دخان أسود في الدوارة صباحا

[wmostafa]

هخلص شغلي وأنزل أجرب.

هوا بيك السلانسيه ده ... سهل تغييره ؟ يعني أعدي على الميكانيكي بتاعي بسرعه يغيره.

ولا فيلم ولازم يحل الكربيراتير ؟ وياخد وقت

[samirayad]

هوا بيك السلانسيه ده ... سهل تغييره ؟ يعني أعدي على الميكانيكي بتاعي بسرعه يغيره

ولا فيلم ولا حاجه....أنا كان عندى فى الأوبل المانيوال الأولانيه .....تحت عمة الكربوراتير.....وكنت بحله بأستمرار بمفك عادى.......وأنا فى الطريق أكتر من مره لما كان البيك بينسد من التراب وخلافه.......وبيأخد خمس دقايق على الأكثر............................................ .................وكنت عاوز أسألك السلانسيه معاك كويس والمكنه مابترلاعش ولا حاجه بعد التسخين ........وياريت لو تقول السرعه تقريبا قد أيه (بتاعة السلانسيه )

[samirayad]

هوا بيك السلانسيه ده ... سهل تغييره ؟ يعني أعدي على الميكانيكي بتاعي بسرعه يغيره

ولا فيلم ولا حاجه....أنا كان عندى فى الأوبل المانيوال الأولانيه .....تحت عمة الكربوراتير.....وكنت بحله بأستمرار بمفك عادى.......وأنا فى الطريق أكتر من مره لما كان البيك بينسد من التراب وخلافه.......وبيأخد خمس دقايق على الأكثر وأعتقد هو عندك كده برضه تحت العمه وراكب على الكربوراتير من فوق جنب باب الكربوراتير....................................... ......................وكنت عاوز أسألك السلانسيه معاك كويس والمكنه مابترعش ولا حاجه بعد التسخين ........وياريت لو تقول السرعه تقريبا قد أيه (بتاعة السلانسيه )

***أعتذر للتكرار فى الأرسال

[wmostafa]

واالله انت فتحت موضوع تاني مهم .

نعم بالليل المكنه بترعش شويه خفيف أوي لمااقف في اشاره مع النور. فروح سندها بتكة بنزين شويه عشان الرعشة تروح. برضو لو أنا واقف ومشغل انتظار في شوية رعشة.

بالنسبة لسرعة السلانسيه , انا معنديش Rpm

[samirayad]

طيب ياعم ....لاتغير بيكات ولا حاجه......طلع البيك وبشعرة سلك رفيعه جدا .......سلكه وجرب ( وأن شاء الله خير )

[wmostafa]

بص أنا هجرب أنظف البيك ده عند الميكانيكي وأشوف الصبح ايه النظام.

وهقولك

[samirayad]

بص أنا هجرب أنظف البيك ده عند الميكانيكي وأشوف الصبح ايه النظام.

وهقولك

توكل على الله.......وطمنا برضه

[wmostafa]

مساء الخير.
للأسف الميكانيكي كان زحمه فمشيت عشان عندي ميعاد

, واكتشفت ان بيك السلانسيه مستخبي في قلب الكاربيراتير فلازم الميكانيني.

بس جربت أزود بنزين والعربية سخنه (امبليهات). ولاحظت خروج دخان أسود برضه وي أنا بزود .... هوا مش كتير أوي بس في نسبة دخان أسود بسيطة بتخرج مع التزويد جامد (امبليهات).

ايه رأيك ... ألخص وأحل الكاربيراتير وأنظفه ... ولا نمشي خطوه خطوه

[samirayad]

ايه رأيك ... ألخص وأحل الكاربيراتير وأنظفه ...

مفيش مشاكل ....دا ده أجراء وقائى ........وبالمره أكشف على كل البيكات.......وجرب وشوف

[SAMEH_FOUAD]

خلى بس الميكانيكى يعملك تنضيف عن طريق فتح كهربا الاسبراتير على الاخر ومعها بيزود بنزين العربية بتضرب مدافع وبتخرج كل البلاوى اللى فى الكربراتير وهتلاقى ان شاء الله عربية تانية من غير ماتغير حاجة وبيج السلانسية تمنة حوالى 10 جنية او اقل كمان

[ahit]

نظف الكربراتير و البيكات و إن شاء الله هاتتحل المشكلة
لأن الدخان الإسود دليل على وساخة الكربراتير

[wmostafa]

اليوم مساءا نظفت الكاربيراتير.
لسه مستني صباحا لما تبرد العربية خالص.

لكن عندي ملاجظة وعايز تعليق :
قبل التنظيف كانت دواسة البنزين ثقيلة شوية . بس كنت لما أكبس بنزين ولو شوية صغيرة كانت العربية بتجري (أو تتسارع) بسرعة من أول كبسة .

بعد التنظيف: أصبحت الدواسة خفيفة وسلسة. ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

هوه ده كدا طبيعي . واللا الميكانيكي شكلو وطى البنزين من الكاربيراتير ؟

[samirayad]

ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

أحتمال ده مجرد أحساس (علشان الباب أكيد بقى مش تقيل زى الأول )

[dr_timo]

الموضوع كله هوة في تظبيط الكاربيراتيرررررررررر ياريت تظبطة عند حد متخصص يعرفلك فيه اية بدل التخمين والموضوع مش مكلف اوي ولا حاجة

[ahit]

اليوم مساءا نظفت الكاربيراتير.
لسه مستني صباحا لما تبرد العربية خالص.

لكن عندي ملاجظة وعايز تعليق :
قبل التنظيف كانت دواسة البنزين ثقيلة شوية . بس كنت لما أكبس بنزين ولو شوية صغيرة كانت العربية بتجري (أو تتسارع) بسرعة من أول كبسة .

بعد التنظيف: أصبحت الدواسة خفيفة وسلسة. ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

هوه ده كدا طبيعي . واللا الميكانيكي شكلو وطى البنزين من الكاربيراتير ؟

تقصد إن السحب قل عن الأول و لا التسارع هو اللى قل؟
لو السحب قل و العربية مخنوقة شوية يبقى بيك الهوا مع البنزين عاوز يتظبط , و لو السحب قل يبقى أكيد الكهربا واطية شوية على ما أعتقد.