ارجو الإفادة في ارتفاع عدد لفات المحرك بعد تنظيف البوابة

[aYaBooY]

لو كنت فصلت البطاريه وأنت بتنظف البوابه ......يبقى أنت محتاج حاليا ....أجراء أعادة تنشيط لوحدة التحكم نحو سرعة السلانسيه idle learn procedure

و ده بيحصل ازاي ؟؟؟؟؟

[samirayad]

و ده بيحصل ازاي ؟؟؟؟؟

***أولا حلوه وملعوبه.......خد ياحاج.....أقرأ الموضوع ده (فيه اللى بيحصل ......وليه )....ولاحظ أنه للدايو

http://www.nilemotors.net/Nile/showthread.php?t=65571

[ehab_mansour]

الف شكر يا استاذ أحمد وأستاذ محمد ومهندس سمير عياد واليكم الأتي :
أولا انا نظفت كل الحساسات ماعدا حساس الشكمان اللي ما عرفتش افكه وزييت حركة حساس البوابة من الداخل بعد ما فكيته وكله تمام وبرضه مازالت سرعة السلانسيه عالية في حالة حركة السيارة فقط لكن وهيا واقفه بيكون 800 الي 900 وده معقول .
ثانيا انا غيرت في مكان الإسبراتير اللي واصل علي عمود الكامات واللي بيقسم اشارة الكهرباء علي البساتم وده قلي عليه استاذ محمد في التليفون وده فعلا بعد ما أخرته سنه بسيطة اتظبت العربية ولكن عند الدوارة صباحا العربية بتتخنق وما بتسخنش اوتوماتيك والعربية بتفضل تعلي وتوطي بين 500 الي 750 لفة في الدقيقة وعشان تنتظم لازم ادوس علي الدواسة شوية لحد ما تسخن وتتظبط لوحدها علي السلانسيه .
السؤال هنا :ماهو تأثير حركة وضبط مكان الإسبراتير ده علي السيارة لأني لما أخرتها قوي حسيت ان العربية ما بتسحبش خالص رجعته شوية اتظبطت شوية ورجعت عالية تاني ولكن مش زي الوضع الأساسي اللي كانت عليه .
وجزاكم الله خيرا جميعا علي الإهتمام
ودي صورة واضح فيها مكان المسامير اللي فكيتها وغيرت مكان الإسبراتير وواضح مسافة الرجلاش تحت المسمارين اللي مشار اليهم في الصورة رقم 4.8a وشكرا
ارجو الإهتمام لأن المشكلة مازالت قائمة

[samirayad]

السؤال هنا :ماهو تأثير حركة وضبط مكان الإسبراتير ده علي السيارة لأني لما أخرتها قوي حسيت ان العربية ما بتسحبش خالص رجعته شوية اتظبطت شوية ورجعت عالية تاني ولكن مش زي الوضع الأساسي اللي كانت عليه .

لا هو طبعا المفروض تسيب ظبطة الأسبراتير على وضعها.........................وعاوز أسألك أنت نظفت بلف الأيدل ولا لا..........................وأعتقد العربيه عندك هاف أنجكشن (تمام كده )

[ehab_mansour]

لا هو طبعا المفروض تسيب ظبطة الأسبراتير على وضعها.........................وعاوز أسألك أنت نظفت بلف الأيدل ولا لا..........................وأعتقد العربيه عندك هاف أنجكشن (تمام كده )

