استفسار عن زيادة فى مقاس الزيت

[m0stafa]

لو سمحتو انا لسه مغير زيت دلوقتى شل سوبر الاصفر
انا استعملته برضه المرة الى فاتت بناء على شكر الاعضاء فيه و بصراه انا برضه حسيت بفرق كبير بين شل سوبر هيلكس و موبيلxhp
يعنى لما كنت بغير زيت موبيل الراجل كان بيقولى حرام عليك الزيت بقى هباب وكده
اما غيرت ل شل و بعد 6 شهور نزلته وغيرت انهارده تانى الراجل بيقولى الزيت كويس وبلزوجته بتغيره ليه قلتله علشان عدى 6 شهور والصيف داخل
ده تعليقى على زيت شل .. صوت الموتور واطى و سحب العربيه حلو لمده 6 شهور والله يعلى الصوت حاجه بسيطه بس فى الاواخر

معلش ليا سؤال وارجو الرد

انا غيرت زيت وفلتر .. وبعد مغير الزيت لقيت فى حوالى 1 سم زياده

قلتله فى زياده فى المقاس قالى لا الزياده دى هتروح علشان الفلتر جديد وهيسحب الزيت الزياده .. هل ده صح ولا غلط؟
بس انا قست الزيت بعد مركنت العربيه ساعه و برضه لسه زيادة 1 سم هل ده خطر وعمل ايه ؟


وشكرا وارجو الافاده

[m7nsh]

الزياده غلط ,, و لكن فى حاله تركيب فلتر فانت بتزود عشان يعوض اللى هيتسحب فيه فعلا

استدليت على كده بان فى المانوال بتاع العربيه بيقول انها بتاخد 2.7 لتر زيت و لو مع فلتر 3

والله اعلم و استنى رأى الناس هنا برده هم ادرى منى بكتير

[samirayad]

معلش ليا سؤال وارجو الرد

انا غيرت زيت وفلتر .. وبعد مغير الزيت لقيت فى حوالى 1 سم زياده

قلتله فى زياده فى المقاس قالى لا الزياده دى هتروح علشان الفلتر جديد وهيسحب الزيت الزياده .. هل ده صح ولا غلط؟
بس انا قست الزيت بعد مركنت العربيه ساعه و برضه لسه زيادة 1 سم هل ده خطر وعمل ايه ؟

هو طبعا الزياده غلط.......ولوالمكنه أساسا بتاكل زيت أمرك لله سيبه وخلاص......والمقاس حينظبط قريب......ومفيش خطر ولا حاجه أن شاء الله ....ولو تقدر تروحله يهوى الطبه شويه وينزل حاجه بسيطه ماشى ( لو المكنه مابتكلش زيت )...........

[m0stafa]

الزياده غلط ,, و لكن فى حاله تركيب فلتر فانت بتزود عشان يعوض اللى هيتسحب فيه فعلا

استدليت على كده بان فى المانوال بتاع العربيه بيقول انها بتاخد 2.7 لتر زيت و لو مع فلتر 3

والله اعلم و استنى رأى الناس هنا برده هم ادرى منى بكتير

شكرا على ردك انا عندى بتاخد 3 ليتر زيت بس و لو غيرت فلتر حسب كلامهم بيقولو بياخد نص لتر زياده

استاذ samir
انا هنتظر لبكره تكون العربية بردت و اقيس تانى لو لسه زياده هو عادى يعرف يفضى شويه و الموتور عندى الحمد لله كويس مش بياكل زيت ..
بس انا المرة الى فاتت كان حوالى نص سم زياده و كانت عادية .. المرة دى 1 سم .. بس انا بسأل هو ده حلها الوحيد انه يهوى الطبة شويه ولا فى طرق تانيه؟

شكرا

[samirayad]

بس انا بسأل هو ده حلها الوحيد انه يهوى الطبة شويه ولا فى طرق تانيه؟

الصراحه هو ده الحل الوحيد لما الواحد يكون عاوز يقلل الزيت شويه......وغير مستحب أساسا ( لأن ماتضمنش برضه الراجل هيعرف يهوى الطبه بهدوء ولا لا )................

_ وحقولك برضه على فكره عندى ( يمكن تعمل معاك شغل من غير ماتهوى ولا حاجه لو لقيت المقاس لسه زياده........)......

