إعـــــــلان

Collapse

.

,
See more
See less

ميه سوداء و داخنة بيضاء من الشكمان !

Collapse
X
 
  • Filter
  • الوقت
  • Show
Clear All
new posts

  • ميه سوداء و داخنة بيضاء من الشكمان !

    انا يا جماعة تعبت من الميكانيكية و إشتغلاتهم ندخل فى الموضوع انا معايا ريجاتا عادية كنت ماشى بيها مرة والحمد لله وفجأة شميت ريحة بنزين جامدة جاية من التابلوه رحت علطول راكن وفتحت الكبوت لاقيت الرداخ (الراجع) اللى جاى من الكاربيراتور بيجيب بنزبن بغزارة رحت لاجىء لأقرب ميكانيكى راح الباشا قاللى لازم افك الكاربيراتور علشان نفك الرداخ ونعمل واحد زيه عند الخراط ونركبه راح المعلم فكك الكاربيراتور نظفه وركب كل شىء تمام وبعدين قام مركبه ومعرفش يضبطه! البوجيهات هبهبت طبعآ المهم بعد معاناة اليوم ده من غير محكى على تفاصيله المملة روحت ورحت داخل نايم من التعب. فى اليوم التالى حاولت مع العربية لحد ما اشتغلت ورحت للميكانيكى اللى بتعامل معاه واللى من الطبيعى فاكك الكارب قصدى الكاربيراتور وراح قاللى جيب إبرة كاربيراتور 150mm وركبه ونضف البوجيهات اللى كنت مشتريها قريب وشغل يا ريس العربية تمام رحت ماشى بالعربيه مجربها برجلة وخربطه ما يعلم بيها إلا ربنا. الكارب مش مضبوط صح
    رحت راجعله تانى ها نضف البيكات وركب تمام رحت جايبله طقم بوجيهات جديد بالمرة تمام تمام ها ها العربية ضبطت بعد ما هبهب تانى طقم بوجيهات يعنى بعد كام يوم 3 ايام من المرواح والمجى على الميكانيكى والبرجلة اللى مش فى الموتور بس ولكن فى دماغى من التعب والحالة النفسية اللى مريت بيها رحت عامل مشوار نضافة للعربية. دلوقتى بتعمل ايه بتلت وساعات تنزل مايه سوده من الشكمان ساعات تطلع دخنة بيضا ريحتها وحشة اوى وساعات لأ. رحت للميكانيكى راح قاللى مبروك الموتور خف إزاى يا عم ده الموتور كانت حالته كويسة قاللى ما دام طلع دخنة بيضا يبقى خف مع العلم العربية ما بتكلش زيت المهم رحت سايبة وروحت العربية ركنتها ما بخرجش بيها ومش عارف اعمل ايه. اجيب كاربيراتور جديد والا اعمل ايه افيدونى بارك الله فيكم ونصيحتى لأى واحد متخليش اى ميكانيكى يفك الكاربيراتور لأنه مضبوط على ضبطه المصنع حتى لو ضبطه مش هيرجع زى الأول.

    محمد

  • #2
    فية واحد فى شبرا متخصص كربراتيرات بس
    روح لة يمكن يقدر يحللك المشكلة دى
    وربنا معاك
    [color=#3333FF][size=5]عاشق الهوندا[/size][/color]

    Comment


    • #3
      انت الله يكون فى عونك فعلا اللف ورا الميكانيكيه اللى مبيجبش نتيجه يغيظ خاصه اللى يقعد يرسم عليك ويعملك البحر طحينه وانه عمل وسوى وتلاقى المشكله زى ماهيه

      انصحك انك تسيب الميكانيكى دا
      [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
      [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

      Comment


      • #4
        معلش تتصلح ان شاء الله

        انا لسه مخلص الحوار ده من اسبوع بعد ماليكانيكى خلانى اغير:
        بوجيهات - ابلاتين - كوندينسر -موبينة - وش اسبراتير - شاكوش. ولم تنضبط السيارة . و فى النهاية تركته وزهبت الى متخصص كربراتير خلاها ممتازة بس طبعا ركبت بوجيهات تانى لان البوجيهات لا تعود الى حالته مرة اخرى حتى بعد التنظيف" اذا ضبط الكربراتير هات بوجيهات جديدة افضل".

        Comment


        • #5
          هو تقريبا انت وقعت مع شويه حمير -اسف على اللفظ- وبالذات الاولانى اللى عمل الرداخ

          وراى تشوف ميكانيكى نظيف يظبطلك الدنيا
          [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

          Comment


          • #6
            اكيد...الميكانيكية اليومين دول للاسف عاملين ف..........دكاترة!
            بس اكيد هتلاقى حد متخصص كاربيراتير ويظبطلك الليله!!
            لو فى اسكندرية انا اعرف كذا واحد حكاية...وعلى ضمانتى
            [SIZE=6][I][COLOR=#000000][FONT=Comic Sans MS][SIZE=6]
            [/SIZE][/FONT][/COLOR][/I][/SIZE]

            Comment


            • #7
              شكرآ على الردود يا جماعة وجزاكم الله خير دلوقتى زى ما قلت قبل كده العربية متلته لأنى باحس إن العربية بتترج جامد فى السلانسيه ولم آجى اشغل العربيه بحس انه عايزة تقف وفى الصباح الباكر بتنزل نقط مياه مكربنة سودا مع خروج دخنه بيضاء من وقت للتانى اللى مزعلنى ان حاجة بسيطة تفتح فتحة كبيرة وموال ما يخلصش وبقول الحمد لله قدر الله وما شاء فعل. انا دلوقتى مش عارف اعمل ايه ومش متأكد هل الموتور خف فعلآ ولا ايه ولو عايز اوديها لميكانيكى اعرف إزاى ان هو مش هايشتغلنى ويفتح فتحة ويقولى عمرة علشان يكسب منها وخلاص مع العلم ان العربية قبل ما يحصل المقدر ده كانت حالتها كويسة والسحب كان كويس
              انا والله محتار وخايف اصرف فلوس على الفاضى وانتو عارفيين إن الفلوس ما بتجيش بالساهل وربنا يسامح كل بنى آدم على اللى بيعملوه فى الناس.