المشكلة يا هندسة اني لاقيت الأسبراتير ملعوب فيه قبل كده لأن مساميره باين فيها .
تاني حاجه انا فعلا نظفت البوابة ومافيش عندي بلف انا عندي حساس عبارة عن stepper motor وموصل علي مجموعة تروس ويايات وسوست فقط وهو ده اللي بيظبط حركة البوابة في حالة رفع الرجل من علي دواسة البنزين يعني وضع السلانسيه .
ثالثا العربية عندي انجيكشن كامل برشاشات وكنترول وحساسات وليست هاف انجيكشن .
ثالثا حاليا الوضع اتظبط شويه بعد ما أخرت وضع الأسبراتير حاجة بسيطة ولكن لسه محتاجه ضبط مصنع بالكمبيوتر للبوابة وده هعمله النهاردة ان شاء الله وده عشان وانا بدور الصبح البوابة ما بتفتحش زي زمان فمحتاجه ضبط ومسح ال faults من علي الكنترول .
ثالثا وده الأهم ان دلوقتي وانا ماشي بالعربية وهي بارده وحتي وضع التشغيل كله تمام وبتنزل عادي لما أفصل دبرياج لحد ما توصل وضع الحرارة الطبيعي ترجع تعلي من 1250 الي 1450 في حالة الفصل ياتري ده سببه ايه ؟
في أعتقادي انا ان حساس درجة حرارة مياة التبريد او ساعة الحرارة بتاع مروحة الرادياتير ليها علاقة بالمشكلة .

وجزاكم الله خيرا علي الإهتمام

[Ahmad]

سلام عليكم,

الحقيقة أنا مش عارف كل اللي حصل دة المفروض كان يحصل ولا لأ.

أنا بالنسبة لي لما نظفت البوابة فعلا العربية عليت شوية لفترة (كذا يوم)
بس رجعت تاني للوضع الطبيعي, و بدون أي تدخل .

عامة التفاصيل اللي الموضوع وصل ليها دي خبرتي فيها قليلة جدا فأنا بتعلم منكم.
ربنا يسهل و توصلوا لحل المشكلة :).

[M.Mostafa80]

في أعتقادي انا ان حساس درجة حرارة مياة التبريد او ساعة الحرارة بتاع مروحة الرادياتير ليها علاقة بالمشكلة .

أنت بكده وصلنا الحمد لله قدام العربيه ظبططت معاك بعد تعديل الأسبراتير وعشان تظبطه صح يبقى الأسبراتير يثبت على نص المشوار بالظبط بين التقديم والتأخير
أما موضوع السخنيه الصبح فدا من الأخر ياباشا صباع حساس المياه الى فى الشجره أكيد عارف مكانه دا عايز يتغير فنعمل الحاجه دى الأول قبل ما ندخل فى بوابه
أما ياباشا لوتحب تكلمنى على المسنجر فدا أيملى ليك ولكل أخوانى فى المنتدى
momomeromom@hotmail.comضيفنى وأنا معاك ياباشا وأن شاء الرحمن خير

[ehab_mansour]

ألف شكر علي ردك أستاذ محمد وربنا يكرمك ويجزيك خيرا وان شاء الله جاري الحل.
وشكرا علي مشاركتك يا أستاذ أحمد وجزاك الله خيرا علي السؤال
وان شاء الله عند الوصول لحل مناسب وجيد سوف أوفيكم بكل الخطوات للمعرفة ولمساعدة الجميع كما ساعدني اخواني الكرام جزاهم الله عنا كل الخير

[max_ziro]

ياباشا سعات بتكون حلول الاشياء هى الابسط شيك على الواير بتاع الاكسراتير الواير دة لية شداد اكيد حضرتك شديتة زيادة حبة وانت بتركبة
وإن شاء الله هيطلع حاجة بسيطة مدام مفيش اى ايرور
إن شاء الله هيكون زى مقولتلك كدة ..

[M.Mostafa80]

ياباشا سعات بتكون حلول الاشياء هى الابسط شيك على الواير بتاع الاكسراتير الواير دة لية شداد اكيد حضرتك شديتة زيادة حبة وانت بتركبة
وإن شاء الله هيطلع حاجة بسيطة مدام مفيش اى ايرور
إن شاء الله هيكون زى مقولتلك كدة ..

دا أحتمال من الأحتمالات الى قولتلو عليها بس مش عارفأذا كان أخد بالو منو ولا لأ