اخيرا لقيت حد بينضف رشاشات كويس وقريب

[madawbs]

تمام انت كدة فعلا محتاج تروح لبتاع كاربراتير الحركة بتاعة التبطيل دى كانت بتحصل عندى الصبح بس ولما اكون مش مسخن العربية كويس واكون كمان جريت بسرعة اكتر من 100 كيلو وفعلا ممكن يكون الميكانيكى وسعلك البيك بتاع البنزين على كل حال روح للراجل الى وصفهولك لو هو كويس (ومش لازم يغير الباب ممكن يصلحه او يعمله اكس - الى هى مفصلة يعنى - وممكن يعمل حاجة لطيفة بتظبط الاستهلاك حاجة اسمها عمرة مجرى البنزين وهى انه بيشيل المواسير الى جوة الكاربراتير ودى بتبقى من مادة شبه البلاستيك بس مش فاكر اسمها ايه ودى الى بيمشى فيها البنزين ويحط ومكانها واحدة جديدة واظن بتتكلف حوالى 100 جنيه تقريبا وبيحطلك البكات المظبوطة ويشوف البيبان وحتاجة ايه ويظبطها وان شاء الله تبقى تمام (على فكرة الراجل بتاع السيدة بيديك ضمان على شغله (مش فاكر سنة او 6 شهور) واسمه محمود بتاع الكاربراتير

[Dojuar]

تمام انت كدة فعلا محتاج تروح لبتاع كاربراتير الحركة بتاعة التبطيل دى كانت بتحصل عندى الصبح بس ولما اكون مش مسخن العربية كويس واكون كمان جريت بسرعة اكتر من 100 كيلو وفعلا ممكن يكون الميكانيكى وسعلك البيك بتاع البنزين على كل حال روح للراجل الى وصفهولك لو هو كويس (ومش لازم يغير الباب ممكن يصلحه او يعمله اكس - الى هى مفصلة يعنى - وممكن يعمل حاجة لطيفة بتظبط الاستهلاك حاجة اسمها عمرة مجرى البنزين وهى انه بيشيل المواسير الى جوة الكاربراتير ودى بتبقى من مادة شبه البلاستيك بس مش فاكر اسمها ايه ودى الى بيمشى فيها البنزين ويحط ومكانها واحدة جديدة واظن بتتكلف حوالى 100 جنيه تقريبا وبيحطلك البكات المظبوطة ويشوف البيبان وحتاجة ايه ويظبطها وان شاء الله تبقى تمام (على فكرة الراجل بتاع السيدة بيديك ضمان على شغله (مش فاكر سنة او 6 شهور) واسمه محمود بتاع الكاربراتير

انا بميل للراجل بتاع السيدة ده, طالما بيفهم و مش غالي و اقربلي اروحلو احسن

[madawbs]

انا بميل للراجل بتاع السيدة ده, طالما بيفهم و مش غالي و اقربلي اروحلو احسن

بص هو بتاع شبرا اقدم منه وسمعته مسمعة عنه بس انا ماتعاملتش معاه علشان كان صعب اروح افك الكاربراتير واخده فى ايدى واروله وارجع تانى اركبه واجرب وفيه واحد تانى فى الجيزة عند مدرسة ام المصريين اسمه السنى بتاع الكاربراتير ده ابو محمود بتاع السيدة واشطر منه كمان بس محمود برضه كويس شوف بقى انت ايه الاقربلك وابقى طمنى

[Hossam_Hassan]

رحت النهاردة نضفت الرشاشات عند الأسطى مدحت فى المعادى، الموضوع اخد ساعة و اتكلف 100 جنيه، انا مكنتش باشتكى من زيادة فى استهلاك البنزين، بس كان عندى حاجتين مضايقنى:

1 - رجة جامدة فى الموتور فى بداية الدوارة
2 - رعشة بتروح و تيجى فى الموتور على السلانسيه، يعنى تحس انه مش منتظم

المهم، بعد التنضيف العارضين اختفوا، اما سحب العربية فانا لسه ما حسيتش باى اختلاف علشان الطريق كان زحمة جدا، ان شاء الله بعد بكره راجع سومة باى و هقيس استهلاك البنزين و الاحظ السحب و ابقى اقولكم.

