ارتفاع الحراره فوق 90

[mahmoudfs]

السلام عليكم
عندي الحراره ترتفع فوق 90 و بعد ما تشتغل المروحه بتنزل الحراره هل هذه طبيعي ام توجد مشكله .
العربيه :. ستروين اكسارا

[m_s_h_a]

عادى

هو الاوروبى اغلبه كدا المهم ان الدوره سليمه والمروحه بتشتغل والترموستات بيفتح بس اهم حاجه طول الصيف عينك على مؤشر الحراره وشيك على المايه ومتسمعش لاى حد يفتى ويقولك شيل الترموستات علشان المروحه تشتغل على طول

[samirayad]

هو الاوروبى اغلبه كدا المهم ان الدوره سليمه والمروحه بتشتغل والترموستات بيفتح بس اهم حاجه طول الصيف عينك على مؤشر الحراره وشيك على المايه ومتسمعش لاى حد يفتى ويقولك شيل الترموستات علشان المروحه تشتغل على طول

طبعا الكلام ده عشره على عشره .......وياريت الأخ صاحب الموضوع برضه ......يحاول يستنزف أى هواء موجود فى الدوره .....برباط القفزان بتاعة الخراطيم جيدا .....وحل غطاء تنك التعويض ( القربه )...........أو غطاء الردياتير لو مش موجود قربه........ويضغط على خرطوم الخروج من المكنه الى الردياتير (اللى جاى من ثرموثتات المكنه ) عدة ضغطات بين قبضة اليد اليمنى عدة مرات ....لأخراج الهواء وأعادة تركيب الغطاء والتجربه بعد ذلك ...على أساس ممكن يحدث تحسن فى معدل أرتفاع الحراره بعد عمل الموضوع ده لو كان فيه هواء فى الدوره.................

[SeiffoZ]

أنا عندى فى الفلوريدا كده ..
الطبيعى فوق ال90 ...
و لو الطريق واقف العربية تقرب للاحمر و ساعات بتدخل فيه .. و إتعودت على كده
عشان هى عربية أوروبى بردوا فغالبا كده

[Samir Elshahawy]

أنا عندى فى الفلوريدا كده ..
الطبيعى فوق ال90 ...
و لو الطريق واقف العربية تقرب للاحمر و ساعات بتدخل فيه .. و إتعودت على كده
عشان هى عربية أوروبى بردوا فغالبا كده

بصراحة الكلام ده مش طبيعي , حاول تكشف علي دورة التبريد :
- أتأكد ان الثرموستات سليم و شغال كويس
- أتأكد أن المروحة بتشتغل بكفائتها و عدد لفاتها مظبوط
- أتأكد ان مافيش هوا بدائرة التبريد

[SeiffoZ]

بصراحة الكلام ده مش طبيعي , حاول تكشف علي دورة التبريد :
- أتأكد ان الثرموستات سليم و شغال كويس
- أتأكد أن المروحة بتشتغل بكفائتها و عدد لفاتها مظبوط
- أتأكد ان مافيش هوا بدائرة التبريد

لأ ما هو الترموستات إتشال ... لأن كانت حصلت مشكلة فى العربية فى الأول كانت بتسخن جدا فشلنا الترموستات ..
هى فى مشكلة من شيل الترموستات؟؟؟

[mahmoudfs]

مشكورين على المساعده اخواني الكرام..
المشكله كانت من الهواء.
يوجد هواء في دوره التبريد .الان اخرجت الهواء .
الان كلشي تمام ساعه الحراره ثابته .
تحياتي لكم
محمود