مشكلة في اسـبـراتــيــر ال 128

[dr_abooody]

معايا 128

المهم مرة العربية بطلت و ما رضيتش تدور
روحت حركت الاسبراتير يمين و شمال لحد ما دارت

و بقى صوتها حلو

بس مش عارف اية اللي يعرفني ان كدا احسن و ضع عشان الحرق يكون مظبوط

و ما كنش في صوت تصفيق

[swimmer25]

ازاي حركت الاسبراتير بسهولة كده
المفروض الاسبراتير بيبقي مربوط

[swimmer25]

انت قصدك حركت وش الاسبراتير البلاستيك اللي داخلو اسلاك البوجيهات ؟

لو هو يبقي ده ميفرقش في ضبط العربية بس مشكلته انه لو مش راكب كويس علي الاسبراتير او مكسور هيهرب كهرباء والعربية فعلا متدورش

لكن عشان تظبط العربية في السحب الاسبراتير كله بيبقي مربوط بصامولة تقريبا بتتفك والاسبراتير يتظبط مع ضغط البنزين

اي ميكانيكي يعملهالك حاجة بسيط
الميكانيكي الاول بيظبط بنزين وهوا الكاربراتير وبعدين يظبط الكهرباء من الاسبراتير وتطلع تجرب ( بس تتاكد ان طقم الكهربا تمام )
لو العربية مبتسحبش وبتحس انها مكتومة بترجعلو يعليلك الكهربا من الاسبراتير وتجرب تاني
لو بتطلع صوت لما تكبس بنزين صوت زي زغللة كده يبقي الكهربا زيادة وبيظبطلك الاسبراتير تاني

[dr_abooody]

انا بقا حركت الاسبراتير دة من غير اي مفكات و لا اي حاجة

مسكتة كدا كلة على بعضة و لفيتة يمين و شمال

هل الاسبراتير دة بيتحرك و لازم يتقرط علية و لا بيتظبط و خلاص

اصل كل شوية العربية تبطل و انزل اعمل الاسبراتير تقموم دايرة تاني

[shoudy2005]

انت كده محتاج تقرط على الصامولة بتاعته علشان كل شوية هيتحرك

[dr_abooody]

انت كده محتاج تقرط على الصامولة بتاعته علشان كل شوية هيتحرك

طيب دة عايزة مفتاح كام

[swimmer25]

طيب دة عايزة مفتاح كام

فعلا لازم يتربط كويس وميتحركش خالص
مش عارف محتاج مفتاح كام لان عمري ما عملتها بس متهيالي سهلة اوي
خد معاك مفتاح من 8 الي 12 وحاول تشوف الصامولة اللي بتتحرك لما تلف الاسبراتير هي بتبقي تحت الاسبراتير علي طول
انا بخمن يبقي مفتاح 10 مثلا
وبالتوفيق ان شاء الله وابقي طمنا

[sobhysm]

مفتاح 13 عن تجربة

[swimmer25]

مفتاح 13 عن تجربة

شكرا يا باشا علي المعلومة

[yasserhs71]

مفتاح 13
اكيد
بصراحه مشكله الكهرباء مدوخاني

[aYaBooY]

مفتاح 13
الصامولة تحت الاسبراتير من قدام

[shoudy2005]

طيب ازاى يعرف ازا الكهرباء مظبوطة؟

[swimmer25]

طيب ازاى يعرف ازا الكهرباء مظبوطة؟

مع دوسة الاكسراتير
اضغط مرة واحدة علي الاكسراتير لو العربية استوعبت الضغطة بسرعة من غير غربلة تبقي الكهرباء مظبوطة


لو العربية مبتسحبش وبتحس انها مكتومة ورد فعلها قليل بالنسبة للضغطة من غير ما تطلع صوت غربلة يبقي الكهرباء قليلة
لو بتطلع صوت لما تكبس بنزين صوت زي زغللة او غربلة كده يبقي الكهرباء زيادة وعلي فكرة الصوت بيزيد كل ما تضغط وبردو الاستجابة هتكون اقل
بس لازم يظبط الكاربراتير الاول (هواء وبنزين) عشان يظبطها صح

[Maged_Samy]

المفتاح اللى بتسأل عليه 13
ولو عاوز تظبط الكهرباء اعمل الآتى :
1- ارفع السيارة من الجانب القريب من الاسبراتير من الامام وعشق الغيار الرابع ثم انزع غطاء الاسبراتير وادر عجله السيارة للامام والخلف حتى تأتى الى الجزء العالى من الشاكوش ويكون عنده الابلاتين مفتوح وقيس هذه الفتحة المفروض تكون 37 -40 مللى تقيسها بالفلر ولو معندكش ممكن تقيسها بكرتونة بتاعت مشط كبريت وحاول تصنفر الابلاتين بصنفرة حدادى وبعد كدة اقفل غطاء الاسبراتير .
2- ادر المسمار الخاص بالبنزين اسفل الكربراتير لتعليه الموتور ثم ادر الاسبراتير يمينا ويسارا ببطىء حتى تسمع صوت الشكمان حلو ومش بيقطع او يتفتف .
3- اعد فك المسمار الخاص بالبنزين اسفل الكربراتير لتوطيه الموتور .
4- يفضل وضع قطعة من الشحم او الفزلين فى الشكاوش فى المكان الذى يحدث فيه احتكاك بين الشكاوش والابلاتين لتقليل التاكل .