سؤل بخصوص اسبراتير الريجاتا

[shamsman]

بما اننى افضل عمل معظم الصيانة للسيارة "طبعا بعد اللى شوفته من الميكانيكيا" اعانى من ان الاسبراتير موجود بمكان ضيق اسفل الموتور يصعب التعامل معه. ورايت فى سيارة اخرى "ريجاتا" الاسبراتير راكب فى اعلى الموتور من الجنب الايمن.
فهل يمكن نقل الاسبراتير العادى الى اعلى؟علما باننى سالت اكثر من ميكانيكى واجابوا بان الاسبراتير الاعلى هو الكترونى، ولكنى غير مقتنع. وشكرا

[tmedhat]

ممكن تركيب الاسبراتير فوق
بس لازم تغير الهد بتاع وش السلندر هد التاكيهات عشان نهاية الكامةبتختلف
بيكون فيها فتحة بيلف الاسبراتير
بيكون فيها قاعدة عشان يتربط عليها الاسبراتير
وبيختلف لو العربية كامة واحدة او 2 كامة
لان فية ريجاتنا 2 كامة 100 اس
والكامة الواحدة اعتقد 85

[ahmedsrs]

انا كان عندى عربية ريجاتا فعلا كان فيها اسبيراتير الكترونى وده كان راكب فوق جنب غطاء التاكيهات وكان جنبه فى موبينه صغيرة الكترونى وعلى فكرة الأسبيراتير ده رخيص مش غالى بس مشكلته انه بيشتغل بمشط الكترونى وده مش موجود ولو لاقيته هتلاقيه استيراد وانت وحظك . ولآن المشط مكنش موجود كان كل الكلام ده ملغى وراكب اسبيراتير عادى بتاع 128 وده كان راكب تحت وطبعا ده بابلتين وكندنسر ولا يحتاج الى مشط بس طبعا كان كثير الأعطال وشرارته ضعيفة .

[ahmedsrs]

نسيت اقول ان الموبينه الأكترونى كانت ملغية وراكب موبينة عادية كمان

[shamsman]

شكرا على المعلومات ولكن؟

اشكركم ولكن اذا كان المكان بجوار عمود الكامة موجود ينفع اركب الاسبراتير العادى بمعنى اخر ان عدد اللفات من عمود الكامة هو نفسه عدد اللفات باسفل الموتور؟. وعلى فكرة انا مركب موبينة الكترونى على الاسبراتير العادى وتعمل جيدا؟