__ دور المكنه وسخن كويس......وحل غطاء الزيت والمقاس كمان ( بس تكون واقف فى مكان نظيف .....جراج مثلا ).....بحيث ميكونش فيه تراب ولا حاجه ........وسيبهم مكشوفين شويه .....وجرب كده على الوضع ده خمس دقايق مثلا وأنت مدور.....بحيث تخللى بخار زيت يطلع لبره من عند الغطاء بالذات.......وأبقى غطى بعد ال5 دقايق وشوف فيه تحسن فى المقاس ولا لا وهكذا.......وأهى محاوله

[tmedhat]

بص هو سنتى كتير قوى
يعنى لو نص سنتى مش مشكلة
انا بسيب نص سنتى زيادة فى الغيار و لماييجى ميعاد تغيير الزيت الاقية نزل النص سنتى دة و كمان نتص سنتى علية
لانى بغير كل 5 الاف

[m0stafa]

شكرا استاذ سمير على الرد و هحاول اجرب الطريقه دى بكره الصبح ان شاء الله . والله انا رجعت للراجل الى بيغير زيت وقالى 1 سم مفيش مشاكل عادى بس انا مش مقتنع

شكرا استاذ temdhat انا بستعمل شل سوبر هيلكس الاصفر و عندنا بيتغير على 3 الاف هو والموبيلxhp هما بيقولو 3 الاف بس
وانا بغير على 3000 تقريبا كل 6 شهور مش بمشى كتير

وشكرا على الاهتمام يا جماعه

[swimmer25]

الصراحه هو ده الحل الوحيد لما الواحد يكون عاوز يقلل الزيت شويه......وغير مستحب أساسا ( لأن ماتضمنش برضه الراجل هيعرف يهوى الطبه بهدوء ولا لا )................

_ وحقولك برضه على فكره عندى ( يمكن تعمل معاك شغل من غير ماتهوى ولا حاجه لو لقيت المقاس لسه زياده........)......

__ دور المكنه وسخن كويس......وحل غطاء الزيت والمقاس كمان ( بس تكون واقف فى مكان نظيف .....جراج مثلا ).....بحيث ميكونش فيه تراب ولا حاجه ........وسيبهم مكشوفين شويه .....وجرب كده على الوضع ده خمس دقايق مثلا وأنت مدور.....بحيث تخللى بخار زيت يطلع لبره من عند الغطاء بالذات.......وأبقى غطى بعد ال5 دقايق وشوف فيه تحسن فى المقاس ولا لا وهكذا.......وأهى محاوله

انا مرة غلطت وعملت الموضوع ده في 128
كانت العربية دايرة وقلت اما اقيس الزيت وهي دايرة بسرعة (مكنتش اعرف) وشيلت المقياس لقيت تراطيش زيت بتطلع من المقياس وغرقت الحوض

ومرة تانية قلت ازود زيت وهي دايرة ففتحت غطاء الموتور وكانت نفس النتيجة

خلي بالك لا تغرقلك حوض العربية زيت وتغرقك انت كمان

[samirayad]

انا مرة غلطت وعملت الموضوع ده في 128
كانت العربية دايرة وقلت اما اقيس الزيت وهي دايرة بسرعة (مكنتش اعرف) وشيلت المقياس لقيت تراطيش زيت بتطلع من المقياس وغرقت الحوض

ومرة تانية قلت ازود زيت وهي دايرة ففتحت غطاء الموتور وكانت نفس النتيجة

خلي بالك لا تغرقلك حوض العربية زيت وتغرقك انت كمان

دى فكره عاديه وممكن يضع علبه أمام فتحة غطاء التاكيهات يصطاد بيها بخار الزيت.......والهدف عدم حل الطبه بتاعة الكرتير.......ليس الا

[m0stafa]

استاذ swimmer شكرا على ردك وانا رحت للراجل الى بيغير زيت

استاذ سمير شكرا على الرد وانا رجعتله و كانت الزياده فوق 1 سم يعنى اد عقله الاصبع كده وحل الطبه شويه صغيرة وقعد ينول الزياده شويه شويه لغايه مظبتها كده على 3 مللى زياده علشان العربيه كانت لسه سخنه وانا شفت كده ولقيتها زياده مش ملحوظه يعنى
والحمد لله كل شىء بقى تمام و شكرا على النصيحه يا اخوانى

فى ملحوظه بقى : وانا ماشى شفت محل غيار زيت كاتب .
"يوجد لدينا شفط الزيت السريع لجميع انواع السيارات " كنت هروحله بس بصراحه قلقت .. الى نعرفه احسن من الى منعرفوش

حد عنده معلومات عن شفط الزيت ده؟

[tmedhat]

