لمبة التشك بتنور فى السرعه العاليا تويوتا كورولا 1997

[samirayad]

احلى سلام اسمعلاوى للمهندس /سمير

أنا علشان غرباوى وعايش فى الأسماعيليه برضه حقول لأخويا سعيد أحلى سلام أسمعلاوى برضه ( علشان لما سألو جحا قالوله ......بلدك فين يا جحا قال اللى فيها أكل عيشى .....وبلاش المقوله التانيه )

والله انا اتشرفت بمعرفتك و فرحان اكتر بيك لانك اسمعلاوى و يارب اسماعيليه تكون كلها ذيك

الله يخليك يا أستاذ/ سعيد

يعنى تقريبا عملت السياره فى اللتر حوالى 13.2 مع مراعة ان داخلت القاهره بعد العبور كانت زحمة حتى الطريق الدائرى

طيب ما كده ميت فل وأربعة عشر........وربنا يديمها نعمه ولا تنسى أن سيارتك ذات فتيس أوتوماتيك كمان ( والأوتوماتيك بتأكل بنزين شويه عن المانيوال ).........................وممكن تكون مشكلة تقييمك السابق فى أستهلاك البنزين بسبب أخفاق فى دايرة قياس نسبة البنزين بين العداد ومنظومة العوامه........................................... ..............وأهم حاجه دلوقتى حمدا لله على سلامتك ( وايه أخبار لمبة التشيك وكنت برضه فاصل فيشة حساس الشكمان ولا أيه )

[said_ghaber]

انا اهم حاجه عندى انك عيش فى الاسماعيلية وبقول لك ان سماعيليه كلها بتشرف بيك و على فكره عائلتى كلها من الزقزيق بس انا من مواليد اسماعيليه
اشكرك جدا على حسن اهتمامك بمشكلتى بس انا كان عندى الاول قبل هذا العطل كانت السياره بتعمل فى لتر البنزين من 16 الى 17 كيلو
طيب انته بتقول كده كويس استهلاك العربيه للبنزين ما هو سبب اضاءة اللمبه التشك فى السرعه العاليه فقط وليس فى السرعه البطيئه!!!!!!!!!

[said_ghaber]

معلش انا اسف نسيت ان اقول لك فى هذه المسافه كنت فاصل الحساس
انتظر ردك الجميل يا م/ سمير

[samirayad]

شوف يا أستاذ/ سعيد........ممكن يكون مركز الصيانه اللى أنت روحتله ده وطلعلك كود العطل على أنه حساس الأكسجين ( مركز أى كلام ومبيعملش الفحص صح )................................................. والمفروض كان يقولك برضه على الأكواد الثانيه اللى مخزنه فى ذاكرة وحدة التحكم ...لأن أكيد فيه أكواد أخرى حتوصلنا لأسباب أخرى..............................بدليل أنك لما شيلت الحساس اللمبه مانورتش عندك الا فى السرعات العاليه .....واذا أستندنا الا كلام أخينا صاحب التجربه حيبقى فيه سبب أو أسباب أخرى حتبان مع الفحص فى مكان أكثر دقه.....................وممكن برضه دلوقتى تعمل نفس التجربه بتاعة السفر اللى فات وأنت مركب الحساس علشان نشوف حيكون فيه فرق فى الأستهلاك ولا الوضع حيبقى ثابت زى دلوقتى ......وبعده كده حنفكر تانى............وياريت تبقى تقولى على جميع أنواع الحساسات اللى عندك (وهل عندك حساس ماف ولا ماب )......وأوعدك بالأستمرار معك فى التفكير علشان نشوف سبب موضوع اللمبه ده مع السرعات العاليه .......بس ياريت تعمل التجربه تانى وأنت مركب الحساس بنفس الطريقه اللى فاتت...........وتقولى على اللى بيحصل وأيه اللى أنت لاحظته

[said_ghaber]

السلام عليكم يا م/ سمير
اشكرك على ردك إن شاء الله فى اقرب فرصه اجرى نفس التجربه واكون موصل الحساس دلوقتى انته سالتنى عن نوع الحساسات اللى عندى انا معرفش نوعه ايه ممكن توصف ليه شكله وانا اجوبك!!!!!!!!!!!!!!!!!!!!!!!!!!!!!!!!!!
يترى يام/سمير ليك مركز صيانه فى الاسماعيليه او حتى ورشه وانا اذهب اليك فيها يكون احسن ونقرب المسافات بيننا !!!!!!!!!!!!!!!!!!!!!!!!!!!!!

