سير الكاتية إتقطع

[ecco]

السلام عليكم

حصلى إمبارح موقف غريب , كنت بغير سير الكاتينة بواحد جديد , بعد ما ركبته و جيت ادور العربية السير إتقطع و الصبابات باظت ,مع إن السير دا إنجليزى و حسبى الله و لا حول و لا قوة إلا بالله

[وائل عطية]

الصبابات باظت بسرعة كده والعربية واقفة؟ معقول؟

[samirayad]

لا هو تلاقى البيه الميكانيكى ....لخبط التقسيمه وساعة الدواره حصلت أحمال عكسيه من الصبابات وأنقطع السير وأنعوجت الصبابات (لأن كل من السير والصبابات كان مشكل حمل على التانى وكان بيرغم الآخر على وضع معين .....عملية عند بين السير والصبابات على أى منهما يتبع الآخر ).......وبالتالى باظ الأثنين وده الأرجح ....لأن العربيه كانت لسه فى التجربه ويادوب الراجل لسه بيدور.....منهم لله الحلاقين اللى أسمهم ميكانيكيه

[ecco]

يعنى مش ممكن يكون السير اللى ما كانش كويس ؟

[samirayad]

مهما كان السير مش كويس.......هو أنت كنت لسه حركت العربيه وأخدت حمل من المكنه...........وتلاقى الميكنيكى هو وبليه أفندى جابوا المشكله فى السير (وأوعى تعمل عنده حاجه تانى وربنا يعوض عليك ).......وأحتسب عند الله لأن مش حتاخد منهم لاحق ولا باطل للأسف ....................

[ecco]

طيب معلش يا بشمهندس سمير الموضوع دا يتكلف كام من حيث الخراطة و الميكانيكى و كده

[ecco]

هى عربية دايو إسبيرو

[lancerevolution]

ما تسكتش على كدا خد حقك من الميكانيكى و لو حترفع قضية لأن دا حقك شرعا و قانونا
حتى لو جنيه لازم تاخده دا حقك "إلا إذا كنت متنازل عنه بإرادتك"
سكوتك عن حقك كأنك شيطان أخرس
سكوتنا هو الى مفرعن الأفنديا دول و مخليهم يلعبوا فى الى مالوش فيه فى ميكانيكيا محترمين لما يلاقى نفسه مش حيعرف يعمل حاجة بيروح رايح بالعربية على التوكيل إنما يفتى و يبوظ يبقى يصلح على حسابه
انا مش جاى أولع الدنيا بس بجد أنا مابحبش حد يقول ربنا يعوض عليك و لما هو كدا الرسول صلى الله عليه وسلم قال ليه الحديث من أفسد شئ فعليه إصلاحه

[samirayad]

انا مش جاى أولع الدنيا بس بجد أنا مابحبش حد يقول ربنا يعوض عليك و لما هو كدا الرسول صلى الله عليه وسلم قال ليه الحديث من أفسد شئ فعليه إصلاحه

طيب ماتروح معاه ....دول صنايعيه ياسيدى.........وهل فيه أحلى من عوض الله ....بالطبع لا

طيب معلش يا بشمهندس سمير الموضوع دا يتكلف كام من حيث الخراطة و الميكانيكى و كده

أعتقد حتكلفك فى حدود من 500- 700 جنيه على الأكثر (وان شاء الله مش حتحتاج خراطه )....فقط طقم بلوف وسيلات صبابات وجوان رأس السلندر وسير تانى طبعا .....

_ وهل الميكانيكى الـــــــــــ

كله يقول فى سره (أصل اللفظ مش عاوز يطلع بصراحه ) معملش روديه المره اللى فاتت.................

[tmedhat]

طقم الصباب 285 الااصلى
الكاوتش بتاع الصبابات 85
لازم خراط عشان هو اللى بيركب الصبابات و بيقفل الوش حوالى 140 جنية
و الجوانات ومصنعيات الميكانيكى
وربنا معاك
لو عزت اى استفسار ابعت لى على الخاص ممكن اخدمك
لو العربية دارت مضبوطة و بعدين السير اتقطع يبقى عيب السير
لو العربية ما دارتش خالص و السير اتقطع يبقى الراجل قسمهاغلط

[mrghost]

لو العربية دارت مضبوطة و بعدين السير اتقطع يبقى عيب السير
لو العربية ما دارتش خالص و السير اتقطع يبقى الراجل قسمهاغلط

الله ينور عليك

[samirayad]

و جيت ادور العربية السير إتقطع و الصبابات باظت

.......؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ecco]

أنا بعد ما خلصت الكلام دا بلاقى صوت العربية بيعلا زى تكتكة كده لما تسخن فلاقيت الميكانيكى بيقولى دى مشكلة كوستبانات و محتاجة تتغير ؟؟؟؟؟؟ أنا عربيتى عاملة 130000 كيلو ؟؟؟؟ إيه الرأى

[samirayad]

طيب غيرت الزيت والفلتر قريب.......وياعنى الميكانيكى مش كانت كل حاجه قدامه وهو بيغير السير

[tmedhat]

طب ما تحكيلنا اتكلف كام و عملت اية؟
للافادة
البلوف بتاعة التاكيهات كدة عاوزة تتغير لان دى ضغط زيت