              Comment


              • #8
                طب لو سمحت قولي على اماكنهم علشان انا عايز انضف الكربراتير

                Comment


                • #9
                  روح شبرا لإبراهيم او مجدى اللى جنب سينما شبرا وانسى مشاكل الكربراتير على الأققل لمدة 6 شهور واسأل مجرب هههههههههه انا دورتلك على كارت اللى لقيتة فيهم اللى هوة مجدى وده رقمة
                  0126878856
                  0107527879
                  ووصف طريقة انتة تروح شارع الترعة وتسأل على دار مناسبات شبرة تخلية على إيدك اليمين وتعد نصيتين وتدخل فى التالتة اول تقاطع هتلقية على الناصية :) ده اخر مرة عملت عندة شغل وشغال كويس لغاية دلوقتى وطمنا إية اللى حصل
                  [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

                  [mtohg=null]http://i647.photobucket.com/albums/uu192/bishoy02010/651654076.jpg[/mtohg]
                  [/CENTER]

                  Comment


                  • #10
                    في مركز الصفا في شارع التلاجه او المصانع في شارع جسر السويس بعد مدينه قباء
                    [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

                    اخوكم : محمد عماد الدين
                    الوظيفه : محاسب
                    [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

                    Comment


                    • #11
                      ياجماعه انا في اسكندريه

                      Comment


                      • #12
                        يا جماعة حد يدلنى على واحد بتاع كاربيراتور بيفهم قريب من جسر السويس علشان يضبط كاربيراتور ريجاتا اللى الميكانيكية مش عارفين يضبطوه انا سمعت عن مركز الصفا ده وناس قالت انه بقى مادى اكثر وشغله بقى اى كلام. فى اخ فاضل هنا زكر ان فى اثنين فى النزهة الجديدة بس انا مش فاكر العنوان. وهل من الممكن اشترى كاربيراتور جديد للريجاتا انا قريت ان فى ماركة اسمها ويبر weeper امريكى يا ترى متاح فى مصر وان كان موجود اجيبه منين ويعمل كام وهل ده اريح من ضبط الكاربيراتورز آسف على الإطالة وجزاكم الله عنا خيرآ

                        محمد

                        Comment


                        • #13
                          المشاركة الأصلية كتبت بواسطة regata85 مشاهدة المشاركة
                          يا جماعة حد يدلنى على واحد بتاع كاربيراتور بيفهم قريب من جسر السويس علشان يضبط كاربيراتور ريجاتا اللى الميكانيكية مش عارفين يضبطوه انا سمعت عن مركز الصفا ده وناس قالت انه بقى مادى اكثر وشغله بقى اى كلام. فى اخ فاضل هنا زكر ان فى اثنين فى النزهة الجديدة بس انا مش فاكر العنوان. وهل من الممكن اشترى كاربيراتور جديد للريجاتا انا قريت ان فى ماركة اسمها ويبر weeper امريكى يا ترى متاح فى مصر وان كان موجود اجيبه منين ويعمل كام وهل ده اريح من ضبط الكاربيراتورز آسف على الإطالة وجزاكم الله عنا خيرآ

                          محمد
                          ياريت تجيبة جديد ولو لقيتة هتلاقيه اكيد عند بتوع قطع الغيار بس بكام مش عارف وانا مش عارف غير بتوع الكربياتير الى فى شبرا وتحت امرك :)
                          [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

                          [mtohg=null]http://i647.photobucket.com/albums/uu192/bishoy02010/651654076.jpg[/mtohg]
                          [/CENTER]

                          Comment


                          • #14
                            انا بايد عدم فك الكربراتير لان مفيش حد بيعرف يظبتىة المهم انا راى تروح تكشف على الموتور فى محطة بنزين يقيس كبس الموتور الاول وبعد كدة تقدر تقرر الموضوع موتور ام كربراتير

                            Comment


                            • #15
                              الموتور خف علشان شوية دخنة ساعات و ساعات عظيم و الله طيب هل فيه تعريقة على البوجيهات ولا لا
                              هل فيه دخنة متصلة اثناء الدوران من خرطوم الفايز الي داخل العمة ارجوا الاجابة على السؤالين دول الاول
                              و هل حد من السادة الصنايعية فك الاسبراتير بتاعك و نظف المشط او بص على الابلاتين و الكوندنسر لو اسبراتير عادة
                              و على فكرة البوجيهات الي في السوق ليها ظبطة بتتعمل بالفلر للريجاتا دون باقي الفيات كنت بشوف الميكانيكي بيعملها ايام المرحومة
                              و المشكلة عندك ممكن تكون من باب الكربراتير التحتاني ممكن يكون عاوز تنظيف كويس او اكس و باب
                              [CENTER][COLOR=sandybrown]الفورد عربية بشوات[/COLOR][/CENTER]
                              [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
                              [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
                              [CENTER][URL]http://www.nilemotors.net/Nile/91508-a.html[/URL][/CENTER]

                              Comment

                              Working...
                              X