التكييف شغال ومش شغال

[kh_talaat]

السلام عليكم أخوان المنتدى الكرام

اسمحولي اعرض عليكم مشكلتي مع التكييف
انا عندي التكييف بيشتغل بكفاءه والتبريد زي الفل طول ما انا ماشي بالعربيه على الأقل على سرعه 70 لكن اول ما أهدي بالعربية تبدأ كفاءته تقل جامد يعني لما اكون واقف في اشاره بيبقى ولا كأنه شغال والعربية حر من جوه اكتر من الشارع

الحقيقة المشكله دي حصلت معايا من الصيف اللي فات بس انا مهتمتش بيها ودخلنا على الشتاء ونسيت الموضوع لكن كل سنه وانتم طيبين الصيف دخل والجو بقى نار

نسيت اقول نقطه مهمة ان لما العربية بتبقى ماشيه بسرعه بيبقى الكيف شغال بكفاءة وصوته هادي لكن لما اهدي صوته يعلى والتبريد يقل الى ان ينعدم تماما وانا واقف في الأشاره والصوت عامل كدة سسسسسسسسسسس

العربيه هيونداي فيرنا فهل حد عنده تفسير للمشكله دي

[أبو إياد]

المشكله بسيطه خالص وابسط مما تتصور
مشكلتك كلها فى دفع الهواء عندك ضعيف
وده نتيجة لانسداد فلتر التكييف فانت لما تجرى بالعربيه الهواء المقابل بيساعد على دخول الهواء لصالون العربيه
وفى حالة وقوف السياره (مافيش هواء داخل ومع انسداد الفلتر) الهواء البارد بيتمنع من الدخول
عليك وعلى اى حد بتاع تكييف وقوله انك عاوز تنظف الفلتر

شطارتك بقا انك تشوف الخطوات اللى بيقوم بيها علشان لما تحصل المشكله مره تانيه انت تعالجها بنفسك
الموضوع كله مش هايكلف اكتر من 10جنيه+10دقايق

[kh_talaat]

ارسل اصلا بواسطة mohamedezat

المشكله بسيطه خالص وابسط مما تتصور
مشكلتك كلها فى دفع الهواء عندك ضعيف
وده نتيجة لانسداد فلتر التكييف فانت لما تجرى بالعربيه الهواء المقابل بيساعد على دخول الهواء لصالون العربيه
وفى حالة وقوف السياره (مافيش هواء داخل ومع انسداد الفلتر) الهواء البارد بيتمنع من الدخول
عليك وعلى اى حد بتاع تكييف وقوله انك عاوز تنظف الفلتر

شطارتك بقا انك تشوف الخطوات اللى بيقوم بيها علشان لما تحصل المشكله مره تانيه انت تعالجها بنفسك
الموضوع كله مش هايكلف اكتر من 10جنيه+10دقايق

شكرا على رد حضرتك بس انا كنت عايز اوضح ان قوه الهواء اللي خارج من التكييف مبتقلش وانا ماشي هادي او في زحمه اللي بيقل هي درجه البروده كمان الفيرنا مفيهاش للأسف فلتر تكييف

[saidbakr]

انا لا أفهم في المكيفات، و لكن مما فهمته من رد الأخ عليك، ان المشكلة في وجود عائق( الفلتر ) يمنع الهواء البارد من التكييف في الدخول الى الصالون مباشرة. أما شدة الهواء التي تتحدث عنها فهي هواء المروحة و هي على ما اعتقد ليس لها علاقة بالهواء البارد في التكييف، لأن هناك عربيات لا يوجد بها تكييف من اساسه و بها هذه المروحة.

[analyzer]

الى انا فهمته ان كدا شدة دخول الهواء ثابته فى كل الاحوال
يبقى كدا الكباس بتاع التكييف هو الى فيه المشكله
ملحوظه الفيرنا مفيهاش فلتر للتكييف

[samirayad]

لا هو الموضوع ببساطه أن ضغط الفريون قليل عن الوضع الطبيعى .......ولازم من أعادة قياس ضغط الفريون وتعويض الضغط الناقص بشحن كمية فريون تانيه............وكده فيه منطقه فى الدايره بتهرب فريون خفيف جدا .........وياريت لو تحاول تعالج النقطه دى الأول (علشان الفريون مايهربش حاجه منه تانى )

[tmedhat]

اغسل السربنتينة بتاعة التكييف كويس قوى
دى حتلاقيها خلف الراديالتير
اتاكد انها سالكة كويس
لو مسدودة بحصى صغيرة بتعمل كدةو ممكن تغسلها بخرطوم المية عادى خالص بس اتجاة المية من جوة لبرة
يعنى عكس اتجاة الهوا عشان يوقع الحصوات العالقة فى السربنتينة
اعملها و ادعيلى
حتلاقى كل حاجة بقت تمام و التكيف بقى عال العال

[kh_talaat]

ارسل اصلا بواسطه analyzer

الى انا فهمته ان كدا شدة دخول الهواء ثابته فى كل الاحوال
يبقى كدا الكباس بتاع التكييف هو الى فيه المشكله
ملحوظه الفيرنا مفيهاش فلتر

للتكييف

بالظبط يا فندم هو دة اللي بيحصل

يعني لما بشد بالعربية التكييف بيبقى تلاجه واول ما اهدي بيبقى مستوى الهواء واحد لكن مش بارد يعني مستوى التبريد بيبقى حسب السرعه

