بجديد فى حالة انها عملت صوت
مفيش حد يقدر يعمل فيهم حاجة

[jaw_83]

طب لو استنيت شويه فبيها مشكله ومعلش كنت عايز اعرف اقرب بنزينه للمهندسين بتقيس كبس الموتور

[SeiffoZ]

طب أنا عندى العربية سحبها بقى بايخ جدا , لكن مفيش صوت للتاكيهات

[samirayad]

معلش نسيت اقول حاجه انى لما فتحت غطا التكيهات لقيت الزيت ريحته بنزين جامد اوى ده طبيعى ولا ايه؟؟؟؟؟؟

قولى أخبار الدواره معاك أيه.....وسحب العربيه كويس .....والزيت لونه أسود شويه.......وهل كشفت على البوجيهات

[samirayad]

طب لو استنيت شويه فبيها مشكله ومعلش كنت عايز اعرف اقرب بنزينه للمهندسين بتقيس كبس الموتور

برضه كويس أنك فكرت تقيس كبس الموتور

- لأن أكيد الحريق عندك مش كويس وبيحصل تفويت لهواء وبنزيتن نىء للكرتير

_ وده اللى مخللى الزيت ريحته بنزين

[samirayad]

طب أنا عندى العربية سحبها بقى بايخ جدا , لكن مفيش صوت للتاكيهات

ياريت تقوللى العربيه حقن ألكترونى ولا هاف......وأيه موقف البوجيهات .....وهل كشفت على الفلاتر (هواء وبنزين )

[Maged_Samy]

المشكلة كانت عند واحد صحبى فى هيونداى النترا وفى ميكانيكى قالوا غير بلوف وميكانيكى تانى نظفهم كويس والصوت راح وبقالوا دلوقتى اكتر من 6 شهور والعربية تمام

[samirayad]

المشكلة كانت عند واحد صحبى فى هيونداى النترا وفى ميكانيكى قالوا غير بلوف وميكانيكى تانى نظفهم كويس والصوت راح وبقالوا دلوقتى اكتر من 6 شهور والعربية تمام

طبعا ده كلام مظبوط ....لأن ممكن يكون فيه رواسب زيت وكربون من أثر الحريق موجوده فى بيوت الكستبانات فى رأس السلندر وهى اللى بتخللى الآداء مش كويس.........................._ بس طبعا دايما بقول فى الحالات دى ....نعمل فلش الأول ونغير زيت وفلتر ونجرب (لعل وعسى )....بغرض البعد عن الحل فى المكنه بقدر الأمكان..............

[wasta]

هيه إيه البلوف ديه لإن عندى نفس الصوت ومش عارف أعمل معاه إيه وبكام البلوف ديه أنا عربيتى سويفت 93

[samirayad]

هيه إيه البلوف ديه لإن عندى نفس الصوت ومش عارف أعمل معاه إيه وبكام البلوف ديه أنا عربيتى سويفت 93

البلوف دى عباره عن بساتم صغيره داخل بيوت لها فى رأس السلندر لضبط التاكيهات آليا ( بواسطة زيت المكنه)......ولازم تعرف عربيتك شغاله على بلوف ولا تاكيهات ميكانيكيه (بمسمار ضبط )

[shady_hamdy]

اتاكد من طلمبة البنزين لان ممكن تكون بترمى بنزين على البلوف و بتخلى الزيت يحل علشان كدا لزوجة الزيت بتنتهى و بكدا صوت التكتكة بيزيد