[madawbs]

رحت النهاردة نضفت الرشاشات عند الأسطى مدحت فى المعادى، الموضوع اخد ساعة و اتكلف 100 جنيه، انا مكنتش باشتكى من زيادة فى استهلاك البنزين، بس كان عندى حاجتين مضايقنى:

1 - رجة جامدة فى الموتور فى بداية الدوارة
2 - رعشة بتروح و تيجى فى الموتور على السلانسيه، يعنى تحس انه مش منتظم

المهم، بعد التنضيف العارضين اختفوا، اما سحب العربية فانا لسه ما حسيتش باى اختلاف علشان الطريق كان زحمة جدا، ان شاء الله بعد بكره راجع سومة باى و هقيس استهلاك البنزين و الاحظ السحب و ابقى اقولكم.

طيب كويس ابقى قوللنا على الاستهلاك علشان نتطمن

[ahsi19]

YouTube - DIY Fuel injectors cleaning

[Hossam_Hassan]

رحت النهاردة نضفت الرشاشات عند الأسطى مدحت فى المعادى، الموضوع اخد ساعة و اتكلف 100 جنيه، انا مكنتش باشتكى من زيادة فى استهلاك البنزين، بس كان عندى حاجتين مضايقنى:

1 - رجة جامدة فى الموتور فى بداية الدوارة
2 - رعشة بتروح و تيجى فى الموتور على السلانسيه، يعنى تحس انه مش منتظم

المهم، بعد التنضيف العارضين اختفوا، اما سحب العربية فانا لسه ما حسيتش باى اختلاف علشان الطريق كان زحمة جدا، ان شاء الله بعد بكره راجع سومة باى و هقيس استهلاك البنزين و الاحظ السحب و ابقى اقولكم.

النهاردة فعلا حسيت بالفرق، أولا السحب بقى سلس، مش اقوى قوى بس الموتور بقى ناعم و بالتالى الاحساس بالعربية اختلف لدرجة ان مراتى افتكرت انى غيرت الكاوتش علشان العربية بقت انعم و مفيهاش الرجة اللى كانت موجودة قبل تنظيف الرشاشات.

النقطة الأهم هى استهلاك البنزين، انا نفسى اتقاجأت، علشان لما ركبت الكروز كنترول الشهر اللى فات، الصفيحة فى السفر بقت تعمل حوالى 270 كم بعد ما كانت حوالى 240 كم، النهاردة معدل الأستهلاك كان 335 كم فى الصفيحة ، بجد لغاية دلوقت مش مصدق، بس لولا انى مفول المرتين بايدى علشان اضمن الحسبة تبقى صح مكنتش كتبت الارقام دى بكل ثقة، و على فكرة كل الأرقام دى مع تشغيل التكييف و متوسط سرعة 110 كم.

[madawbs]

طيب كويس طمنتنى

[zaza_lanos]

تمام يا باشا وشكرا للموضوع

[elm3lem_youssef]

يا جماعه أنا أخيرا روحت لللأسطى مدحت وطبعا فى الأول قولتله إنى من المنتدى والراجل رحب بيا جدا المهم أنا لسه راجع من عنده وحاسس ان سحب العربيه بقى أنعم بس طبعا مش حقدر أحكم على أستهلاك البنزين والصراحه ناس محترمه جدا وفاهمه شغلها
الأسطى مدحت كان ليه طلب أننا نعمل أعلان له فى المنتدى علشان الناس تعرف توصله بسرعه فأرجو إننا نحاول نشوف إزاى ممكن نلبى الطلب ده

بالمناسبه أسطى مدحت باعت السلام للأستاذ أحمد حامد والصراحه أنا بشكره على الموضوع الرائع ده

[madawbs]

يا جماعه أنا أخيرا روحت لللأسطى مدحت وطبعا فى الأول قولتله إنى من المنتدى والراجل رحب بيا جدا المهم أنا لسه راجع من عنده وحاسس ان سحب العربيه بقى أنعم بس طبعا مش حقدر أحكم على أستهلاك البنزين والصراحه ناس محترمه جدا وفاهمه شغلها
الأسطى مدحت كان ليه طلب أننا نعمل أعلان له فى المنتدى علشان الناس تعرف توصله بسرعه فأرجو إننا نحاول نشوف إزاى ممكن نلبى الطلب ده

بالمناسبه أسطى مدحت باعت السلام للأستاذ أحمد حامد والصراحه أنا بشكره على الموضوع الرائع ده

