لمبة الشيك بتنور؟؟

[zocor742]

انا ياجماعة اول لما بدور العربية بعد ماتسخن لمبة الشيك بتنور وبيحصل ضرضرة بسيطة والعربية واقفة وصوت المتور بيكون عالى لحد ما امشى واغير للتانى
انا كنت رايح للمكانيكى بعد بكرة بس قولت اسئلكم الاول عشان ابقى رايح فاهم عشان انا لسة جديد فى العربيات
العربية نوبيرا
انا مستنى ردود حضرتكم..............................

[أبو إياد]

حضرتك افصل الكابل الارضى للبطاريه لمده 5 دقائق
ثم اعد تشغيل الموتور
ان شاء هاتطفى لانك كده بتعمل ريستارت لكمبيوتر الاعطال
وابقى طمنا

[zocor742]

حضرتك هية اللمبة مش معلقة هو فى عطل اوخلل فى حاجة عشان كدة قولت اعرف ما انا لو عملت زى ما حضرتك بتقول حتنور تانى بردو
ياريت حد يفهمنى يا جماعة اية الموضوع بالظبت............................

[zocor742]

لو سمحت
المهندس سمير عياد
لو تقدر تفدنى يبقى عملت خير فيا بالزات انا بشوف ردودك على مواضيع كتيرة وبتكون علمية ومقنعة ومحدش بيعدل عاليها
المشكلة انى رايح للمكانيكى ومش عايز اروح وانا مش فاهم حاجة
وانا مستنى رد حضرتك

[samirayad]

_ أعتقد بنسبة كبيره يا أخى أن حساس مية التبريد عندك ....هو المسئول عن المشاكل اللى قولتها ( وده توقعى بنسبة أكثر من 90% )....................وياريت مبدئيا تفك فيشة الحساس ده وتنظفها كويس ( الدكر والنتايه ).....بأستخدام الــــــــــــWD40 ....وجفف كويس بالهواء وركب تانى كويس وجرب .........لو لم يحدث التحسن ( حتحتاج تغيير الحساس ده )..................لك منى أطيب المنى .....وأبقى طمنى على النتيجه

_ وياريت برضه تراجع كمان على حساس العمه ( حرارة هواء الدخول للمحرك )....................

[zocor742]

السلام عليكم
ازيكم يا جماعة....
انا رحت للكهربائى عشان المشكلة دى قالى انت عندك كمان المروحة شغالة على طول دى شغالة على اعلى سرعة .(سرعة الغليان)وغير فيشة كدة والعملية كلها اتظبتت ولمبة التشيك اتفط والمروحة اتظبتت
وكملت بقى المشوار للميكانيكى عشان كدة لمبة الشيك مش منورة عشان عطل فنى والعربية عندة اول لما اخلصها هبقى اقولكم عملت اية

[zocor742]

شكرايا باشمهندس..سمير على رد حضرتك
ربنا يجازيك خير

[abo_lamar]

انا بقى لمبة التشيك بتنور عندي لما بكون ماشي على سرعات كبيرة فوق ال 100 كم بس مش دايما بتنور ولة نورت فهي بتنور 20 ثانية و بتطفي 2 دقيقة تقريبا .

[samirayad]

انا بقى لمبة التشيك بتنور عندي لما بكون ماشي على سرعات كبيرة فوق ال 100 كم بس مش دايما بتنور ولة نورت فهي بتنور 20 ثانية و بتطفي 2 دقيقة تقريبا .

أضاءة اللمبه بصوره متقطعه (بمزاجها يعنى ) على سرعات عاليه
بيبقى أسمه عيب مؤقت فى عملية التحكم .....وده بيجىء من حدوث فقد فجائى فى أشارة حساس من الحساسات على سرعه عاليه
بسبب تعرض فيشة حساس لفصل مؤقت بسبب السرعه .....نتيجة الأهتزازات
وده بيكون عيب فى تقفيل فيشه من الفيش .....هى أيه .....الله أعلم
ممكن تتعرف على فيشة أى حساس اللى عملت كده ....بواسطة الأسكانر
أو تراجع على تقفيل الفيش كويس .....بعد نظافتها صح بمنظف ألكترونيات ( الكتروكلينر )
بالمناسبه ....ممكن برضه تتأكد من جودة أحكام خرطوم حساس الماب ( من عند الحساس والبوابه )

[amrbakly]

عندنا في الفيات بتنور لما يبقي زيت الباكم ناقص برضة

هل حد فيكم عملت تشيك علية؟ يمكن يكونوا شبهه بعض