تحذير من عدم تغيير سير الكاتينة

[shamsman]

للاسف بعد شراء عربيتى منذ سنة "ريجاتا 86" قمت بتغير اشياء كثيرا جدا ولكنى لم اغير سير الكتينة ولاسف الاسبوع الماضى حدثت المشكلة انقطع سير السيارة مما ادى لى تلف الصبابات. وبدل ماغير السير فقط ب 35 جنيه دفعت 200 جنيه لخراط وش السلندر غير الجوانات غير مصنعية الميكانيكى 100 جنيه .
حتى بعد كل هذا بعد تركيب وش السلندر اتضح حدوث تسريب للمياه والزيت من جوان وش السلندر والعربية كل شوية تسخن جدا والمياه تنقص بشدة. والميكانيكى يزعم ان اجوان ردىء فقط وبعد فترة سوف يحدث تطبيع والله اعلم.
الخلاصة تحذير شديد اللهجة لكل مشترى سيارة مستعملة او لم يغير سير الكاتينة من فترة حاول تغييره فى اقرب وقت يريت بكرة او بعد بكرة حتى لا يحدث لكم مثلى.:K_crying[1]:

[tmedhat]

عندك حق طبعا
غرامة لا على البال ولا على الخاطر

[m7nsh]

معلش حصل خير

و للأسف محدش بيتعلم ببلاش :)

اهم حاجه انك الحمد لله سليم اى حاجه تانيه مش مشكله

[dr_abooody]

هو سير الكتينة بيتغير كل كام كيلو

[maka]

هو سير الكتينة بيتغير كل كام كيلو

كل 40000 بس اضمن غيره كل 35000

[abo_hosni]

احنا بتوع القديم (جلابية و عمة الزي الرسمي لسائق الـ504) :) مواتير قديمة low compression و non-interference لو السير اتقطع العربية هتقف و خلاص لأن البستم في مشواره مش بيوصل للصبابات و هي مفتوحة
إنما معظم المواتير الأحدث بتكون interference engines يعني لو البستم طلع و الصباب مفتوح (في حالة انقطاع أو خلل في ضبط سير الكاتينة) هيخبط و يعمل كل الأضرار اللي بنسمع عنها

و شكراً على التحذير و بصراحة نظراً للمواضيع اللي شفتها في المنتدى أصبحت أحذر كل واحد أعرفه من الموضوع ده خاصة لو شاري عربية مستعملة و ما يعرفش السير اتغير امتى آخر مرة

[zyadahmed]

هى الاسكودا الفيليشيا ليها سير كاتينة ولا لا سمعت ان لها جنزير يا ترى ايه الفرق بينهم

[lord23]

هى الاسكودا الفيليشيا ليها سير كاتينة ولا لا سمعت ان لها جنزير يا ترى ايه الفرق بينهم

الاسكودة جنزير
والفرق ان الجنزير اقوي من السير وبيقعد مد اطول (حوالي 100 الف كيلو) بس بيعمل صوت خشن شوية

[sweetheart_]

هى يا جماعة السوبر فيورا 86 جنزير ولا سير كاوتش

[momomania22]

طيب ياناس معايا ماتريكس عاملة 45 الف كم موديل 2006
ياترى سير الكاتينة يتغير امته
ولكم جزيل الشكر

[maka]

طيب ياناس معايا ماتريكس عاملة 45 الف كم موديل 2006
ياترى سير الكاتينة يتغير امته
ولكم جزيل الشكر

لو مغيرتوش قبل كده مفروض انه يتغير من 5000

ياريت تلحق تغيره بسرعة قبل ما يحصل اضرار بالغة للمحرك

[muhamed]

انا شارى ماتريكس 2007 عاملة 53000 كم رحت اعمل صيانه فى غبور العبور وكنت عاوز اغير طقم السيور المهندس قالى لسه الفروض يتغيروا على 60000 كم فماغيرتمش هل الكلام ده صحيح لان مش واضح فى دليل الصيانه المفروض يتغيروا على كام كم

[muhamed]

قصدى ابوغالى العبور

[MEGO_GSM]

معلومه قيمه و فى غاية الاهميه
و خصوصا مع السيور العاديه الكاوتش لانها سريعة التلف
و لكن الوضع يختلف كثيرا مع سير الكاتينه الجنزير و ياحبذا لو سير زي سير الكوروللا بيبقى جنزير مزدوج يعنى ان شاء الله عمره الافتراضي اكتر من العادى 10 اضعاف و عن تجربه