عاوز تفسير بسيط طقم شنبر

[alzelafy]

معايا ابيزا 98 و كل اما افتح الكبوت الاقى المياة فى القربه بتغلى و فى دخان ابيض خفيف من الشكمان و احيانا فى السفر العربيه بتبطل انا فسرت دة انو طقم شنبر و العربيه بتسخن و لا ممكن يكون عيب فى الرادياتير مع ان المروحه شغاله مباشر و بردة المياة بتغلى فى القربه

[samirayad]

معايا ابيزا 98 و كل اما افتح الكبوت الاقى المياة فى القربه بتغلى و فى دخان ابيض خفيف من الشكمان و احيانا فى السفر العربيه بتبطل انا فسرت دة انو طقم شنبر

_ لا ده مش طقم شنبر .....ده تفويت كبس من رأس السلندر الى مياه التبريد (ممكن بسبب تلف جوان رأس السلندر أو الرأس مهويه شويه وعاوزه أعادة رباط بترتيب وعزم رباط صح ).........ده أول أحتمال بالنسبه لغليان الميه فى القربه.......

** ألاحتمال الآخر سدد فى الردياتير أو تلف الثرموثتات بتاع المحرك (الموجود على كوعة خروج المياه الى الردياتير).......

_ وعلى فكره السخونه الزايده ممكن تعمل ظاهرة التبطيل اللى بتحصل معاك أحيانا وأنت مسافر.............

** وممكن برضه الأول تحاول أستنزاف أى هواء موجود فى دايره التبريد كخطوه أولى نحو الحراره.............على أساس ده أسهل حل حاليا..........

[tmedhat]

من عيوب الابيزا دى
الموتور الومنيوم
المية بتاكلة من حوالين الشميزات
بيهرب الكبس من المكان دة
الكبس يروح للمية تسخن العربية زى الصاروخ