الشفط بيتم فى معظم التوكيلات بيشفطو الزيت من غيرما يفكو الطبة
موجود من زمماااان

[m0stafa]

الشفط بيتم فى معظم التوكيلات بيشفطو الزيت من غيرما يفكو الطبة
موجود من زمماااان

شكرا على ردك و جزاك الله خير

[MohabSaeed]

فى كل محطات شل عندهم مكنه بتسحب الزيت من الموتور بدون فك الطبه
* كان عندى زياده كبيره فى منسوب الزيت فى عربيتى روحت محطه شيل امام جامعة الازهر . و الفنى هناك شال مقياس الزيت و حط انبوب رفيع جدا مكان المقياس و شفت حوالى نص كيلو زيت زياده ... ربنا يسامحه الميكانيكى الى عمل العمله ديه , اولا لان ده غلط جدا على الموتور و بيبوظ الجوانات , ثانيا اهدرت زيت ب 30 جنيه " تمن نص كيلو زيت شيل هيلكس الترا ".

* معلش فى ملحوظه مهمه جدا فى موضوع منسوب الزيت .
كتير من الميكانيكيه بيتسهلو و يقلبو الزيت كله فى الموتور خصوصا لو حتغير الفلتر , ( ويقولك يا بيه منتا حتغير الفلتر )
الكلام ده هبل طبعا . كل عربيه و ليها منسوب معين " بالميلى لتر " مش ربع لتر
بمعنى ان فى عربيات بتاخد 3.1 و عربيات بتاخد 3.3 زى الانسر .... و 3,4 يعنى منسوب هنا بيتحدد بالميللى لتر مش بالربع كيلو .

* الملحوظه التانيه ماشوفتش فى كل العربيات الى ركبتها و كل عربيات اصدقائى ان فى فلتر زيت بياخد نص كيلو زيت , الكلام ده مش مظبوط
* فلاتر الزيت بتاخد فى حدود ربع كيلو 250 مللى : 400 ميللى على حسب النوع .

[swimmer25]

استاذ swimmer شكرا على ردك وانا رحت للراجل الى بيغير زيت

استاذ سمير شكرا على الرد وانا رجعتله و كانت الزياده فوق 1 سم يعنى اد عقله الاصبع كده وحل الطبه شويه صغيرة وقعد ينول الزياده شويه شويه لغايه مظبتها كده على 3 مللى زياده علشان العربيه كانت لسه سخنه وانا شفت كده ولقيتها زياده مش ملحوظه يعنى
والحمد لله كل شىء بقى تمام و شكرا على النصيحه يا اخوانى

فى ملحوظه بقى : وانا ماشى شفت محل غيار زيت كاتب .
"يوجد لدينا شفط الزيت السريع لجميع انواع السيارات " كنت هروحله بس بصراحه قلقت .. الى نعرفه احسن من الى منعرفوش

حد عنده معلومات عن شفط الزيت ده؟

الف مبروك يا باشا وكده تمام وابقي قيس الزيت بردو وهي باردة

[استشارى ميكانيكا نايل موتورز]

بالنسبة لضبط منسوب الزيت بعد تغيير الفلتر فان الكثير من الفنيين يتعمد زيادة مستوى الزيت عن الحد الاقصى المسموح به بحجة ان الفلتر الجديد فارغ و سيستوعب القدر الزائد من الزيت

هذه الطريقة خاطئة نظرا لان الزيادة فى المنسوب غالبا ما تكون اكثر بكثير مما يستوعبة الفلتر الجيد و تكون المحصلة النهائية هى زيادة منسوب الزيت عن الحد المسموح به

زيادة المنسوب تودى الى زيادة فى الضغط داخل بلوك المحرك و قد تؤدى الى تسريب زيت المحرك من اويل سيلات الكرنك و/او الكامة و فى بعض الحالات قد تكون الزيادة فى الضغط سببا فى زيادة كمية الزيت التى تلقى على جسم الاسطوانات مما قد يسبب تسريب من شمبر الزيت الموجود على المكبس و قد يصل الزيت الى غرفة الحريق

الخطر الاكبر يتمثل فى زيادة مستوى الزيت الى الحد الذى تصتدم فية اذرع التوصيل (البيلات) بالزيت الموجود فى مجمع الزيت (الكارتير) مما يسبب صدمة هيدروليكية لاذرع التوصيل فى كل لفة لعامود الكرنك قد تؤدى الى تلفة

استشارى المنتدى