الأنجكشن

[mahmmoud1980]

انا عندي السيارة بتبطل لما بمشي وهي بارده وفر رجة بتحصل لما بتسخن وrpmقل من 1 فوق الصفر بشرطتين وهل صحيح في مسمار في الأنجكشن بيخلي الكهرباء حلوة وهو فين المسمار ده وشكرا

[samirayad]

قولنا بيانات كامله عن العربيه......وموقف آخر صيانه أتعملت.........وأوعى تلعب فى المسمار اللى بتقول عليه ده (لأنه مظبوط فى المصنع وبتاع بلف الأيدل كنترولر وممكن البلف أومنطقة البوابه تبوظ وتترمى بعدين من كتر اللعب فى المسمار ده )

_ وكل حاجه وليها علاج...........

[mahmmoud1980]

العربية موديل 92 اجكشن 1500ولسه مغير البوجيهات وسلك البوجيهات وما عملتش صيانه ثانية والعربية اربع رشاشات

[samirayad]

نظف بلف الأيدل والبوابه وأكشف على عدم وجود تسريب هواء للمحرك من منطقة البوابه....................

[aYaBooY]

و نضف كمان فلتر الهواء و لو محتاج تغير يبقي يتغير و زي مقالك سمير المسمار الي بتتكلم عليه ده ملهوش دعوة بالكهرباء خالص
كل الي بيعمله انه بيغير رجلاش البوابة و الموتور يعلى في السلانسيه و عموما انسي المسمار ده خالص انت كدة العربية عندك مخنوقة
لما تتنضف كويس و البوابة تتنضف و يترش عليها مزيل صداء dw40هاتلاقيها رجعت زي الفل

[mahmmoud1980]

هو فين مكان بلف الأيدل ده وفلتر الهواء ممكن اعرف مكانه اصل انا لسه جديد ةمعنديش فكره وياريت صورة توضيحية وشكرا

[samirayad]

طالما حضرتك لسه جديد فى هذا المجال ....ياريت تروح لميكانيكى كويس فى نطاق محل أقامتك ....وتقوله نضفلى الفلاتر أو غيرها (حسب حالتها ).....وخليه ينظف البوابه بتاعة الهواء اللى داخل المانيفول......وبلف الأيدل فى الغالب بيكون راكب فى المنطقه السفلى من جسم الخانق (المانيفول )........وأكيد الميكالنيكى حيقوم باللازم (وأبقى تابعه .......ومتخليهوش يلعب فى مسمار بلف الأيدل اللى قولنا عليه )

[mahmmoud1980]

شكرا على سرعة الأجابه واتمنى سعة صدركم لس}الين اخرين1- العربية مرة اتخبطت وتسبب في ذلك تلف كراسي الموتور ممكن اعرف سعرهم ولو ماركبتهمش ممكن يحصل حاجة
2- البوجيهات لم بفكها بلاقي عليها زيت من الموتور والميكانيكي قال لي ان السبب في ذلك اني بحط بنزين 80 وقال لي بنزين 90 افضل ومش هايجيب زيت على البوجيهات هل ده صح ولا خطا وايه هو السبب وطرق العلاج

[samirayad]

البوجيهات لم بفكها بلاقي عليها زيت من الموتور والميكانيكي قال لي ان السبب في ذلك اني بحط بنزين 80 وقال لي بنزين 90 افضل ومش هايجيب زيت على البوجيهات هل ده صح ولا خطا وايه هو السبب وطرق العلاج

طيب قول الكلام ده من زمان يامحمود باشا......وهوده اللى عاملك كل المشاكل......ومتعملش حاجه تانيه خالص فى المحرك....................لحد ماتغير سيلات الصبابات (وأدعيلى ).......وبعدين سيبك من الميكانيكى ده (وقوله روح أشتغل عجلاتى )

[mahmmoud1980]

طيب قول الكلام ده من زمان يامحمود باشا......وهوده اللى عاملك كل المشاكل......ومتعملش حاجه تانيه خالص فى المحرك....................لحد ماتغير سيلات الصبابات (وأدعيلى ).......وبعدين سيبك من الميكانيكى ده (وقوله روح أشتغل عجلاتى )

يعني سيلات الصبابات هي السبب في كل ده طيب هي سعرها حوالي كام ولما اغيرهم اضيف بنزين 80 بدون مشاكل

[samirayad]

يعني سيلات الصبابات هي السبب في كل ده طيب هي سعرها حوالي كام ولما اغيرهم اضيف بنزين 80 بدون مشاكل

حتحل رأس السلندر .....وحتغير سيلات الصبابات ......وبرضه بالمره شوف وضع تطبيع الصبابات (يمكن تكون حتحتاج تعمل روديه ).........

_ واعتقد الموضوع بكتيره حوالى 200 جنيه (موضوع المبلغ ده حسب الشغل اللى حيتعمل فى الرأس )......علشان تعمل شغل صح.....

_ وبرضه خللى (الميكانيكى مش العجلاتى )....يعمل الموضوع ده ....وهو حالل رأس السلندر بمعنى.... خليه ينضف مجارى التبريد اللى فى البلوك .........وربنا يقويك (والعمليه بسيطه ......دا قطع الكاتينه بيحتاج شغل وتكاليف يمكن قد كده مرتين تلاته )

.

[mahmmoud1980]

بالنسبه للشق الثاني بتاع كراسي الموتور ممكن اعرف سعرهم ولو طنشت يحصل حاجه

[samirayad]

بالنسبه للشق الثاني بتاع كراسي الموتور ممكن اعرف سعرهم ولو طنشت يحصل حاجه

لا ماطنش حاجه لعدم حدوث مشاكل أكتر......وبالنسبه للسعر ( مش عاوز أفتى فيه ولو بصوره تقريبيه )......ولكنى أعتقد حتكون بسيطه أن شاء الله

[mahmmoud1980]

اشكرك من كل قلبي

[samirayad]

اشكرك من كل قلبي

أنت تأمر ياباشا.............