استفسار بخصوص البوجيهات

[semsem_uno]

انا كان ليا سؤل بخصوص البوجيهات
عندنا اكسيل موديل 1997 و لسه خارجة من العمرة و متلينة
هي 1500سي سي وكنت عايز اركب بوجيهات Ngk اليابانية ال3 شمعة
هي ب75 جنيه في محطة البنزين بس اعرف منين المغشوشة من الأصلية و هل هتضر الموتور او تنقر في البساتم ولا لأ و ياريت الرد في وقت قريب و شكرااااااااااااااااااا

[samirayad]

_ البوجيهات بتكون أنت وحظك.....ولازم تختار مكان كويس تشترى منه.....وبرضه تطمن أنها مغلفه كويس (وتعملها فحص كده بالنظر ...ولو شكيت فى أى حاجه فيها مش طبيعيه ماتشتريهاش ).............................ومن ناحية ضررها للموتور (هى حتخللى الحريق معاك مش كويس والمكنه تنتش مثلا والسرعه مش حتكون مستقره وممكن تبقى المكنه متلته والسحب مش كويس وأستهلاك البنزين يزيد.....دا لو البوجيهات وحشه )ومش حتنقر معاك بساتم ولاحاجه زى مابتقول (وكده كده حترغمك على تغييرها لو لاقدر الله كانت مش كويسه )

[semsem_uno]

شكراااا اوي يا باشا
بس لو الأصلية هل هتبقي فعلا كويسة و هتفرق معايا؟

[samirayad]

_ بدون شك...............

[anwarnono]

سمسم طيب أحسن ماتجيب بوجيهات splitfire انا صراحة لسه ماجربتهاش بس ان شاء الله هاجبها الاسبوع ده هى امريكى وبتكون من 100 الى 150 بس بيقولوا بتفرق جامد ولو كمان جبت السلوك بتاعتها هيكون احسن بكتير فى الاداء.(وانا كنت طارح موضوع على ngk وقالولى ان النوع التانى احسن بكتير) ولا انا ايه رايك يابشمهندس سمير.

[samirayad]

ولا انا ايه رايك يابشمهندس سمير

الصراحه أنا مقنع جدا بالنوع الngk اليابانى طبعا......وبرضه كنت مجرب ال Bosch قبل كده فى عربيه أوبل وكان ممتاز (ودايما بفضل البوجيه الشمعه الواحده )....................دا رأيى

[semsem_uno]

والله يا انور باشا انا اسمع كتير عن السبليت فاير و شكرا عالنصيحة و هي فعلا جامد اوي بس انا عايز حاجة سعرها في المعقول يعني

و شكرا يا استاز سمير علي سرعة رد حضرتك
و شكرا للأهتمام ايها الأعضاء الكرام

[anwarnono]

أنا طبعا ما اقدرش اتكلم بعد البشمهندس.
وياريت تقولى احسن نوع فى Ngk بمعنى اسمها ايه(ارديوم) ( R) صح هيه دية ولا حاجه تانيه.
والشمعه واحدة احسن من الثلاثة ليه ياهندسه؟

[Drift_Lover]

والشمعه واحدة احسن من الثلاثة ليه ياهندسه؟

انا كمان عاوز اعرف الافضلية بعد اذن المهندس سمير.

[samirayad]

أصل البوجيهات دى فعلا حظوظ والله (ممكن تكون لسه شارى بوجيهات جديده وترميها تانى علشان مرطبه )...........علشان كده بالنسبه ليا شخصيا (فى البوجيهات بحب أشترى يا Ngk و البوش ).......علشان تمنهم أقل من الأيريديم ........علشان لوطلعوا أى كلام تبقى خســـــــــــــاره بسيطه..................دى وجهة نظرى فى الحته دى.........ودايما فى البوجيهات (ماتشتريش من المناطق الساحليه ...وخليك فى المحافظات المتوسطه (وسط الدلتا مثلا ككلام عام ) فى بلدنا المحروسه )

[samirayad]

انا كمان عاوز اعرف الافضلية بعد اذن المهندس سمير.

أنا بقول عن تجربه ليا شخصيا فى عربيتى الأوبل الأولى ........وفعلا الآداء منظبتش عندى الا أما رجعت لشمعه واحده وبوش كمان ......دا غير أن ضبط الجاب للشمعه الواحده بيكون أسهل بكتير من التلاته مع شغل البوجيهات (برضه دى وجهات نظر ).........وبرضه أعتقد أن شرارة الشمعه الواحده بتكون مركزه فى بؤرة حريق واحده فى البدايه ومبيبقاش فيه أكتر من بؤره حريق زى التلاته (برضه دى وجهة نظر )..............وطبعا كل واحد حر فى أختيار اللى هو مقتنع بيه طبعا..................

[anwarnono]

شكرا جزيلا على الاهتمام.
انا سألت على بوجيهات Ngk فى نوع بـ30 وفى نوع تانى مكتوب عليهr بـ40 ،وطبعا شمعه واحدة، أيه رايك وهل ديه حاجه تانيه غير الارديوم.

[samirayad]

جرب أم 40 جنيه........وتوكل على الله

[jant]

يا دكتور سمير انا اشتريت ال( ان جى كيه ) بقالها 3 اسابيع وباظط ومركب دلوقتى واحده مستعمله كده من الميكانيكى لحد ما اركب جديد اجيب ايه انتوا حيرتونى يا جماعه
بس انا البوجيهات بتاعتى باظط بسبب انى كنت بسخن العربيه بالشفاط ده على كلام الميكانيكى ___ العربيه فيات تيبو 1993 _ 1400 سي سى
ارجوك تساعدنى
وفى كمان استفسار عن البيكات وتنظيف الكاربراتير عند مين افضل بس لما تجاوبنى

[samirayad]

ما أحنا قولنا .....البوجيهات .....أنت وحظك......وبعدين واضح من الصوره أن أنت الدكتره كلها.............وأنا راجل غلبان وبالنسبه لسؤالك عن تغيير البكات ونظافة الكربوراتير (أى ميكانيكى كويس فى نطاق محل أقامتك حيقوم بالواجب ).......والعمليه سهله جدا مش صعبه ولا حاجه