لا شكرعلى واجب يا باشا وبالنسبة للاعلان انا مش عارف اكلم له حد من المشرفين على المنتدى خالص علشان اسأله وقولتله ان شغله عامله الى احسن من الاعلان لان دى تجارب واقعية من الناس وده الى بيخلى الناس تروحله بس هو مصمم على الاعلان فياريت لو حد متابعنا من ادارة المنتدى يبعتلى رقم تليفونه او حتى يبعتلى رسالة فيها تكاليف الاعلان والحاجات المطلوبة علشان ابلغه بيها

[Dojuar]

بص هو بتاع شبرا اقدم منه وسمعته مسمعة عنه بس انا ماتعاملتش معاه علشان كان صعب اروح افك الكاربراتير واخده فى ايدى واروله وارجع تانى اركبه واجرب وفيه واحد تانى فى الجيزة عند مدرسة ام المصريين اسمه السنى بتاع الكاربراتير ده ابو محمود بتاع السيدة واشطر منه كمان بس محمود برضه كويس شوف بقى انت ايه الاقربلك وابقى طمنى

اعتذر عن تأخري في الرد بس السبب اني كنت عايز اجرب عربيتي اسبوعين كده عشان اتأكد

بس انا لا رحت لبتاع شبرا و لا بناع السيدة بس روحت لواحد تاني خالص بالصدفة و الحمد لله طلع محترم جدا و ظبطلي الاستهلاك.

ان شاء الله هاعمل موضوع بالصور عشان الاستفادة تبقى احسن, لان البنزين ممكن يتسرسب مننا اونطة.

[madawbs]

اعتذر عن تأخري في الرد بس السبب اني كنت عايز اجرب عربيتي اسبوعين كده عشان اتأكد

بس انا لا رحت لبتاع شبرا و لا بناع السيدة بس روحت لواحد تاني خالص بالصدفة و الحمد لله طلع محترم جدا و ظبطلي الاستهلاك.

ان شاء الله هاعمل موضوع بالصور عشان الاستفادة تبقى احسن, لان البنزين ممكن يتسرسب مننا اونطة.

طيب 100 100 مش مهم انهى واحد روحتله المهم انه يكون عملك شغل كويس وانك بقيت مبسوط ابقى وضح مكانه فى الموضوع بتاعك وتليفونه ان امكن علشان لو حد حب يروحله وشكرا للـFeedBack

[reamoz]

انا من كتر ما سمعت عنه حاسس انه هوا اللي هايظبطلي الكربراتير بتاعي

بس نفسي اعرف عنوانه ايه عشان دورت عليه في المنتدى و ملقتوش

لو قصدك على بتاع الكربراتير اللي في شبرا
هو اسمه الإبراهيمية
ومكانة في شارع متفرع من شارع الترعة بين شارع الترعة وشارع شبرا مش فاكر إسم الشارع بالظيط
لكن هو كان على الناصية بتاعة شارع الترعة سنيما ودلوقتى هدوها وبيبنو مكانها عمارة
عموما لو انت جاي من عند نفق شبرا كدة هتفضل ماشي في شارع الترعة لحد قبل ماتلاقي رصيف في النص قاسم الشارع يعني هو قبل الرصيف ده بناصيتين تقريبا
انا عارف انها وصفة ملخبطة بس لو عرفت اسم الشارع هبقى اقول

[reamoz]

بص الراجل بتاع شبرا انا مش عارف عنوانه لانى ماتعاملتش معاه بس اسمع عنه على العموم كل الميكانيكية عارفين عنوانه وانت بتروحله بالكربراتير مفكوك فلازم تروح للميكانيكى يفكهولك وتروح بيه ابقى اسأل الميكانيكى علي العنوان

اما الراجل الى فى السيدة ده قدام محطة مترو السيدة زينب ناحية شارع السلسلة روح هناك واسأل اى صنايعى تقابله "فين الراجل بتاع الكاربراتير؟" هايشاورلك عليه

على فكرة انا اتعاملت معاه وهو كويس فعلا ومش لازم تروخلة بالكربراتير مفكوك لأن عندة واحد صنايعي بيفك الكربراتير لأني رحت بالعربية وهو فكهولي بس المشكلة هانك ان الركنة صعبة جدا
وساعات بيكون عندة شغل كتير فممكن يقولك تستلم تاني يوم ولا حاجة
انا الحمد لله لما رحتلة قالي الكرباتير عندى مختاج تنضيف بس وفكة ونضفة وبعد كدة الصنايعي ركبة تاني وظبط الهواء