[samirayad]

طيب جرب الأول الرحله تانى وأنت موصل الحساس وشوف الأستهلاك وربنا يسهل ..........وأعتقد أن فيه مركز فى حى السلام (بس حقيقى مرحتلوش خالص .....ويارب ما أروحله )

[said_ghaber]

لك كل شكر وتقدير يا م/ سمير
انتظرنى فى اقرب وقت بعد التجربه

[samirayad]

ربنا يوفق يا أستاذ / سيد......وأنا حاسس أن الأداء حيتحسن مع تركيب الحساس والمشكله اللى عندك هتكون بسبب فيشة حساس آخر الفيشه بتاعته مش متوصله كويس وبتفصل مع السرعه العاليه نتيجه الهزه الزياده على المحرك فى الوقت ده................عموما أنا فى أنتظارك برضه للتشاور

[said_ghaber]

اذيك يام/سمير اتمنى ان تكون بصحه جيده
انا جربةالعربيه وانا موصل الحساس كما قولت لى مع السفر عملت العربيه فى لتر البنزين حوالى 12كيلو يعنى اقل وانا فاصل الحساس لان وانا فاصل الحساس عملت العربيه في لتر البنزين 13.2 كيلو في السفر
انتظر ردك و ايه العمل علشان انا احترت اللمبة التشك ليه بتنور فى السرعه العليا فقد

[samirayad]

اذيك يام/سمير اتمنى ان تكون بصحه جيده

الله يخليك أخونا سعيد..................

انا جربةالعربيه وانا موصل الحساس كما قولت لى مع السفر عملت العربيه فى لتر البنزين حوالى 12كيلو يعنى اقل

طيب كده معناه أن الحساس مش مظبوط.......وعوزك تشوف الحساس عندك من أى نوع (شبه أنبوبة الأختبار ولا مقفول ومفيهوش تجويف زى بتاع الحراره )

و ايه العمل علشان انا احترت اللمبة التشك ليه بتنور فى السرعه العليا فقد

هى دى المشكله يا أستاذ سعيد......وشكلها فيه فيشه من اللى على المكنه بتتهز وتفصل مع زيادة الأهتزاز على السرعات العاليه (ولازم تراجع على كل الفيش بتاعة الحساسات )....

[said_ghaber]

اشكرك على ردك السريع يا م/سمير
الحساس اللى عندى هو شبه حساس الحراره بس عليه مصفاءه مخرمه من النحاس وهو اثنين طرف كهرباء اما بالنسبه للفيش الحساسات الموجوده عندى فهى بحاله جيده جدا و للامان هراجع عليا كلها تانى بس انا متؤكد انها كويسه

[samirayad]

الحساس اللى عندى هو شبه حساس الحراره بس عليه مصفاءه مخرمه من النحاس وهو اثنين طرف كهرباء

حاول تنظفه بمنظف ألكترو كلينر....وفك الفيش ونظفها برضه بنفس المنظف وراجع على الأتصال الأرضى للبطاريه .....وياريت برضه تطمن على أن شحن الدينامو كويس ومش أقل من 12 فولت

[said_ghaber]

انا فكيته قبل كدة ونظفته فعلا اما بالنسب لشحن الدينمو فهو 14 ولمبه الدنيمو عمرها لم تنور معايا خالص والبطاريه لسه جديده
ممكن اعرف اذى اختبر حساس العادم بالضبط اكيد ليه طريقه للقياس وانا عندى افوه

[samirayad]

هوحساس الأكسجين بيخرج فولت لوحدة التحكم وبيخرج من 0الى1000 مللى فولت وبيعتمد على الحراره بتاعة المكنه وكل ما الفولت زاد كل ماكان كويس.....وبرضه حشوف لو فيه جديد حقولك عليه.....

[samirayad]

شغل المكنه يا أستاذ/ سعيد وسخن كويس قوى .....وحل الفيشه وقيس الفولت اللى خارج من الحساس (وهو ليه طرفين فقط ).....وشوف الفولت عامل كام مللى فولت....................المفروض يزيد عن 500 مللى فولت فيما فوق.....وقوللى برضه علشان نتشاور...........