صوت السير

[wardet]

السير عندى كان بيعمل صوت
وغيرته وبرضه مفيش فايدة
الصوت بيروح اول ما العربية تدور وبعد دقائق بيرجع تانى
ومخللى صوت العربية وحش جداًَ
وغيرنا كذا سير مشرشر وعاده برضه لسه الصوت موجود
السير اللى كان فيها مقاسه كان 800 * 9.5
هل دا هو مقاس العربية ولا ايه
ياريت حل العربية شاهين 96

[samirayad]

ظبط شد السير كويس ......ولو الصوت مارحش حتكون عاوز تغير طنبورة الدينامو.........أو فيه مشكله فى بلى الدينامو (حسب طبيعة الصوت وشكل الأحتكاك اللى على الطنبوره )

[wardet]

شكراًَ يا استاذ سمير وان شاء الله هشوف الموضوع دا من ايه
وبكام الطنبورة دى؟؟

[aymoonoo]

انا عندي صوت بيطلع لما ادور العربيه زي صفاره كده ومن جديد دلوقتي بقا يعمل كده وانا ماشي برضو مش عارف ليه هوا ايه الحل فالحوار ده ؟

[wardet]

لأ انا اللى عندى بقى مش صفارة بتزيد مثلاًَ لما تدوس بنزين
الحكاية كلها ان صوت السير باين والعربية دايرة
يعنى صوت العربية متغير لكن مش صفارة

[aymoonoo]

الأيام دي الصوت زاد وبقت مقرفه لما العربيه دايره حتتا وهيا واقفه في صوت زقزقه ولما ادوس بنزين بيزيد وفجأه يقف وحتا منا ماشي نفس الحوار ده بيحصل ايه الحل ياا جماااعه

[ahmad5997]

هو الكلام علي سير الكاتينة يا باشمهندس سمير ؟
مش ممكن سير الدينامو؟
وبعدين اخر مرة بغير سير الكاتينة لقيت في نوعين عريض ورفيع ممكن تكون انت غيرت العريض

[hamedo0]

السير اللى كان فيها مقاسه كان 800 * 9.5
هل دا هو مقاس العربية ولا ايه
ياريت حل العربية شاهين 96

المقاس ده مقاس سير الدينامو

[samirayad]

مش ممكن سير الدينامو؟

لا يا أبوحميد ....ينفع الكلام ده (دا الليله كلها على سير الدينامو ).....وملناش دعوه بالكاتينه

السير اللى كان فيها مقاسه كان 800 * 9.5

والمقاس ده بتاع دينامو فعلا.................لأن الكاتينه بتقيم بعدد أسنان السير مش الطول والعرض زى الدينامو

[aymoonoo]

طيب انا ما قلتوليش اعمل ايه عشان الصفاره دي تروح؟؟

[samirayad]

أسهل حل ليك الأول تشد السير حاجه بسيطه وجرب الأول وقول على النتيجه...................

[aymoonoo]

هوا السير ده ينفع انا اشدو ولا لازم اروح عند ميكانيكي؟

[samirayad]

هو شده سهل .....بس طالما لم تمر بالوضع من قبل .......5 جنيه وأى ميكانيكى يظبطه شويه وخلاص......................

[أشرف فتحى]

طبعا بعد كلام باشمهندس سمير مفيش كلام بس انا حبيت اضيف تجربتى الشخصيه فى موضوع الاصوات بتاعه السيور:-
اول مره كان السير عاوز يتشد (سير الدينمو) وده بيعمله الكهربائى بمفك او لافيه بهد ما يحل مسمار تثبيت الدينمو فبيبقى حر الحركه وبيشده على المجرى بتاعته بقوه وبيرجع يربط وبكده بيكون شد السير.
تانى مره كان سوت غريب وبيروح وييجى وطلع ان سير التكييف مغيرهوش فى التوكيل علمابانى دافع تمنه ومصنعيه تركيبه والسير القديم شقق وعلى وشك يتقطع لكن ربنا ستروالحمد لله.
تالت مره السير كان عريض وبيحك فى الحديد وبيتحرك على الطنبوره.
اخر مره ودى كانت بسبب بليه الشداد مش فاكر الدينمو ولا التكييف كانت عايزه تتغير.

[gefoo]

انا كان عندى نفس المشكله علاجها سهل اوى حط نقطة زيت على طنبورة الدينامو او الباور من جوه وافضل اديها زيت هتلاقى الصوت راح