ارسل اصلا بواسطة samirayad
لا هو الموضوع ببساطه أن ضغط الفريون قليل عن الوضع الطبيعى .......ولازم من أعادة قياس ضغط الفريون وتعويض الضغط الناقص بشحن كمية فريون تانيه............وكده فيه منطقه فى الدايره بتهرب فريون خفيف جدا .........وياريت لو تحاول تعالج النقطه دى الأول (علشان الفريون مايهربش حاجه منه تانى )

الموضوع دة من الصيف اللي فات ودة اللي مطمني انه مفيش تسريب للفريون لأن مستوى التبريد مبيقلش والنظام واحد زادت السرعه زاد التبريد قلت السرعه قل التبريد

يبقى كدة انا محتاج اقيس مستوى التبريد هل حد يعرف يا جماعه حد كويس ومضمون في نطاق الدقي والهرم وفيصل

[kh_talaat]

ارسل اصلا بواسطة tmedhat

اغسل السربنتينة بتاعة التكييف كويس قوى
دى حتلاقيها خلف الراديالتير
اتاكد انها سالكة كويس
لو مسدودة بحصى صغيرة بتعمل كدةو ممكن تغسلها بخرطوم المية عادى خالص بس اتجاة المية من جوة لبرة
يعنى عكس اتجاة الهوا عشان يوقع الحصوات العالقة فى السربنتينة
اعملها و ادعيلى
حتلاقى كل حاجة بقت تمام و التكيف بقى عال العال

شكرا على ردك

بس ممكن توضحلي مكان السربنتينه دي وشكلها

أصلي مجربتش اعمل الموضوع دة قبل كدة

[SAMEH_FOUAD]

السربنتينة دية حاجة كدة زى الردياتير وفيها مروحة وهتلاقيها دايما بعد الاكصدام على طول ممكن عندك تلاقيها فى الناحية الليمين وانت وشك للكبوت تقريبا

[samirayad]

الموضوع دة من الصيف اللي فات ودة اللي مطمني انه مفيش تسريب للفريون لأن مستوى التبريد مبيقلش والنظام واحد زادت السرعه زاد التبريد قلت السرعه قل التبريد

بالنسبه للنقطه دى عاوز ألفت نظرك لحاجه .......لما بتكون السرعه عاليه (عدد لفات الضاغط بتزيد وبالتالى عدد دورات التبريد ....وعلشان كده بيزيد معدل التبريد داخل الصالون ).....وحتى لو كان الضغط قليل .........أنما المشكله ممكن تواجهك لما تقل السرعه (لأن كمية وضغط الفريون محسوبه على أنها تشيل حرارة الصالون فى ألأحوال العاديه )...............وطبعا أنا مع الرأى أنك تنظف الأول المكثف ....ولو محصلش تحسن حتحتاج تزود فريون.......

[husseinthemaster]

السلام عليكم قولي يا باشا
الموتور بيعلي لما بتشغل التكيف rbmبيعلي وبتسمع صوت الموتور عالي ولا لا قولي لانة المفروض والعربية واقفة في اشارة الموتور يفضل محمل عشان الكباس انا كان عندي كدة في لانسر بس كاربراتير والمشكلة كانت بسيطة جدا في مسمار تحت الكاربراتير كان مفكوك كان بيضغط علي دراع يخلي الموتور يعلي فيتحمل حمل الكباس ولما اقف في اشارة يفضل التكييف عالي زي ما العربية ماشية واسال وقولي

[kh_talaat]

ارسل اصلا بواسطة husseinthemaster

السلام عليكم قولي يا باشا
الموتور بيعلي لما بتشغل التكيف rbmبيعلي وبتسمع صوت الموتور عالي ولا لا قولي لانة المفروض والعربية واقفة في اشارة الموتور يفضل محمل عشان الكباس انا كان عندي كدة في لانسر بس كاربراتير والمشكلة كانت بسيطة جدا في مسمار تحت الكاربراتير كان مفكوك كان بيضغط علي دراع يخلي الموتور يعلي فيتحمل حمل الكباس ولما اقف في اشارة يفضل التكييف عالي زي ما العربية ماشية واسال وقولي

الآر بي ام بيعلى يا باشا والتكييف شغال والعربية واقفه يعني التكييف مبيفصلش ولا حاجه وهي واقفه لكن التبريد بيقل واحده واحده الى ان ينعدم التبريد في خلال 10 ثواني من الوقوف لكن قوه الهواء مبتقلش

[Rsarabia]

انا تقريبا عندى مشكلة زى كدا بس الفرق انى انجكشن و عارف العيب فى ايه و هو حساس الايدلر كنترول و هو غير متوفر و دايخ عليه و مش لاقيه و بالتالى انا معلى الموتور الى حد معين اللى فيه لما بقف فى اشارة يفضل بردو التكييف شغال بكافئة

[kh_talaat]

انا تقريبا عندى مشكلة زى كدا بس الفرق انى انجكشن و عارف العيب فى ايه و هو حساس الايدلر كنترول و هو غير متوفر و دايخ عليه و مش لاقيه و بالتالى انا معلى الموتور الى حد معين اللى فيه لما بقف فى اشارة يفضل بردو التكييف شغال بكافئة

الفيرنا برضه انجكشن ، بس احب اوضح ان وانا واقف التكييف بيبقى تبريده ضعيف جدا حتى مع رفع الهوايه لأقصى درجه لكن قوه الهواء بتبقى قويه عادي

يعني ايه حساس الايدلر كنترول ؟؟؟